చట్టవిరుద్ధ లేదా నియంత్రిత కార్యకలాపాలు

ఈ క్రిందివాటితో సహా అక్రమ చర్య కోసం Snapchatను ఉపయోగించడాన్ని మేము నిషేధిస్తాము:

• మానవ అక్రమ రవాణా - కార్మికుల అక్రమ రవాణా, లైంగిక అక్రమ రవాణా మరియు పెద్దలు లేదా మైనర్ల అక్రమ రవాణాతో సహా మానవ అక్రమ రవాణాను ప్రోత్సహించే లేదా సానుకూలపరచే కంటెంట్‌ను Snap నిషేధిస్తుంది. Snap మానవ అక్రమ రవాణాను కూడా నిషేధిస్తుంది.

• వ్యవస్థీకృత నేరం లేదా నేరపూరిత ప్రవర్తన - ముఠాలు, కార్టెల్స్ లేదా ఇతర వ్యవస్థీకృత నేరాల ప్రోత్సాహం, అలాగే నేరపూరిత ప్రవర్తనలో నిమగ్నత కోసం వ్యక్తుల్ని ప్రోత్సహించే లేదా నియమించే కంటెంట్‌ను Snap నిషేధిస్తుంది. 

• మారణాయుధాలు - బాణసంచాతో సహా ఆయుధాలు, మందుగుండు సామగ్రి లేదా పేలుడు పదార్థాల కొనుగోలు, అమ్మకం లేదా తయారీని ప్రోత్సహించడాన్ని Snap నిషేధిస్తుంది. నిర్లక్ష్యపూరిత లేదా బాధ్యతారాహిత్యమైన ఆయుధాల వాడకాన్ని కూడా మేము నిషేధిస్తాము.

• మాదకద్రవ్యాలు మరియు ఫార్మాస్యూటికల్స్ – Snap అక్రమమైన లేదా నియంత్రిత మాదకద్రవ్యాలు, ప్రిస్క్రిప్షన్ ఔషధాలు, మాదకద్రవ్య సంబంధ వస్తువుల కొనుగోలు, అమ్మకం, మార్పిడి, సేల్స్ సౌకర్యం కల్పించడం లేదా నేరపూరిత కార్యకలాపాల్లో పాల్గొనడాన్ని నిషేధిస్తుంది. అక్రమ మాదకద్రవ్యాలు (హెరాయిన్, కొకైన్, మెథాంఫేటమిన్, లేదా ఫెంటానిల్ వంటివి) లేదా మామూలుగా దురుపయోగమయ్యే ప్రిస్క్రిప్షన్ మందులు (ఓపియాయిడ్స్, బార్బిట్యురేట్స్ మరియు యాంఫేటమిన్స్ వంటివి) యొక్క చిత్రణలను కూడా Snap నిషేధిస్తుంది.

ఈ క్రిందివాటితో సహా తరచుగా నియంత్రించబడే నిర్దిష్ట వస్తువులు లేదా కార్యకలాపాల ప్రోత్సాహాన్ని కూడా Snap నిషేధిస్తుంది:

• ఆర్ధిక ఋణాలు లేదా ఇతర ఆర్ధిక ఉత్పత్తులు లేదా సేవలను అందించడం.

• ఆన్‌లైన్ జూదం కార్యకలాపాలను సులభతరం చేయడం, ఇందులో జూదం లేదా జూదానికి సంబంధించిన యాప్‌లు, సైట్‌లు లేదా సేవలను నేరుగా సానుకూలపరచడం లేదా ప్రాప్యతను అందించడం, అలాగే ఆర్థిక సమాచారం సేకరించే లేదా నిజమైన డబ్బుతో స్పోర్ట్స్ బెట్టింగ్ లేదా బెట్టింగ్ డేటాకు ప్రాప్యతను సులభతరం చేయడం లేదా ఆ ప్రాప్యతను ఆర్థిక లాభంగా మార్చడం వంటి యాప్‌లు, సైట్‌లు లేదా సేవలను పంచుకోవడం కూడా ఉంటుంది.

• ఆల్కహాల్ పానీయాలు, పొగాకు లేదా వేప్ ఉత్పత్తులను అమ్మడం.

• CBD లేదా THC వ్యాపారాల్ని ప్రోత్సహించడం.

• CITES చే పేర్కొనబడినట్లుగా అంతరించిపోతున్న జంతు జాతుల అమ్మకం లేదా స్వాధీనం.

నియంత్రిత వస్తువులు లేదా కార్యకలాపాలను ప్రకటించాలనుకునే వ్యాపారాలు ఒక బిజినెస్ అకౌంట్ గా ఆమోదించబడాలి మరియు మా అడ్వర్టైజింగ్ విధానాలుతో సమ్మతి వహించాలి. Snapchat పై సముచిత వాణిజ్య మరియు ప్రకటన కార్యకలాపాలకు సంబంధించి మార్గదర్శనం కోసం దయచేసి ఈ మూలమును సంప్రదించండి.

Snapchat వాడుతున్నప్పుడు వాడుకదారులు మామూలు తమ స్థానిక చట్టాలతో సమ్మతి వహించాలి. అయినా, కొన్ని చట్టాలు వాడుకదారు అధికార పరిధికి నిర్దిష్టంగా ఉండవచ్చని మరియు విస్తృతంగా లేదా ప్రపంచవ్యాప్తంగా వర్తించవని మేము గుర్తించాము. అదనంగా, కొన్ని చట్టాలు మానవ హక్కులను గౌరవించడం పట్ల Snap యొక్క నిబద్ధతకు అస్థిరత్వంతో ఉండవచ్చు. మా కమ్యూనిటీ మార్గదర్శకాలను ఉల్లంఘించవని, కానీ స్థానిక చట్టాలను ఉల్లంఘించినట్లుగా మేము నిర్ధారించే కంటెంట్ లేదా అకౌంట్లపై అమలు చేయడానికి మేము అభ్యర్థనలను అందుకున్నప్పుడు, మానవ హక్కులను గౌరవించే నిబద్ధతను మనసులో ఉంచుకొని మేము ఆ నివేదికలను సమీక్షిస్తాము. కొన్ని ఉదంతాలలో, మేము కంటెంట్‌ను తొలగించకపోయినా, కంటెంట్ స్థానికంగా నిషేధించబడిన ఒక నిర్దిష్ట అధికార పరిధిలోని account లేదా ప్రశ్నార్థకమైన కంటెంట్‌ యొక్క దృశ్యతను తగ్గించవచ్చు. అటువంటి నివేదికల సమీక్ష మరియు అమలు గురించి మరింత సమాచారం కోసం దయచేసి మా మోడరేషన్ వివరణదారును సమీక్షించండి.

ప్రజా భద్రతను ప్రోత్సహించడానికి మరియు సంభావ్యతగా హానికరమైన లేదా చట్టవిరుద్ధమైన కార్యకలాపాల నుండి Snapచాటర్లను రక్షించడానికి మా వంతు కృషి చేయడం అనేది మేము చాలా తీవ్రంగా తీసుకునే ఒక బాధ్యతగా ఉంటుంది.

మేము ఈ ప్రయత్నాలను కొనసాగిస్తుండగా, మా విధానం యొక్క సమర్థత లోనికి పారదర్శకమైన గ్రాహ్యతలను అందించడానికి మేము కట్టుబడి ఉన్నాము. మా పారదర్శకత నివేదికల ద్వారా, చట్టవిరుద్ధమైన లేదా నియంత్రిత కార్యకలాపాలపై మా అమలుకు సంబంధించిన దేశ-స్థాయి సమాచారాన్ని మేము అందిస్తాము. అదనపు వివరాలను అందించడానికై, మేము మా పారదర్శకత నివేదికలో అక్రమ మాదకద్రవ్యాలు-మరియు ఆయుధాల-సంబంధిత ఉల్లంఘనల కోసం మా రిపోర్టింగ్ మరియు అమలు డేటాను విడగొట్టాము.

Snapchat ను సురక్షితంగా మరియు ఆరోగ్యంగా ఉంచడంలో సహాయపడటానికి గాను చట్టవిరుద్ధమైన కార్యకలాపాల సంఘటనలను నివేదించమని మేము వాడుకదారులను ప్రోత్సహిస్తాము. సంభావ్యతగా హానికరమైన కంటెంట్ లేదా ప్రవర్తనను పరిష్కరించే మా సామర్థ్యాన్ని మెరుగుపరిచేందుకు మేము ఎల్లప్పుడూ అవకాశాల కోసం చూస్తాము, మరియు ఈ ఉద్దేశ్యాలను బాధ్యతాయుతంగా ముందుకు తీసుకువెళ్ళేలా చూసుకోవడానికి మేము భద్రతా కమ్యూనిటీలోని వైవిధ్యమైన నాయకులతో కలిసి పనిచేయడానికి కట్టుబడి ఉన్నాము. మా ప్రయత్నాల గురించి మరింత సమాచారం కోసం, దయచేసి మా గోప్యత, భద్రత మరియు పాలసీ హబ్ ని సందర్శించండి.