ഉപദ്രവിക്കലും ഭീഷണിപ്പെടുത്തലും

ഞങ്ങളുടെ ഉപദ്രവം, ഭീഷണിപ്പെടുത്തൽ എന്നിവ സംബന്ധിച്ച നയങ്ങളുടെ ലംഘനങ്ങളിൽ ഒരു സാധാരണ വ്യക്തിക്ക് വൈകാരിക ബുദ്ധിമുട്ട് അനുഭവിക്കാൻ കാരണമായേക്കാവുന്ന ഏതെങ്കിലും അനാവശ്യമായ പെരുമാറ്റം ഉൾപ്പെടുന്നു. ഇനിപ്പറയുന്നവ ഞങ്ങൾ നിരോധിക്കുന്നു: 

• ഒരാളുടെ ശാരീരിക രൂപം, വ്യക്തിത്വം, ബുദ്ധിശക്തി അല്ലെങ്കിൽ വ്യക്തിപരമായ സവിശേഷതകൾ എന്നിവയുടെ അടിസ്ഥാനത്തിൽ അവരെ പരിഹസിക്കുന്നതോ, അപമാനിക്കുന്നതോ, തരംതാഴ്ത്തുന്നതോ, അവഹേളിക്കുന്നതോ കളങ്കപ്പെടുത്തുന്നതോ ആയ ഉള്ളടക്കങ്ങൾ പോസ്റ്റ് ചെയ്യുന്നത്; ഇതിൽ ആക്രമണോത്സുകമായോ അശ്ലീലമായോ പേര് വിളിക്കുന്നതും ഉൾപ്പെടുന്നു.

• കിംവദന്തികൾ പ്രചരിപ്പിക്കുന്നത്, വ്യക്തികളെ അജ്ഞാതമായി ഉപദ്രവിക്കുന്നതിനോ അപമാനിക്കുന്നതിനോ മാത്രമായി നീക്കിവച്ചിട്ടുള്ള അക്കൗണ്ടുകൾ ഉൾപ്പെടെയുള്ളത്.

• അക്രമത്തിനോ മരണത്തിനോ ദുരന്തത്തിനോ ഇരയായവരെ പരിഹസിക്കുന്നതോ, അല്ലെങ്കിൽ മറ്റൊരാൾക്കെതിരെ അക്രമമോ മരണമോ ദുരന്തമോ ആശംസിക്കുന്നതോ.

• ഒരാളെ ഉപദ്രവിക്കാൻ പ്രേരിപ്പിക്കുന്നതിനോടൊപ്പം അയാളുടെ വ്യക്തിഗതമോ തിരിച്ചറിയാൻ കഴിയുന്നതോ ആയ വിവരങ്ങൾ പങ്കുവെച്ചുകൊണ്ട് ഉപദ്രവിക്കാൻ പ്രേരിപ്പിക്കുന്നത് (ഉദാഹരണത്തിന്, "ഡോക്സിംഗ്").

• ഒരാളെ അപമാനിക്കുന്നതിനായി അയാളുടെ കൃത്രിമമായി നിർമ്മിച്ച ചിത്രങ്ങൾ (AI ഉപയോഗിച്ച് നിർമ്മിച്ചവ, ഡിജിറ്റലായി സൃഷ്ടിച്ചവ, മാറ്റം വരുത്തിയവ, കാർട്ടൂണുകൾ അല്ലെങ്കിൽ എഡിറ്റ് ചെയ്ത സ്റ്റിക്കറുകൾ പോലെയുള്ള ചിത്രീകരണങ്ങൾ ഉൾപ്പെടെ) പങ്കുവെക്കുന്നത്.

• ഒരാൾ നിങ്ങളെ ബ്ലോക്ക് ചെയ്തതിന് ശേഷമോ അല്ലെങ്കിൽ ബന്ധപ്പെടരുത് എന്ന് ആവശ്യപ്പെട്ട ശേഷമോ, പുതിയ അക്കൗണ്ട് ഉപയോഗിച്ച് അവരെ ബന്ധപ്പെടുന്നത് ഉൾപ്പെടെയുള്ള ആവർത്തിച്ചുള്ളതും അനാവശ്യവുമായ സമ്പർക്കങ്ങൾ.

വിവേചനം, ഉപദ്രവം, അതിക്രമം അല്ലെങ്കിൽ ഉപദ്രവിക്കാനുള്ള ആഹ്വാനങ്ങൾ എന്നിവ ഉൾപ്പെടാത്ത പക്ഷം, 18 വയസ്സോ അതിൽ കൂടുതലോ പ്രായമുള്ള പ്രമുഖ വ്യക്തികളെക്കുറിച്ചുള്ള അഭിപ്രായപ്രകടനങ്ങളും വിമർശനങ്ങളും Snap അനുവദിക്കുന്നു.

ഉപയോക്താക്കൾ മറ്റുള്ളവരുടെ വ്യക്തിപരമായ സ്വകാര്യതയെ മാനിക്കുമെന്ന് ഞങ്ങൾ പ്രതീക്ഷിക്കുന്നു. Snap ഇനിപ്പറയുന്നവ നിരോധിക്കുന്നു:

• മറ്റൊരു വ്യക്തിയുടെ സ്വകാര്യമോ വ്യക്തിപരമായി തിരിച്ചറിയാവുന്നതോ ആയ വിവരങ്ങൾ (PII) പങ്കിടുന്നത്. 

• സ്വകാര്യ ചിത്രങ്ങളുടെയോ സംഭാഷണങ്ങളുടെയോ സ്ക്രീൻഷോട്ടുകളോ റെക്കോർഡിംഗുകളോ ഉൾപ്പെടെയുള്ള സ്വകാര്യ ഉള്ളടക്കം പങ്കിടുന്നത്. 

• പ്രായപൂർത്തിയാകാത്തവർ, വീടില്ലാത്തവർ, മാനസിക ശേഷി കുറഞ്ഞവർ, ചികിത്സാ കേന്ദ്രങ്ങളിലോ നഴ്സിംഗ് ഹോമുകളിലോ അസിസ്റ്റഡ് ലിവിംഗ് സൗകര്യങ്ങളിലോ ഉള്ളവർ എന്നിങ്ങനെ, തങ്ങളുടെ ഉള്ളടക്കം പകർത്തുന്നതിനോ പങ്കുവെക്കുന്നതിനോ സമ്മതം നൽകാൻ കഴിയാത്ത ദുർബലരായ വ്യക്തികളെ ഉൾപ്പെടുത്തിയുള്ള ഉള്ളടക്കം പങ്കുവെക്കുന്നത്.

ഉപയോക്താക്കളുടെ സുരക്ഷയും സ്വകാര്യതയും ഒരുപോലെ ഉറപ്പാക്കിക്കൊണ്ടുള്ള ഒരു സമീപനമാണ് ഞങ്ങൾ ലക്ഷ്യമിടുന്നത്. ഉപഭോക്താക്കൾക്ക് (സ്‌പോട്ട്‌ലൈറ്റ്, പബ്ലിക് സ്റ്റോറികൾ, മാപ്സ് എന്നിവ പോലുള്ളവ) പബ്ലിക് പ്ലാറ്റ്ഫോമുകളിൽ ഉപദ്രവം അല്ലെങ്കിൽ ബുള്ളിയിംഗിന് വിധേയമാകുന്നത് തടയാൻ ഞങ്ങൾ ഓട്ടോമേറ്റഡ് ടൂൾസും മനുഷ്യ നിരീക്ഷണവും സംയോജിപ്പിച്ച് ഉപയോഗിക്കുന്നു. 

യഥാർത്ഥ സുഹൃത്തുക്കളെ തമ്മിൽ ബന്ധിപ്പിക്കുന്നതിനും അനാവശ്യമായ ഇടപെടലുകൾ ഒഴിവാക്കുന്നതിനുമായാണ് ഞങ്ങൾ Snapchat രൂപകൽപ്പന ചെയ്തിരിക്കുന്നത്. പൂർവനിർണ്ണയപ്രകാരം, ഉപഭോക്താക്കൾക്ക് അവരുടെ സുഹൃത്തായി ചേർത്ത ആളുകളിൽ നിന്നുള്ള സന്ദേശങ്ങൾ മാത്രമേ ലഭിക്കൂ. ഉപഭോക്താക്കൾക്ക് അവരുടെ പ്രൊഫൈലുകൾ പ്രൈവറ്റ് ആക്കാനും മറ്റുള്ളവരെ കാണാതിരിക്കാൻ അല്ലെങ്കിൽ ബന്ധപ്പെടാതിരിക്കാൻ ബ്ലോക്ക് ചെയ്യാനും കഴിയും. 18 വയസ്സിൽ താഴെയുള്ള ഉപയോക്താക്കളുടെ പ്രൊഫൈലുകൾ ഡിഫോൾട്ടായി പ്രൈവറ്റ് ആയിരിക്കും. എന്നാൽ 16 വയസ്സിൽ താഴെയുള്ള ഉപയോക്താക്കൾക്ക് അവരുടെ പ്രൊഫൈലുകൾ പ്രൈവറ്റ് ആയി മാത്രമേ ക്രമീകരിക്കാൻ സാധിക്കുകയുള്ളൂ. 

ഈ നിയമങ്ങളുടെ ലംഘനങ്ങൾ അനുഭവിക്കുകയോ കാണുകയോ ചെയ്യുമ്പോൾ അത് റിപ്പോർട്ട് ചെയ്യാൻ ഞങ്ങൾ ഉപയോക്താക്കളെ പ്രോത്സാഹിപ്പിക്കുന്നു. ഉപഭോക്താവ് അത്തരത്തിലുള്ള പെരുമാറ്റത്തിന്റെ ലക്ഷ്യമാകുമ്പോൾ അത് ബുള്ളിയിംഗോ ഉപദ്രവമോ ആണെന്ന് അവൻ/അവൾ അനുഭവപ്പെടുന്നുണ്ടോ എന്ന കാര്യം പരിഗണിച്ചുകൊണ്ട്, ഉപഭോക്താവിനെ കേന്ദ്രീകരിച്ചുള്ള സമീപനം സ്വീകരിച്ച് ഞങ്ങൾ ബുള്ളിയിംഗും ഉപദ്രവവും വിലയിരുത്തുന്നു. Snapchat ഉപയോഗിക്കുമ്പോൾ ഓരോ ഉപയോക്താവിനും സുരക്ഷിതവും സുഖകരവുമായ അനുഭവങ്ങൾ ഉറപ്പാക്കാനാണ് ഞങ്ങളുടെ മോഡറേഷൻ ടീമുകൾ ലക്ഷ്യമിടുന്നത്.