వేధింపు మరియు బెదిరింపు

మా వేధింపు మరియు బెదిరింపు విధానాల యొక్క ఉల్లంఘనలు, ఒక సాధారణ వ్యక్తి భావోద్వేగ ఇబ్బందులను అనుభవించడానికి కారణం కాగల ఏదైనా అవాంఛిత ప్రవర్తనను కలిగి ఉంటాయి. ఈ నియమాలు, యూజర్లు పరస్పర వ్యక్తిగత గోప్యతను గౌరవించుకోవాలని కూడా ఆశిస్తాయి. ఈ నియమాలు యొక్క ఉల్లంఘనలలో ఈ క్రిందివి చేరి ఉంటాయి:

• లక్ష్యిత వ్యక్తిని సిగ్గుపడేలా చేసే, ఇబ్బంది పెట్టే లేదా అవమానించే ఉద్దేశ్యంతో దుర్భాషలు, బెదిరింపులు లేదా ఏదైనా ప్రవర్తన.

• ఏకాంత స్థలాలు అనగా — బాత్రూమ్, బెడ్‌రూమ్, లాకర్ రూమ్, వైద్య సదుపాయం లేదా సహాయక జీవన వసతి వంటి చోట్ల ఉన్న మరొక వ్యక్తి యొక్క ఏకాంత సమాచారం మరియు Snaps ని — వారికి తెలియకుండా లేదా వారి సమ్మతి లేకుండా పంచుకోవడం.

ఉల్లంఘనల నివారణలో సహాయపడటానికి, వ్యక్తుల అనుమతి లేకుండా వారి ఫోటోలు లేదా వీడియోలను తీసుకోవడం మరియు ఇతర వ్యక్తుల ఇంటి చిరునామా, పుట్టిన తేదీ, ఫోన్ నంబర్లు మొదలగు ఏకాంత సమాచారాన్ని పంచుకోవడం నివారించాల్సిందిగా మేము Snapchatters ని ప్రోత్సహిస్తాము. మిమ్మల్ని ఎవరైనా Snapchat పై బ్లాక్ చేసినట్లయితే, మీరు మరో అకౌంట్ నుంచి వారిని సంప్రదించలేకపోవచ్చు. మీ Snapలో ఎవరైనా ఉండి, దాన్ని తీసివేయమని అడిగితే, దయచేసి తీసేయండి! ఇతరుల యొక్క గోప్యతా హక్కులను గౌరవించండి.

వాడుకదారులు ఈ నియమాల ఉల్లంఘనలను అనుభవించినప్పుడు లేదా గమనించినప్పుడు నివేదించాల్సిందిగా మేము ప్రోత్సహిస్తాము. మా మోడరేషన్ జట్లు ప్రతి వాడుకదారు Snapchat వాడుక సురక్షితం మరియు సౌకర్యవంతమని భావించేలా చూసుకోవాలనే లక్ష్యంతో ఉంటారు, మరియు చెడు ప్రవర్తనను నివేదించడం ద్వారా ఆ లక్ష్యాన్ని ముందుకు తీసుకువెళ్ళడంలో వాడుకదారులు మాకు సహాయపడవచ్చు.

మేము ఎటువంటి రకమైన వేధింపును లేదా బెదిరింపులను సహించము. Snapchat వాడకం మా వాడుకదారులకు సురక్షితమనిపించాలని మేము కోరుకుంటాము. ఒకవేళ ఎప్పుడైనా మీకు అసౌకర్యంగా అనిపిస్తే, మాకు ఒక నివేదికను పంపి ఎదుటి యూజర్ ని బ్లాక్ చేయడానికి దయచేసి వెనుకాడకండి–– ఈ ఫీచర్లు మీ భద్రత కోసమే అందించబడ్డాయి. మా Here for You పోర్టల్ ద్వారా, బెదిరింపు మరియు వేధింపును గుర్తించి మరియు పరిష్కరించడంలో సహాయపడేందుకు గాను వాడుకదారులు ఇన్-యాప్ వనరులు మరియు సమాచారానికి ప్రాప్యత కలిగి ఉండేలా చూసుకోవడంలో మేము సహాయపడతాము. Snapchat పై ఏదైనా ఉల్లంఘన ప్రవర్తన యొక్క నివేదనను సులభతరం చేయడానికి కూడా మేము సాధనాలను అందిస్తాము.

దయచేసి ప్రజల హుందాతనం మరియు గోప్యతను పరిగణించండి–– వారు అసౌకర్యం వ్యక్తం చేస్తే, వారి సరిహద్దులను గౌరవించండి. ఒకవేళ వారు తమ గురించి కంటెంట్ తొలగించమని మిమ్మల్ని అడిగితే, దయచేసి అలా చేయండి, మరియు సాధారణంగా అనుమతి లేకుండా వ్యక్తుల చిత్రాలు లేదా వారి సమాచారం పంచుకోవడం నుండి దూరంగా ఉండండి.