ద్వేషపూరిత కంటెంట్, ఉగ్రవాదం, మరియు హింసాత్మక తీవ్రవాదం

మా ఉత్పత్తులను ఉపయోగించేటప్పుడు Snap చాటర్లు సురక్షితంగా మరియు గౌరవించబడినట్లుగా భావించాలి. ద్వేషపూరిత కంటెంట్‌ పై మా విధానాలు ఈ క్రింది వాటిని నిషేధిస్తాయి:

• ఉగ్రవాద సంస్థలు, హింసాత్మక తీవ్రవాదులు మరియు ద్వేషపూరిత సమూహాలు. మా ప్లాట్‌ఫారమ్‌ను ఉపయోగించడం నుండి ఈ సంస్థలు నిషేధించబడ్డాయి. హింసాత్మక ఉగ్రవాదం లేదా తీవ్రవాదాన్ని సమర్థించే లేదా అభివృద్ధి చేసే కంటెంట్‌ని మేము ఏమాత్రం సహించం.

• సైద్ధాంతిక లక్ష్యాలను ముందుకు తీసుకువెళ్ళడానికి గాను వ్యక్తులు లేదా సమూహాలు పాల్పడిన ఉగ్రవాదం లేదా ఇతర హింసాత్మక, నేరపూరిత చర్యలను ప్రోత్సహించే కంటెంట్ అంతా. ఈ నియమాలు విదేశీ ఉగ్రవాద సంస్థలు లేదా తీవ్రవాద ద్వేషపూరిత సమూహాలను ప్రోత్సహించే లేదా మద్దతు ఇచ్చే ఏదైనా కంటెంట్‍ను కూడా నిషేధిస్తాయి––ప్రతిష్టాత్మక, తృతీయ-పక్ష నిపుణులచే నియమించబడినట్లుగా––అదేవిధంగా అటువంటి సంస్థలు లేదా హింసాత్మక తీవ్రవాద కార్యకలాపాలకు సంబంధించిన నియామకాలను కూడా నిషేధిస్తాయి.

• జాతి, రంగు, కులం, జాతీయత, జాతీయ మూలం, మతం, లైంగిక ధోరణి, లింగ గుర్తింపు, అంగవైకల్యం లేదా ప్రముఖ స్థితి, వలస స్థితి, సామాజిక-ఆర్థిక పరిస్థితి, వయస్సు, బరువు లేదా గర్భధారణ స్థితి ఆధారంగా తక్కువ చూపు చూసే, కించపరచే లేదా వివక్ష లేదా హింసను ప్రోత్సహించే విద్వేషపూరిత ప్రసంగం లేదా కంటెంట్. ఈ నియమాలు, ఉదాహరణకు, జాతి, జాతీయత, స్త్రీద్వేషపూరిత లేదా స్వలింగ దూషణల వాడకాన్ని నిషేధిస్తాయి. అవి ఒక రక్షిత గ్రూప్ పై అపహాస్యం లేదా వివక్ష పిలుపు మరియు ఉద్దేశపూర్వకంగా చెడ్డపేరు తెచ్చే లేదా లింగపరంగా తప్పుగా చెప్పుకునే భావనల్ని కూడా నిషేధిస్తాయి. ద్వేషపూరిత ప్రసంగం అనేది మానవ విషాదాల (నరమేధం, అపరాధ వివక్ష లేదా బానిసత్వం వంటివి) ––నేరస్థులను సమర్థించడం లేదా బాధితులను కించపరచడం––కూడా చేరి ఉంటుంది. నిషేధించబడిన ఇతర ద్వేషపూరిత కంటెంట్‍ యందు, ద్వేషపూరిత చిహ్నాల వాడకం, అంటే ఇతరుల పట్ల ద్వేషం లేదా వివక్షను తెలియజేసే ఏవైనా చిత్రాలు చేరి ఉంటాయి.

Snapchat పై మేము ద్వేషపూరిత కంటెంట్, ఉగ్రవాదం, లేదా హింసాత్మక తీవ్రవాదాన్ని సహించము. మా విధానాలు మరియు మా ఉత్పాదన రూపకల్పన ద్వారా, Snapchatterల భద్రతకు మద్దతు ఇచ్చే మరియు ప్రాధాన్యమిచ్చే ఒక వాతావరణాన్ని నిర్వహించడానికి మేము శ్రద్ధగా పనిచేస్తాము.

మా విధానాలను ఉల్లంఘించే ఏదైనా కంటెంట్‌ను నివేదించడం ద్వారా వాడుకదారులు మా కమ్యూనిటీని రక్షించడానికి మాకు సహాయపడవచ్చు. మేము మా భద్రతా ఉద్దేశ్యాలను బాధ్యతాయుతంగా ముందుకు తీసుకువెళ్ళేలా చూసుకొని సహాయపడేందుకు గాను భద్రతా కమ్యూనిటీ వ్యాప్తంగా వైవిధ్యమైన నాయకులతో కలిసి పనిచేయడానికి కూడా మేము కట్టుబడి ఉన్నాము. మా భద్రతా ప్రయత్నాల గురించి మరింత సమాచారం కోసం, దయచేసి మా భద్రతా కేంద్రమును సందర్శించండి.