05 دسمبر، 2024

19 مئی، 2026

ہم اس شفافیت کی رپورٹ کو سال میں دو مرتبہ شائع کرتے ہیں تاکہ Snap کے حفاظتی اقدامات کے حوالے سے معلومات و آگاہی فراہم کی جا سکے۔ ہم ان کوششوں کے لیے پرعزم ہیں اور مسلسل کوشش کرتے ہیں کہ یہ رپورٹس ہمارے مواد کی نگرانی، قانون کے نفاذ کے طریقوں، اور Snapchat کمیونٹی کی حفاظت اور فلاح و بہبود کے بارے میں گہری دلچسپی رکھنے والے تمام اسٹیک ہولڈرز کے لیے مزید جامع اور معلوماتی بنائی جا سکیں۔

یہ شفافیت کی رپورٹ 2024 کی پہلی ششماہی (1 جنوری - 30 جون) پر مشتمل ہے۔ ہماری گزشتہ رپورٹس کی طرح، ہم اس رپورٹ میں بھی ان-ایپ کے مواد اور اکاؤنٹ کی سطح پر ہونے والی رپورٹس کے عالمی ڈیٹا کو شیئر کرتے ہیں، جو ہماری ٹرسٹ اور سیفٹی ٹیموں نے کمیونٹی کی ہدایات کی خلاف ورزیوں کے مخصوص زمرے میں موصول اور نافذ کیں؛ اور ہم نے قانون نافذ کرنے والے اداروں اور حکومتوں کی درخواستوں کا کس طرح جواب دیا؛ اور ہم نے حق اشاعت اور ٹریڈ مارک کی خلاف ورزیوں کے نوٹسز پر کس طرح ردعمل ظاہر کیا۔ ہم اس صفحہ کے نچلے حصے میں منسلک فائلوں میں ملک کے لحاظ سے مخصوص بصیرتیں بھی فراہم کرتے ہیں۔

اپنی شفافیت کی رپورٹوں کو مسلسل بہتر بنانے کے اپنے پختہ عزم کے تحت، ہم نئے ڈیٹا کا تعارف کرا رہے ہیں جو کہ ہماری پیشگی کوششوں کو اجاگر کرتا ہے تاکہ ہم کمیونٹی کی ہدایات کی خلاف ورزیوں کی ایک وسیع تر رینج کی شناخت کر کے ان کا نفاذ کر سکیں ہم نے اس ڈیٹا کو عالمی اور ملکی سطح پر اس رپورٹ میں شامل کیا ہے اور آئیندہ بھی ایسا کرتے رہیں گے۔ ہم نے اپنی گزشتہ رپورٹس میں ایک لیبلنگ کے نقص کو بھی درست کیا ہے: جہاں ہم نے پہلے "مجموعی مواد کا نفاذ" کا ذکر کیا تھا، اب ہم "مجموعی نفاذ" کا ذکر کرتے ہیں تاکہ یہ بات واضح ہو سکے کہ متعلقہ کالموں میں فراہم کردہ ڈیٹا میں مواد کی سطح اور اکاؤنٹ کی سطح دونوں کے نفاذ شامل ہیں۔

ہماری آن لائن ممکنہ نقصانات کے خلاف اقدامات کرنے والی پالیسیوں اور رپورٹنگ کے طریقوں کو مزید بہتر بنانے کے ہمارے منصوبوں کے بارے میں مزید معلومات کے لیے، براہ کرم اس شفافیت کی رپورٹ پر ہماری حالیہ سیفٹی اور امپیکٹ بلاگ پڑھیں۔ Snapchat پر اضافی حفاظتی اور پرائیویسی وسائل تلاش کرنے کے لیے، براہ کرم صفحے کے نیچے موجود شفافیت کی رپورٹنگ کے بارے میں ہمارا ٹیب دیکھیں۔

براہ کرم نوٹ کریں کہ اس شفافیت کی رپورٹ کا سب سے حالیہ ترین ورژن EN-US لوکیل میں دستیاب ہے۔

ہماری ٹرسٹ اور سیفٹی ٹیمیں ہماری کمیونٹی کی ہدایات کو دونوں طرح سے نافذ کرتی ہیں: پہلے سے اقدامات کے طور پر (خودکار ٹولز کی مدد سے) اور جوابی طور پر (رپورٹس کے جواب میں)، جیسا کہ اس رپورٹ کے آئندہ حصوں میں تفصیل سے بتایا گیا ہے۔ اس رپورٹنگ سائیکل (H1 2024) میں، ہماری ٹرسٹ اور سیفٹی ٹیموں نے جو نفاذ کے لیے اقدامات اٹھائے، وہ درج ذیل ہیں:

ذیل میں کمیونٹی کی ہدایات کی ہر قسم کی خلاف ورزیوں کی تقسیم ہے، جن میں وہ وقت شامل ہے جس میں ہم نے خلاف ورزی کا پتہ لگایا ہے (یا تو فعال طور پر یا رپورٹ موصول ہونے پر) اور جب ہم نے متعلقہ مواد یا اکاؤنٹ پر حتمی کارروائی کی تھی:

رپورٹنگ کی مدت میں، ہمیں وائولیٹو ویو ریٹ (VVR) 0.01 فیصد دیکھنے کو ملا، جس کا مطلب یہ ہے کہ Snapchat پر ہر 10,000 Snap اور کہانی کے ویوز میں سے 1 ویو میں ایسا مواد تھا، جو ہماری کمیونٹی کی ہدایات کے خلاف پایا گیا۔

1 جنوری سے 30 جون 2024 تک، کمیونٹی کی ہدایات کی خلاف ورزیوں کی ان-ایپ رپورٹس کے جواب میں، Snap کی ٹرسٹ اور سیفٹی ٹیموں نے، عالمی سطح پر مجموعی طور پر 6,223,618 نفاذی کارروائیاں کیں، جن میں 3,842,507 منفرد اکاؤنٹس کے خلاف کارروائیاں شامل ہیں۔ ہماری، ٹرسٹ اور سیفٹی ٹیموں کے لیے، ان رپورٹس پر نفاذ کی کارروائی کرنے کا درمیانہ وقت تقریباً 24 منٹ تھا۔ ذیل میں ہر رپورٹنگ کیٹیگری/زمرہ کا تفصیلی تجزیہ فراہم کیا گیا ہے۔

گزشتہ چھ مہینوں کے مقابلے میں، 2024 کے پہلے نصف میں، ہمارے رپورٹنگ والیوم/حجم میں کوئی خاص تبدیلی نہیں آئی، اور وہ مستحکم رہا۔ اس عرصہ میں، ہم نے مجموعی طور پر نافذ کیے جانے والے اقدامات اور منفرد اکاؤنٹس کی تعداد میں تقریباً %16 کا اضافہ دیکھا۔

گذشتہ 12 مہینوں میں Snap نے یوزرز کے لیے نئے رپورٹنگ میکانزم متعارف کرائے، جس کے باعث ہماری رپورٹ کردہ اور نافذ کردہ والیوم/حجم میں تبدیلی آئی اور اس رپورٹنگ دورانیے (H1 2024) میں ٹرن اراؤنڈ ٹائمز میں اضافہ دیکھا گیا۔ خاص طور پر:

• گروپ چیٹ رپورٹنگ: ہم نے 13 اکتوبر 2023 کو گروپ چیٹ رپورٹنگ متعارف کرائی، جس کے ذریعے یوزرز کو متعدد افراد پر مشتمل چیٹ میں ہونے والے ابیوز/بدسلوکی کی رپورٹ کرنے کی سہولت ملی۔ اس تبدیلی نے ہماری رپورٹنگ کیٹیگریز میں میٹرکس کی ساخت کو متاثر کیا (کیونکہ بعض ممکنہ نقصانات چیٹ کے سیاق و سباق میں زیادہ ہونے کا امکان رکھتے ہیں) اور رپورٹ کی عمل درآمد کی صلاحیت میں اضافہ کیا۔

• اکاؤنٹ رپورٹنگ کی بہتری: ہم نے اپنی اکاؤنٹ رپورٹنگ کی خصوصیت میں تبدیلی کی تاکہ رپورٹ کرنے والے یوزرز کو یہ سہولت دی جا سکے کہ وہ کسی بھی مشتبہ اکاؤنٹ کی رپورٹ کرتے وقت چیٹ کے شواہد بھی جمع کر سکیں، اگرچہ وہ اکاؤنٹ کسی بدکردار فرد کے زیر استعمال ہو۔ یہ تبدیلی، جو اکاؤنٹ رپورٹوں کا تجزیہ کرنے کے لیے ہمیں مزید شواہد اور سیاق و سباق فراہم کرتی ہے، 29 فروری 2024 کو شروع کی گئی۔

چیٹ رپورٹس، بالخصوص گروپ چیٹ رپورٹس، جائزہ لینے میں سب سے زیادہ پیچیدہ اور وقت طلب ہیں، جس کی وجہ سے مجموعی طور پر ٹرن اراؤنڈ ٹائمز میں اضافہ ہوا۔

مشکوک چائلڈ سیکسول ایکسپلوئٹیشن اینڈ ابیوز (CSEA)، ہراسانگی اور بولئنگ/دھونس، اور نفرت انگیز تقاریر کی رپورٹنگ خاص طور پر مذکورہ بالا بیان کردہ تبدیلیوں اور مجموعی ماحولیاتی تبدیلیوں سے متاثر ہوئیں۔ خاص طور پر:

• CSEA: ہم نے 2024 کے پہلے نصف میں CSEA سے متعلقہ رپورٹوں اور ان کے نفاذ میں اضافہ محسوس کیا۔ خصوصی طور پر، ہم نے صارفین کی جانب سے ایپ میں کی جانے والی رپورٹوں میں %64 کا اضافہ، نافذ کردہ کارروائیوں میں %82 کا اضافہ، اور منفرد اکاؤنٹس پر نافذ اقدامات میں %108 کا اضافہ دیکھا۔ یہ اضافہ بنیادی طور پر گروپ چیٹ اور اکاؤنٹ رپورٹنگ کی خصوصیات کے متعارف ہونے کے باعث ہوا ہے۔ چونکہ اس موڈریشن کی قطار کا معاملہ انتہائی حساس ہے، اس لیے ممکنہ CSEA سے متعلق خلاف ورزیوں کی رپورٹس کا جائزہ لینے کے لیے ایک منتخب اور تربیت یافتہ ایجنٹس کی ٹیم مقرر کی گئی ہے۔ اضافی رپورٹس کی موصولی اور نئی تربیتوں کے مطابقت میں ہماری ٹیموں کی ہم آہنگی کے نتیجہ میں ٹرن اراؤنڈ ٹائمز میں اضافہ ہوا ہے۔ آگے پیشرفت کرتے ہوئے، ہم نے اپنی عالمی وینڈر ٹیموں کے والیوم/حجم میں کافی اضافہ کیا ہے تاکہ ٹرن اراؤنڈ ٹائمز کو کم کیا جا سکے اور ممکنہ CSEA کی رپورٹس پر درست نفاذ کیا جا سکے۔ ہمیں توقع ہے کہ ہماری، H2 2024 کی شفافیت کی رپورٹ، اس کاوش کے مثبت نتائج کو ظاہر کرے گی اور ٹرن اراؤنڈ ٹائم میں نمایاں بہتری آئے گی۔
  

• ہراسانگی اور بولئینگ: رپورٹوں کی بنیاد پر، ہم نے یہ مشاہدہ کیا ہے کہ ہراسانگی اور بولئینگ غیر متناسب طور پر چیٹس، اور خاص طور پر گروپ چیٹس میں ہوتی ہے۔ گروپ چیٹ رپورٹنگ اور اکاؤنٹ رپورٹنگ میں کی گئی بہتریوں کی بدولت، ہم اس رپورٹنگ کیٹیگری میں رپورٹس کا تجزیہ کرتے وقت زیادہ جامع اور مؤثر کارروائی کر پاتے ہیں۔ اس کے علاوہ، اس عرصہ میں، ہم یوزرز کی جانب سے ہراسانگی اور بولئینگ کی رپورٹ جمع کراتے وقت، ایک تبصرہ داخل کرنا مطلوب رکھتے ہیں۔ ہم اس تبصرے کا جائزہ لے کر ہر رپورٹ کو بہتر طور پر سمجھنے کی کوشش کرتے ہیں۔ یہ تبدیلیاں مجموعی طور پر متعلقہ رپورٹس کے لیے مجموعی نفاذ (%91+)، منفرد اکاؤنٹس پر نفاذ (%82+)، اور ٹرن اراؤنڈ ٹائم (245+ منٹ) میں اہم اضافہ کا سبب بنیں۔
  

• نفرت انگیز تقاریر: H1 2024 میں، ہم نے نفرت انگیز تقاریر کی رپورٹ کردہ مواد، مجموعی نفاذ اور ٹرن اراؤنڈ ٹائم میں اضافہ دیکھا۔ خاص طور پر، ہم نے ایپ میں کی جانے والی رپورٹوں میں %61 کا اضافہ، مجموعی نفاذ میں %127 کا اضافہ، اور منفرد اکاؤنٹس پر نافذ کردہ اقدامات میں %125 کا اضافہ دیکھا۔ یہ جزوی طور پر ہماری چیٹ رپورٹنگ کی خصوصیات میں بہتری (جیسا کہ پہلے بات کی گئی) کی وجہ سے تھا، اور اس کے علاوہ اسرائیل-حماس تنازعہ کی جاری صورتحال نے جغرافیائی سیاسی ماحول کو مزید بڑھاوا دیا۔

اس رپورٹنگ دورانیے میں، مشتبہ اسپام اور بدسلوکی کی رپورٹس کے جواب میں ہم نے مجموعی نفاذ میں تقریباً %65 کی کمی اور منفرد اکاؤنٹس پر نفاذ میں تقریباً %60 کی کمی دیکھی، جو کہ ہمارے شناخت کرنے اور نفاذ کے نظام میں بہتری کو ظاہر کرتا ہے۔ ہم نے خودکشی اور خود کو نقصان پہنچانے سے متعلق مواد کی رپورٹس پر ردعمل میں مجموعی نفاذ میں (تقریباً %80) کی کمی دیکھی، جو ہماری اپ ڈیٹ شدہ متاثرہ شخص پر مرکوز پالیسی کی عکاسی کرتی ہے، جس کے تحت ہماری ٹرسٹ اور سیفٹی ٹیمیں مناسب کیسز میں متعلقہ صارفین کو خود مدد کے وسائل فراہم کریں گی، بجائے اس کے کہ ان کے خلاف نفاذ کا اقدام اٹھایا جائے۔ یہ حکمت عملی ہمارے سیفٹی ایڈوائزری بورڈ کے ارکان کی مشاورت سے ترتیب دی گئی تھی، جن میں ایک پیڈیاٹرک پروفیسر اور میڈیکل ڈاکٹر شامل ہیں جو انٹرایکٹو میڈیا اور انٹرنیٹ کے نقائص سے متعلقہ مہارت رکھتے ہیں۔