చట్టవిరుద్ధ లేదా నియంత్రిత కార్యకలాపాలు

అక్రమ మరియు నియంత్రిత కార్యకలాపాలపై మా నిషేధం Snapchat పై భద్రత పట్ల మా అకుంఠితమైన నిబద్ధతను ప్రతిబింబిస్తుంది. సమర్థించడం. ఈ నియమాల్ని పాటించడం ద్వారా, మేము అన్యాయమైన ఉద్దేశ్యాల కోసం మా ప్లాట్‌ఫారమ్ దురుపయోగాన్ని నిరోధిస్తూ Snapchattersని తీవ్రమైన హాని ముప్పుల నుండి రక్షిస్తాము. మా కమ్యూనిటీకి విద్యాసంబంధిత వనరులను అందించి, భద్రతను మరింత విస్తృతంగా ప్రోత్సహించడానికి మేము భద్రతా భాగస్వాములు, ఎన్‌జిఓలు మరియు చట్ట అమలు సంస్థలతో కూడా భాగస్వామ్యం వహిస్తాము.

ప్రపంచవ్యాప్త అధికార పరిధుల్లో చట్టాలు మరియు నిబంధనలు విభిన్నంగా ఉన్నప్పటికీ- మరియు Snapchat ఒక గ్లోబల్ కమ్యూనిటీ అయినా- మా పాలసీలు మామూలుగా ప్రజా భద్రతను బలహీనపరచే ఏదైనా చర్యను నిషేధిస్తాయి.

ఈ క్రిందివాటితో సహా అక్రమ చర్య కోసం Snapchatను ఉపయోగించడాన్ని మేము నిషేధిస్తాము:

• మానవ అక్రమ రవాణా - కార్మికుల అక్రమ రవాణా, లైంగిక అక్రమ రవాణా మరియు పెద్దలు లేదా మైనర్ల అక్రమ రవాణాతో సహా మానవ అక్రమ రవాణాను ప్రోత్సహించే లేదా సానుకూలపరచే కంటెంట్‌ను Snap నిషేధిస్తుంది. Snap మానవ అక్రమ రవాణాను కూడా నిషేధిస్తుంది.

• వ్యవస్థీకృత నేరం లేదా నేరపూరిత ప్రవర్తన - ముఠాలు, కార్టెల్స్ లేదా ఇతర వ్యవస్థీకృత నేరాల ప్రోత్సాహం, అలాగే నేరపూరిత ప్రవర్తనలో నిమగ్నత కోసం వ్యక్తుల్ని ప్రోత్సహించే లేదా నియమించే కంటెంట్‌ను Snap నిషేధిస్తుంది. 

• మారణాయుధాలు - బాణసంచాతో సహా ఆయుధాలు, మందుగుండు సామగ్రి లేదా పేలుడు పదార్థాల కొనుగోలు, అమ్మకం లేదా తయారీని ప్రోత్సహించడాన్ని Snap నిషేధిస్తుంది. నిర్లక్ష్యపూరిత లేదా బాధ్యతారాహిత్యమైన ఆయుధాల వాడకాన్ని కూడా మేము నిషేధిస్తాము.

• మాదకద్రవ్యాలు మరియు ఔషధాలు - అక్రమ లేదా నియంత్రిత మాదకద్రవ్యాలను కొనడం, అమ్మకం, మార్పిడి చేయడం లేదా అమ్మకాలకు సహాయం చేయడాన్ని Snap నిషేధిస్తుంది. ఇందులో గంజాయి, సైలోసైబిన్, ప్రిస్క్రిప్షన్ మందులు, ఇంజెక్షన్ చేయగల పెప్టైడ్స్ వంటి FDA-ఆమోదిత పదార్థాలు, అనుమతించబడిన వైద్య సందర్భం వెలుపల ఉపయోగించే పదార్థాలు మరియు మాదకద్రవ్యాల పారాఫెర్నాలియా వంటి నియంత్రిత మందులు ఉన్నాయి. ఇందులో హెరాయిన్, కొకైన్, మెథాంఫేటమిన్ లేదా ఫెంటానిల్ వంటి చట్టవిరుద్ధమైన మాదకద్రవ్యాలు లేదా సాధారణంగా దుర్వినియోగం చేయబడే ప్రిస్క్రిప్షన్ మందులు (ఓపియాయిడ్స్, బార్బిట్యూరేట్స్ మరియు యాంఫేటమిన్స్ వంటివి) కూడా ఉన్నాయి. చట్టవిరుద్ధమైన లేదా సాధారణంగా దుర్వినియోగం చేయబడిన ప్రిస్క్రిప్షన్ ఔషధాల కోసం, అటువంటి మాదకద్రవ్యాలను చిత్రీకరించడాన్ని లేదా చిత్రీకరించిన వాడకాన్ని కూడా Snap నిషేధిస్తుంది. 

ఈ క్రిందివాటితో సహా తరచుగా నియంత్రించబడే నిర్దిష్ట వస్తువులు లేదా కార్యకలాపాల ప్రోత్సాహాన్ని కూడా Snap నిషేధిస్తుంది:

• ఆర్ధిక ఋణాలు లేదా ఇతర ఆర్ధిక ఉత్పత్తులు లేదా సేవలను అందించడం.

• ఆన్‌లైన్ జూద కార్యకలాపాలకు సహకరించడం. ఇందులో జూదానికి లేదా జూదానికి సంబంధించిన యాప్స్‌, సైట్లు లేదా సేవలను నేరుగా సులభతరం చేసే లేదా వాటికి ప్రత్యక్ష ప్రాప్యతను అందించే యాప్స్‌, సైట్లు లేదా సేవలను పంచుకోవడం ఉంటుంది, అవి ఆర్థిక సమాచారాన్ని సేకరించే లేదా నిజమైన డబ్బు స్పోర్ట్స్‌బుక్‌లు లేదా బెట్టింగ్ డేటాకు ప్రాప్యతను సులభతరం చేసే మరియు/లేదా మోనటైజ్ చేసే యాప్స్‌, సైట్లు లేదా సేవలను పంచుకోవడం ఉంటుంది.  

• ఆల్కహాల్ పానీయాలు, పొగాకు లేదా వేప్ ఉత్పత్తులను అమ్మడం.

• CBD వ్యాపారాలను ప్రోత్సహించడం.

• వైద్య ఫలితానికి హామీ ఇచ్చే సప్లిమెంట్‌లను ప్రోత్సహించడం లేదా అమ్మడం (అనారోగ్యం లేదా గాయం కోసం నివారణ లేదా చికిత్స వంటివి).

• బొటులినమ్ టాక్సిన్ (“బోటాక్స్”), డెర్మల్ ఫిల్లర్లు లేదా ఇలాంటి సూది మందులు వంటి సౌందర్య ప్రక్రియల కోసం ఉపయోగించే నియంత్రిత పదార్థాలను ప్రోత్సహించడం లేదా అమ్మడం.

• GLP1s లేదా సెమాగ్లుటైడ్ ఉన్న సూచించని మందులతో సహా, బరువు తగ్గించే ఉత్పత్తులను అమ్మడం లేదా ప్రోత్సహించడం.

• అద్దెకు డ్రైవర్లను కోరడం లేదా డ్రైవర్ సేవలను అందించడం.

• CITES చే పేర్కొనబడినట్లుగా అంతరించిపోతున్న జంతు జాతుల అమ్మకం లేదా స్వాధీనం.

• జైళ్ల లోపల చిత్రీకరించడం లేదా అక్రమ కార్యకలాపాలను (ఉదాహరణకు, మాదకద్రవ్యాల వాడకం) పత్రబద్ధీకరించడంతో సహా, జైలు నిబంధనలను తప్పించుకోవడానికి Snapchat ఉపయోగించడం.  ఈ నిషేధంలో మానవ హక్కుల ఉల్లంఘనలను డాక్యుమెంట్ చేయడాన్ని చేర్చడం లేదు.

మైనర్ల విషయానికి వస్తే, మైనర్ల ద్వారా అన్ని మాదకద్రవ్యాలు మరియు పొగాకు ఉత్పత్తులను (వేప్‌లతో సహా) ఉపయోగించడాన్ని Snap నిషేధిస్తుంది.

నియంత్రిత వస్తువులు లేదా కార్యకలాపాలను ప్రకటించాలనుకునే వ్యాపారాలు ఒక బిజినెస్ అకౌంట్ గా ఆమోదించబడాలి మరియు మా అడ్వర్టైజింగ్ విధానాలుతో సమ్మతి వహించాలి. Snapchat పై సముచిత వాణిజ్య మరియు ప్రకటన కార్యకలాపాలకు సంబంధించి మార్గదర్శనం కోసం దయచేసి ఈ మూలమును సంప్రదించండి.

గమనిక: Snapchat ఉపయోగించేటప్పుడు వినియోగదారులు సాధారణంగా వారి స్థానిక చట్టాలకు అనుగుణంగా ఉండాలి. అయినా, కొన్ని చట్టాలు వాడుకదారు అధికార పరిధికి నిర్దిష్టంగా ఉండవచ్చని మరియు విస్తృతంగా లేదా ప్రపంచవ్యాప్తంగా వర్తించవని మేము గుర్తించాము. అదనంగా, కొన్ని చట్టాలు మానవ హక్కులను గౌరవించడం పట్ల Snap యొక్క నిబద్ధతకు అస్థిరత్వంతో ఉండవచ్చు. మా కమ్యూనిటీ మార్గదర్శకాలను ఉల్లంఘించవని, కానీ స్థానిక చట్టాలను ఉల్లంఘించినట్లుగా మేము నిర్ధారించే కంటెంట్ లేదా అకౌంట్లపై అమలు చేయడానికి మేము అభ్యర్థనలను అందుకున్నప్పుడు, మానవ హక్కులను గౌరవించే నిబద్ధతను మనసులో ఉంచుకొని మేము ఆ నివేదికలను సమీక్షిస్తాము. కొన్ని ఉదంతాలలో, మేము కంటెంట్‌ను తొలగించకపోయినా, కంటెంట్ స్థానికంగా నిషేధించబడిన ఒక నిర్దిష్ట అధికార పరిధిలోని account లేదా ప్రశ్నార్థకమైన కంటెంట్‌ యొక్క దృశ్యతను తగ్గించవచ్చు. అటువంటి నివేదికల సమీక్ష మరియు అమలు గురించి మరింత సమాచారం కోసం దయచేసి మా మోడరేషన్ వివరణదారును సమీక్షించండి.

వాడుకదారులను రక్షించే మా విధానంలో భద్రత మరియు గోప్యతను సమతుల్యం చేయాలని మేము లక్ష్యంగా చేసుకున్నాము. అక్రమ మాదకద్రవ్యాలు లేదా ఆయుధాల అమ్మకపు ప్రయత్నం, నేరపూరిత కార్యకలాపాలు లేదా బహిరంగ స్థలాల (స్పాట్‌లైట్, పబ్లిక్ స్టోరీస్, మ్యాప్స్)పై విస్తృత నియంత్రిత వస్తువులు లేదా చర్యలను ప్రోత్సహించడం వంటి అక్రమ లేదా నియంత్రిత కార్యకలాపాలకు వాడుకదారులు గురి కాకుండా నిరోధించడానికి మేము ఆటోమేటెడ్ టూల్స్ మరియు మానవ సమీక్షల కలయికను ఉపయోగిస్తాము.

మానవ అక్రమ రవాణా లేదా అక్రమ తరలింపు ప్రయత్నం, అలాగే అక్రమ మాదకద్రవ్యాలు లేదా ఆయుధాల అమ్మక ప్రయత్నం వంటి తీవ్ర ఉల్లంఘనల కొరకు, ఉల్లంఘనా కంటెంట్‌ను గుర్తించి, తొలగించడానికి మేము ముందస్తు, ఆటోమేటెడ్ టూల్స్‌ను ఉపయోగిస్తాము. మానవ జీవితానికి ముప్పు ఉండవచ్చునని మేము నమ్మే చోట, సముచితమైనట్లుగా, చట్ట అమలు సంస్థలతో కూడా మేము సన్నిహితంగా పనిచేస్తాము. కఠినమైన చట్టబద్ధమైన భద్రతలకు లోబడి సంభావ్యతగా ఆసన్నమయ్యే హానికరమైన పరిస్థితులకు స్పందించడానికి ప్రత్యేకమైన ఛానల్‌లతో సహా, ప్రపంచవ్యాప్తంగా చట్ట అమలు అధికారులకు సహాయపడే స్థిరపడిన ప్రోటోకాల్‌లను నిర్వహించడం Snap యొక్క విధానం. చట్ట అమలు చర్యల కోసం మరింత సమాచారాన్ని ఇక్కడ కనుగొనవచ్చు.

చట్టమును ఉల్లంఘించే మరియు తమ భద్రత పట్ల తీవ్రమైన ముప్పును కలిగించే ఆన్‌లైన్ ప్రవర్తన మరియు కార్యకలాపాల రకాలకు సంబంధించి Snapచాటర్లు సాధ్యమైనంత ఎక్కువ సమాచారాన్ని కలిగి ఉండేలా చూసుకోవడానికి మేము కట్టుబడి ఉన్నాము. లాభాపేక్ష లేని సంస్థలతో భాగస్వామ్యం మరియు వైవిధ్యమైన భద్రతా హక్కుదారులతో సమన్వయాల ద్వారా, Snapచాటర్లు సురక్షితంగా ఉండగలిగేలా మేము అధిక-ముప్పు కార్యకలాపాలు మరియు మార్గాల గురించి అవగాహన పెంపొందించే లక్ష్యముతో ఉన్నాము. ఇందులో Here For You మరియు హెడ్స్ అప్ వంటి ఇన్-యాప్ వనరులు చేరి ఉంటాయి, అలాగే భద్రతా హక్కుదారులతో సమన్వయాలు కూడా ఉంటాయి. Snapchat పై ఒక నేరము యొక్క సాక్ష్యం అందించగల కార్యకలాపాలకు సంబంధించిన చెల్లుబాటు అయ్యే చట్టపరమైన ప్రక్రియలకు ప్రతిస్పందనగా మేము చట్టమును అమలు చేసే ఏజెన్సీలతో కూడా సహకరిస్తాము.

ప్రజా భద్రతను ప్రోత్సహించడానికి మరియు సంభావ్యతగా హానికరమైన లేదా చట్టవిరుద్ధమైన కార్యకలాపాల నుండి Snapచాటర్లను రక్షించడానికి మా వంతు కృషి చేయడం అనేది మేము చాలా తీవ్రంగా తీసుకునే ఒక బాధ్యతగా ఉంటుంది.

మేము ఈ ప్రయత్నాలను కొనసాగిస్తుండగా, మా విధానం యొక్క సమర్థత లోనికి పారదర్శకమైన గ్రాహ్యతలను అందించడానికి మేము కట్టుబడి ఉన్నాము. మా పారదర్శకత నివేదికల ద్వారా, చట్టవిరుద్ధమైన లేదా నియంత్రిత కార్యకలాపాలపై మా అమలుకు సంబంధించిన దేశ-స్థాయి సమాచారాన్ని మేము అందిస్తాము. అదనపు వివరాలను అందించడానికై, మేము మా పారదర్శకత నివేదికలో అక్రమ మాదకద్రవ్యాలు-మరియు ఆయుధాల-సంబంధిత ఉల్లంఘనల కోసం మా రిపోర్టింగ్ మరియు అమలు డేటాను విడగొట్టాము.

Snapchat ను సురక్షితంగా మరియు ఆరోగ్యంగా ఉంచడంలో సహాయపడటానికి గాను చట్టవిరుద్ధమైన కార్యకలాపాల సంఘటనలను నివేదించమని మేము వాడుకదారులను ప్రోత్సహిస్తాము. సంభావ్యతగా హానికరమైన కంటెంట్ లేదా ప్రవర్తనను పరిష్కరించే మా సామర్థ్యాన్ని మెరుగుపరిచేందుకు మేము ఎల్లప్పుడూ అవకాశాల కోసం చూస్తాము, మరియు ఈ ఉద్దేశ్యాలను బాధ్యతాయుతంగా ముందుకు తీసుకువెళ్ళేలా చూసుకోవడానికి మేము భద్రతా కమ్యూనిటీలోని వైవిధ్యమైన నాయకులతో కలిసి పనిచేయడానికి కట్టుబడి ఉన్నాము. మా ప్రయత్నాల గురించి మరింత సమాచారం కోసం, దయచేసి మా గోప్యత, భద్రత మరియు పాలసీ హబ్ ని సందర్శించండి.