இந்த வலைப்பதிவை நாங்கள் முதலில் அறிமுகப்படுத்தியபோது, பெற்றோர் மற்றும் பிற குடும்ப உறுப்பினர்கள், கல்வியாளர்கள் மற்றும் ஆலோசகர்கள், பாதுகாப்பு ஆதரவாளர்கள் மட்டும் சட்ட அமலாக்கம் போன்ற எங்கள் சமூகத்தின் ஆரோக்கியத்தை மற்றும் நல்வாழ்வை பற்றி ஆழமாக அக்கறை கொண்ட பல பங்குதாரர்களுடன் பேசுவது எங்கள் இலக்குகளில் ஒன்று என்பதை நாங்கள் விளக்கினோம். இந்த இடுகையில், சட்ட அமலாக்க சமூகத்துடன் சிறந்த தகவல்தொடர்பை எளிதாக்க நாங்கள் எடுத்துள்ள சில நடவடிக்கைகளைப் பற்றிய தகவல்களை வழங்க விரும்பினோம்.

எங்கள் தளத்தில் சட்டவிரோத அல்லது தீங்கு விளைவிக்கும் செயல்பாட்டை எதிர்த்துப் போராடுவதற்கான எங்கள் முயற்சிகளில் ஒவ்வொரு மட்டத்திலும் சட்ட அமலாக்கம் முக்கியமான கூட்டாளர்கள் ஆவார்கள். எங்கள் சமூகத்தைப் பாதுகாப்பாக வைத்திருக்க எங்கள் தற்போதைய பணியின் ஒரு பகுதியாக, சட்ட அமலாக்கத்தின் விசாரணைகள் தொடர்பான அவர்களின் கோரிக்கைகளை மதிப்பாய்வு செய்து பதிலளிக்க எங்களிடம் அர்ப்பணிக்கப்பட்ட உள்ளக சட்ட அமலாக்க செயல்பாடுகள் குழு உள்ளது. எடுத்துக்காட்டிற்கு:

• Snapchat இல் உள்ள உள்ளடக்கம் தற்காலிகமானதாக, நண்பர்களுக்கு இடையே நிஜ வாழ்க்கை உரையாடல்களை பிரதிபலிப்பதாக இருந்தாலும், செல்லுபடியாகும் சட்டக் கோரிக்கைகளுக்குப் பதிலளிக்கும் வகையில், சட்ட அமலாக்க நிறுவனங்களுக்கு, பொருந்தக்கூடிய சட்டங்களுக்கு இணங்க, கிடைக்கக்கூடிய கணக்குத் தகவல் மற்றும் சட்ட அமலாக்கத்திற்கான உள்ளடக்கத்தைப் பாதுகாக்கும் திறனை நாங்கள் நீண்ட காலமாக வழங்கியுள்ளோம்.

• உயிருக்கு உடனடி அச்சுறுத்தல்களை ஏற்படுத்தக்கூடிய எந்தவொரு உள்ளடக்கத்தையும் எப்போதும் முன்கூட்டியே சட்ட அமலாக்க அதிகாரிகளிடம் முறையீடு செய்துள்ளோம்.

• Snapchat கணக்குப் பதிவுகளுக்கான சரியான கோரிக்கையை நாங்கள் பெற்றவுடன், பொருந்தக்கூடிய சட்டங்கள் மற்றும் தனியுரிமை தேவைகளின் இணக்கத்துடன் நாங்கள் பதிலளிக்கிறோம்.

கடந்த ஆண்டில், இந்தக் குழுவை மேம்படுத்த நாங்கள் முதலீடு செய்து வருகிறோம் மற்றும் சரியான சட்ட அமலாக்க கோரிக்கைகளுக்கு சரியான நேரத்தில் பதிலளிக்கும் வகையில் அவர்களின் திறன்களை மேம்படுத்துவதை தொடர்கிறோம். குழு 74% விரிவடைந்துள்ளது, பல புதிய குழு உறுப்பினர்கள் வழக்கறிஞர்கள் மற்றும் சட்ட அமலாக்க அதிகாரிகளாக இளைஞர்களின் பாதுகாப்பில் அனுபவம் பெற்றவர்கள் உட்பட அனைத்து மட்டங்களிலும் இணைந்துள்ளனர். இந்த முதலீடுகளின் விளைவாக, சட்ட அமலாக்க விசாரணைகளுக்கான எங்கள் பதிலளிக்கும் நேரத்தை கடந்த ஆண்டில் 85% மேம்படுத்த எங்களுக்கு சாத்தியமானது. அவசரநிலை வெளிப்படுத்தல் கோரிக்கைகள் இருந்தால் -- மிக முக்கியமான கோரிக்கைகளில் சில, உடனடி மரண ஏற்படும் ஆபத்து அல்லது கடுமையான உடல் காயம் ஆகியவை இருக்கும் பட்சத்தில் எங்கள் 24/7 அணி பொதுவாக 30 நிமிடங்களுக்குள் நடவடிக்கை எடுக்கிறது. Snap பெறும் சட்ட அமலாக்க கோரிக்கைகளின் வகைகள் மற்றும் கோரிக்கைகளின் அளவை பற்றி மேலும் அறிய இந்த முக்கியமான உள்நுணுக்கங்களை பொதுமக்களுக்கு வழங்க ஆறு மாதங்களுக்கு ஒரு முறை வெளிப்படைத்தன்மை அறிக்கையை வெளியிடுகிறோம். 2021-ஆம் ஆண்டின் முதல் பாதியை உள்ளடக்கிய எங்கள் சமீபத்திய அறிக்கையை நீங்கள் இங்கே படிக்கலாம்.

Snapchat பாரம்பரிய சமூக ஊடக தளங்களை விட வித்தியாசமாக கட்டமைக்கப்பட்டுள்ளது என்பதை உணர்ந்து, சட்ட அமலாக்கத்தில் உள்ள பல உறுப்பினர்களுக்கு எங்கள் தயாரிப்புகள் எவ்வாறு செயல்படுகின்றன மற்றும் அவர்களின் வேலையை ஆதரிக்கும் எந்தவித திறன்கள் எங்களுக்கு இருக்கிறது என அறிந்திருக்க மாட்டார்கள், மேலும் பலவற்றை வழங்குவதே எங்களின் முதன்மையான முன்னுரிமைகளில் ஒன்றாகும். இந்த பெரிய கவனத்தின் ஒரு பகுதியாக நாங்கள் சமீபத்தில் இரண்டு முக்கியமான நடவடிக்கைகளை எடுத்தோம்.

முதலில், சட்ட அமலாக்க அவுட்ரீச்சின் எங்கள் முதல் தலைவராக ராகுல் குப்தாவை நாங்கள் வரவேற்றோம். சைபர் கிரைம், சமூக ஊடகங்கள் மற்றும் டிஜிட்டல் சான்றுகள் ஆகியவற்றில் நிபுணத்துவத்துடன் கலிபோர்னியாவில் உள்ளூர் அரசுத்தரப்பு வழக்கறிஞராக ஒரு புகழ்பெற்ற பதவிக்கு பிறகு ராகுல் Snap-இல் சேர்ந்தார். இந்தப் புதிய பதவியில், சட்ட தரவு கோரிக்கைகளுக்குப் பதிலளிக்க Snap-இன் கொள்கைகளைப் பற்றி விழிப்புணர்வை ஏற்படுத்த ராகுல் உலகளாவிய சட்ட அமலாக்க நிகழ்ச்சி ஒன்றை உருவாக்குவார். நாங்கள் முன்னேறுவதற்கான பகுதிகளை அடையாளம் கண்டறிந்து, அவர் சட்ட அமலாக்க ஏஜென்சிகளுடன் உறவை வளர்த்து அவர்களிடம் இருந்து தொடர்ச்சியான பின்னூட்டத்தை நாடுவார்.

இரண்டாவதாக, அக்டோபரில் வலுவான இணைப்புகளை உருவாக்க மற்றும் அமெரிக்க சட்ட அமலாக்க அதிகாரிகளுக்கு எங்கள் சேவைகளை விளக்க எங்கள் முதல் Snap சட்ட அமலாக்க உச்சிமாநாட்டை நடத்தினோம். ஃபெடரல், மாநில மற்றும் உள்ளூர் முகமைகளைச் சேர்ந்த 1700 சட்ட அமலாக்க அதிகாரிகள் பங்கேற்றனர்.

எங்கள் தொடக்க நிகழ்வு எவ்வளவு பயனுள்ளதாக இருந்தது என்பதை அளவிட மற்றும் வாய்ப்புக்கான பகுதிகளை அடையாளம் காண்பதற்கு உச்சிமாநாட்டிற்கு முன்னரும் பிறகும் எங்கள் பங்கேற்பாளர்களிடம் கருத்தாய்வு நடத்தினோம். உச்சிமாநாட்டிற்கு முன், நாங்கள் கண்டறிந்தது:

• கருத்தாய்வு செய்யப்பட நபர்களின் 27% மட்டுமே Snapchat-இன் பாதுகாப்பு நடவடிக்கைகளை அறிந்திருந்தனர்.

• 88%, Snapchat அவர்களின் விசாரணைகளுக்கு ஆதரவாக என்ன வகையான தரவை வழங்க முடியும் என்பதை அறிய விரும்பினார்.

• Snapchat உடன் சிறப்பாக வேலை செய்வதற்கான செயல்முறை என்ன என்பதை 72% தெரிந்து கொள்ள விரும்பினார்கள்.

உச்சிமாநாட்டிற்குப் பிறகு:

• பங்கேற்பாளர்களில் 86% சட்ட அமலாக்கத்துடனான எங்கள் பணி குறித்து நான்கு தெரிந்து வைத்திருப்பதாகக் கூறினர்.

• தரவுகளுக்கான சட்ட கோரிக்கைகளை சமர்ப்பிக்கும் செயல்முறை குறித்து சிறந்த புரிதல் இருப்பதாக 85% பேர் கூறினார்.

• Snap சட்ட அமலாக்க எதிர்கால உச்சிமாநாடுகளில் கலந்துகொள்ள விரும்புவதாக 78% பேர் தெரிவித்தனர்.

கலந்துகொண்ட அனைவருக்கும் நாங்கள் மிகவும் நன்றியுள்ளவர்களாக இருக்கிறோம், மேலும் அவர்களின் கருத்துகளின் படி, எங்கள் Snap சட்ட அமலாக்க உச்சிமாநாட்டை அமெரிக்காவில் வருடாந்திர நிகழ்வாக மாற்றுவோம் என்பதை பகிர்ந்து கொள்வதில் மகிழ்ச்சி அடைகிறோம். அமெரிக்காவிற்கு வெளியே சில நாடுகளில் கூட சட்ட அமலாக்க ஏஜென்சிகளுக்கு எங்கள் அணுகலை விரிவுபடுத்த திட்டமிட்டுள்ளோம்.

எங்கள் நீண்டகால இலக்கு உலகத்தரம் வாய்ந்த சட்ட அமலாக்க செயல்பாடுகள் குழுவை கொண்டிருக்க வேண்டும் என்பது தான், மேலும் அதற்கு அர்த்தமுள்ள மேம்பாடுகளை நாங்கள் தொடர்ந்து செய்ய வேண்டும் என்பதை அறிவோம். எங்களின் தொடக்க உச்சி மாநாடு, நாங்கள் பார்க்கும் முன்னேற்றத்தை எவ்வாறு தொடர்ந்து உருவாக்குவது மற்றும் Snapchat பயனர்களைப் பாதுகாப்பாக வைப்பது என்பது பற்றிய சட்ட அமலாக்கப் பங்குதாரர்களுடன் ஒரு முக்கியமான உரையாடலின் தொடக்கமாக இருக்கும் என்று நம்புகிறோம்