ഭീഷണികൾ, അക്രമം, ഉപദ്രവം

ഇനിപ്പറയുന്നവ ഞങ്ങൾ നിരോധിക്കുന്നു: 

• സ്വയം പരിക്കേൽപ്പിക്കൽ, സ്വയം മുറിവേൽപ്പിക്കൽ, ആത്മഹത്യ, അല്ലെങ്കിൽ ഭക്ഷണക്രമത്തിലുള്ള വൈകല്യങ്ങൾ എന്നിവയുൾപ്പെടെയുള്ള സ്വയം ഉപദ്രവിക്കുന്ന രീതികളെ പ്രോത്സാഹിപ്പിക്കുന്നതോ പ്രചരിപ്പിക്കുന്നതോ മഹത്വവൽക്കരിക്കുന്നതോ.

• സ്വയം ഉപദ്രവിക്കാനുള്ള (കടുത്ത ഡയറ്റിംഗ് ഉൾപ്പെടെ) അല്ലെങ്കിൽ ആത്മഹത്യ ചെയ്യുന്നതിനുള്ള നിർദ്ദേശങ്ങൾ നൽകുകയോ അല്ലെങ്കിൽ രീതികൾ വിശദീകരിക്കുകയോ ചെയ്യുന്നത്. 

• ഒരാൾക്കോ, ഒരു കൂട്ടം ആളുകൾക്കോ ഗുരുതരമായ ശാരീരികമോ മാനസികമോ ആയ ഉപദ്രവം വരുത്തുന്നതിനോ, അല്ലെങ്കിൽ സ്വത്തുക്കൾ നശിപ്പിക്കുന്നതിനോ ഉള്ള ഉദ്ദേശ്യം പ്രകടിപ്പിക്കുന്ന ഉള്ളടക്കങ്ങൾ ഉൾപ്പെടെയുള്ള, അക്രമപരമോ ഭീഷണിപ്പെടുത്തുന്നതോ ആയ പെരുമാറ്റങ്ങളിൽ ഏർപ്പെടുന്നതോ അവ പ്രോത്സാഹിപ്പിക്കുന്നതോ. മനുഷ്യജീവനോ സുരക്ഷയ്‌ക്കോ വിശ്വസനീയവും ആസന്നവുമായ ഭീഷണി ഉള്ളടക്കം സൂചിപ്പിക്കുന്നുണ്ടെങ്കിൽ, അതിൽ ഇടപെടാൻ സാധ്യതയുള്ള നിയമ നിർവ്വഹണ ഏജൻസികളെ ഞങ്ങളുടെ ടീമുകൾ അറിയിച്ചേക്കാം.

• നിയമം കൈയ്യിലെടുക്കൽ. ശരിയായ നിയമ നടപടിക്രമങ്ങൾക്ക് പുറത്ത് വ്യക്തികളെയോ സമൂഹങ്ങളെയോ ഭീഷണിപ്പെടുത്തുന്നതിനോ അവർക്കെതിരെ ശാരീരിക നടപടി സ്വീകരിക്കുന്നതിനോ ഉള്ള ഏകോപിത ശ്രമങ്ങൾ ഇതിൽ ഉൾപ്പെടുന്നു.

• അപകടകരമായ പെരുമാറ്റങ്ങളെ പ്രോത്സാഹിപ്പിക്കുന്നതോ, പ്രചരിപ്പിക്കുന്നതോ, അതിനുള്ള നിർദ്ദേശങ്ങൾ നൽകുന്നതോ അല്ലെങ്കിൽ അത്തരം പ്രവൃത്തികളിൽ ഏർപ്പെടുന്നതോ. ഗുരുതരമായ ദോഷത്തിനോ പരിക്കിനോ കാരണമായേക്കാവുന്നതും അനുകരിക്കാൻ സാധ്യതയുള്ളതുമായ പ്രവർത്തനങ്ങളിൽ ഏർപ്പെടുന്നത് ഇതിൽ ഉൾപ്പെടുന്നു; ഉയർന്ന അപകടസാധ്യതയുള്ള വെല്ലുവിളികൾ, സാഹസിക പ്രവൃത്തികൾ, അശ്രദ്ധമായ ഡ്രൈവിംഗ്, അല്ലെങ്കിൽ അത് ചെയ്യുന്ന വ്യക്തിക്കോ മറ്റൊരാൾക്കോ പൊതുജനങ്ങൾക്കോ ഭീഷണിയുയർത്തുന്ന മറ്റ് പെരുമാറ്റങ്ങൾ എന്നിവ ഇതിന് ഉദാഹരണങ്ങളാണ്.

• ശാരീരികമായി ഹാനികരമായ പദാർത്ഥങ്ങൾ അല്ലെങ്കിൽ ശാരീരികമായ ദോഷം വരുത്താൻ തക്ക അളവിൽ മറ്റ് പദാർത്ഥങ്ങൾ കഴിക്കുന്നതിനോ, ഇഞ്ചക്ഷൻ എടുക്കുന്നതിനോ, ശ്വസിക്കുന്നതിനോ, അല്ലെങ്കിൽ മറ്റേതെങ്കിലും രീതിയിൽ സ്വയം ഉപയോഗിക്കുന്നതിനോ പ്രോത്സാഹിപ്പിക്കുന്നത്.

• ആളുകൾക്കോ മൃഗങ്ങൾക്കോ നേരെ അക്രമാസക്തമോ ദോഷകരമോ ആയ പെരുമാറ്റത്തെ മഹത്വവൽക്കരിക്കുന്നതോ അതിന് പ്രേരിപ്പിക്കുന്നതോ ആയ ഉള്ളടക്കം.

• മൃഗങ്ങളോടുള്ള ക്രൂരത ഉൾപ്പെടെയുള്ള അനാവശ്യമായ അല്ലെങ്കിൽ ഗ്രാഫിക് അതിക്രമങ്ങൾ.

ഭീഷണിപ്പെടുത്തലുകൾ, അതിക്രമം, ദ്രോഹം എന്നിവയോട് പ്രതികരിക്കുന്നതിനുള്ള ഞങ്ങളുടെ സമീപനം ഓരോ സാഹചര്യത്തിനും അനുയോജ്യമായ രീതിയിലാണ് രൂപപ്പെടുത്തിയിരിക്കുന്നത്. ഒരാൾ സ്വയം ഭീഷണികൾ ഉയർത്തുമ്പോൾ, സുരക്ഷാ ഉറവിടങ്ങൾ വഴി മികച്ച പിന്തുണാ മാർഗങ്ങൾ തിരിച്ചറിയാനായി ഞങ്ങളുടെ ടീമുകൾ പ്രവർത്തിക്കുന്നു. മറ്റുള്ളവർ ഭീഷണി നേരിടുന്ന സാഹചര്യങ്ങളിൽ, ഞങ്ങളുടെ നയങ്ങൾ നടപ്പിലാക്കുന്നതിലൂടെയും ആവശ്യമെങ്കിൽ നിയമപാലകരുടെ സഹായം തേടുന്നതിലൂടെയും സുരക്ഷിതമായ ഫലങ്ങൾ ഉറപ്പാക്കാൻ ഞങ്ങൾ ശ്രമിക്കുന്നു.

ഞങ്ങളുടെ കമ്മ്യൂണിറ്റിയുടെ സുരക്ഷയും ക്ഷേമവും പിന്തുണയ്ക്കുന്നതിന് ഞങ്ങളുടെ പങ്ക് ചെയ്യുക എന്നുള്ളത് ഞങ്ങളുടെ കമ്പനിയുടെ പ്രധാന മുൻ‌ഗണനയാണ്.