లైంగిక కంటెంట్

మేము ఈ క్రింది లైంగిక హానులను నిషేధిస్తాము:

• బాలల లైంగిక దోపిడీ లేదా దురుపయోగపు చిత్రాలను పంచుకోవడం, లైంగిక ఉద్దేశ్యాల కోసం గ్రూమింగ్, లైంగిక దోపిడీ (సెక్స్‌టార్షన్), లేదా లైంగిక దురుపయోగం లేదా దోపిడీ ఉద్దేశ్యంతో మైనర్‌ను ఒప్పించే, మోసపూరిత లేదా బలవంతపు ప్రయత్నాలతో సహా మైనర్‌పై లైంగిక దోపిడీ లేదా దురుపయోగపు ఏదైనా కార్యకలాపాన్ని మేము నిషేధిస్తాము. మేము గుర్తించిన ఏదైనా బాలల లైంగిక దోపిడీని, అటువంటి ప్రవర్తనలో పాల్గొనే ప్రయత్నాలను కూడా, చట్టపరమైన అవసరాలకు అనుగుణంగా, తగిన అధికార సంస్థలకు, U.S. నేషనల్ సెంటర్ ఫర్ మిస్సింగ్ అండ్ ఎక్స్‌ప్లోయిటెడ్ చిల్డ్రన్ (NCMEC)తో సహా నివేదిస్తాము.

• ఇది పిల్లల లైంగిక దోపిడీ స్థాయికి చేరుకుంటుందా లేదా అనే దానితో సంబంధం లేకుండా, మైనర్ల లైంగికీకరణ లేదా మైనర్ల నగ్నతను పంచుకోవడం, నిజమైన వ్యక్తులతో సంబంధం ఉన్నా లేకపోయినా, అలాగే కల్పిత, కృత్రిమ లేదా డిజిటల్‌గా సృష్టించబడిన ప్రాతినిధ్యాలకు కూడా వర్తిస్తుంది.

• పెద్దల లైంగిక దోపిడీ, ఇందులో సమ్మతి లేని లైంగిక కంటెంట్, లైంగిక బలవంతం, మరియు మోసపూరిత లైంగిక పద్ధతులు, ఉదాహరణకు వాడుకదారులను నగ్న చిత్రాలను అందించమని బలవంతపెట్టడం లేదా ప్రలోభపెట్టే ప్రయత్నాలు.

• సమ్మతి లేని సన్నిహిత చిత్రాలను (NCII) సృష్టించడం, పంచుకోవడం లేదా సృష్టిస్తామని లేదా పంచుకుంటామని బెదిరించడం నిషేధించబడుతుంది. ఇందులో అనుమతి లేకుండా తీసిన లేదా పంచుకున్న లైంగిక లేదా సన్నిహిత ఫోటోలు లేదా వీడియోలు, స్నానం చేయడం లేదా బాత్రూమ్ ఉపయోగించడం వంటి వ్యక్తిగత చర్యల ప్రదర్శనలు, అలాగే ‘రివెంజ్ పోర్న్’ లేదా వ్యక్తుల సన్నిహిత చిత్రాలు లేదా వీడియోలను వారి సమ్మతి లేకుండా పంచుకోవడం, దోపిడీ చేయడం లేదా బహిర్గతం చేస్తామని బెదిరించే ప్రవర్తనలు ఉన్నాయి.

• AI ద్వారా సృష్టించబడిన లైంగిక కంటెంట్‌ను పంచుకోవడం లేదా సృష్టించడం, ఇందులో "న్యూడిఫై" సేవలు లేదా అప్లికేషన్లను అందించడం లేదా ప్రోత్సహించడం కూడా ఉన్నాయి.

• లైంగిక వేధింపు, ఇందులో అవాంఛిత పురోగమనాలు, గ్రాఫిక్ మరియు అడగని కంటెంట్‌ను పంచుకోవడం లేదా ఇతర వాడుకదారులకు అశ్లీల అభ్యర్థనలు లేదా లైంగిక ఆహ్వానాలను పంపించడం ఉండవచ్చు.

• ఫోటోలు, వీడియోలు, లేదా అత్యంత వాస్తవిక యానిమేషన్, డ్రాయింగులు, లేదా స్పష్టమైన లైంగిక చర్యల ఇతర అందజేతలు లేదా ప్రాథమిక ఉద్దేశ్యం లైంగిక ప్రేరణగా ఉన్న నగ్నత్వంతో సహా అశ్లీల కంటెంట్‌ను ప్రోత్సహించడం, పంపిణీ చేయడం లేదా పంచుకోవడం ఉండవచ్చు.

• ఆఫ్‌లైన్ సేవలు (ఉదాహరణకు, శృంగార మర్దన వంటిది) మరియు ఆన్‌లైన్ అనుభవాలు (ఉదాహరణకు, లైంగిక సబ్‌స్క్రిప్షన్ సేవలను అందించడం లేదా లైంగిక చాట్ లేదా వీడియో సేవలను అందించడం వంటివి) రెండింటితో సహా లైంగిక సేవల (చెల్లింపు లేదా చెల్లింపు లేనివి) ఆఫర్లు లేదా విజ్ఞాపనలు.

కర్త గనక తన సమ్మతిని అందించినట్లయితే, తల్లిపాలివ్వడం, వైద్య ప్రక్రియలు మరియు ఇతర సారూప్య చిత్రణలు వంటి నిర్దిష్ట సందర్భాలలో లైంగికేతర నగ్నత్వానికి మేము అనుమతిస్తాము.

బాలల లైంగిక దోపిడీ, ఏకాభిప్రాయం లేని సన్నిహిత చిత్రాలను పంచుకోవడం (NCII), సెక్స్టార్షన్, లైంగిక వేధింపులు, అశ్లీలతా దృశ్యాలు మరియు లైంగిక సేవల అందజేతలతో సహా ఏ రకమైన లైంగిక దోపిడీ మరియు లైంగిక వేధింపులనైనా సరే, వాటిని మేము నిషేధిస్తాము. 18 సంవత్సరాల కంటే తక్కువ వయస్సు ఉండేవారి నగ్న లేదా లైంగిక బహిర్గతమైన కంటెంట్‌ను ఎప్పటికీ పోస్ట్ చేయవద్దు, సేవ్ చేయవద్దు లేదా పంపించవద్దు, ఫార్వార్డ్ చేయవద్దు లేదా అడగవద్దు (ఇందులో అటువంటి మీ స్వంత చిత్రాలను పంపించడం లేదా సేవ్ చేయడం వంటివి కూడా ఉంటాయి).. లైంగిక కంటెంట్‌తో కూడిన తీవ్రమైన హానిని మేము కనుగొంటే, అట్టి నేరపూరిత అకౌంట్ ను లాక్ చేస్తాము, సముచితమైన చోట దానిని అధికారులకు నివేదిస్తాము.

Snapను వాడుతున్న యూజర్లకు సురక్షితంగా, సౌకర్యంగా అనిపించాలని మేము కోరుకుంటాము. మీకు ఎప్పుడైనా అసురక్షితంగా అనిపిస్తే, లేదా తక్షణ ప్రమాదంలో ఉన్నారని నమ్మితే, సముచితమైన చోట మీ స్థానిక చట్ట అమలు సంస్థను సంప్రదించేలా చూసుకోండి, నేరపూరిత యూజర్లను బ్లాక్ చేయండి. మేము తగు చర్య తీసుకునేలా Snapchat కి ఉల్లంఘనా కంటెంట్ లేదా అకౌంట్లను నివేదించమని కూడా మేము మిమ్మల్ని ప్రోత్సహిస్తాము.