സ്നാപ്പ്ചാറ്റർമാരുടെ സുരക്ഷയ്ക്കാണ് പ്രധാന മുൻ‌ഗണന. ഞങ്ങളുടെ കമ്മ്യൂണിറ്റിയുടെ സുരക്ഷയ്ക്ക് ഭീഷണിയാകുന്ന പെരുമാറ്റം ഞങ്ങൾ വളരെ ഗൗരവത്തോടെയാണ് കാണുന്നത്, പ്രത്യേകിച്ച് ഉപദ്രവ ഭീഷണി രൂക്ഷമാകുമ്പോൾ. ഇവ രണ്ടും ഉൾപ്പെടുന്നത് ഗുരുതരമായ ഉപദ്രവം ആയി ഞങ്ങൾ പരിഗണിക്കുന്നു (1) സ്നാപ്പ്ചാറ്റർമാരുടെ ശാരീരികമോ വൈകാരികമോ ആയ ക്ഷേമത്തിന് ഗണ്യമായ ദോഷം വരുത്തുന്ന ഉപദ്രവങ്ങൾ, കൂടാതെ (2) മനുഷ്യജീവൻ, സുരക്ഷ, ക്ഷേമം എന്നിവയ്ക്കുള്ള ഭീഷണിയുൾപ്പെടെ, ഗുരുതരമായ അപകടത്തിന്റെ ആസന്നമായ, വിശ്വസനീയമായ അപകടസാധ്യത. ഞങ്ങളെയും ഞങ്ങളുടെ കമ്മ്യൂണിറ്റിയെയും മികച്ച രീതിയിൽ ബോധവത്കരിക്കുന്നതിനും ഞങ്ങളുടെ പ്ലാറ്റ്‌ഫോമിൽ ഈ ഭീഷണികൾ ഉയർന്നു വന്നാൽ ഉചിതമായ നടപടി സ്വീകരിക്കുന്നതിനും ഈ വിഷയങ്ങളിൽ ഞങ്ങൾ വിദഗ്ധർ, സുരക്ഷാ ഗ്രൂപ്പുകൾ, നിയമപാലകർ എന്നിവരുമായി സഹകരിക്കുന്നു.

കുട്ടികളോടുള്ള ലൈംഗിക ചൂഷണം, ഭീകരവാദവുമായി ബന്ധപ്പെട്ട പ്രവർത്തനങ്ങൾ, അപകടകരമായതും നിയമവിരുദ്ധവുമായ മയക്കുമരുന്നുകളുടെയോ ആയുധങ്ങളുടെയോ പ്രചാരണം, മനുഷ്യക്കടത്ത്, മറ്റ് ഗുരുതരമായ ക്രിമിനൽ പ്രവൃത്തികൾ എന്നിവ പോലുള്ള ചില ഉള്ളടക്ക വിഭാഗങ്ങളും പെരുമാറ്റങ്ങളും - ഇവയിൽ ഉൾപ്പെട്ടിരിക്കുന്ന അപകടങ്ങളുടെ ഗുരുതരതയും അടിയന്തരതയും കാരണം - പലപ്പോഴും ഈ പരിധിയിൽപ്പെടുന്നു. ഇത്തരത്തിലുള്ള ഉപദ്രവങ്ങളെ ഞങ്ങൾ കൂടുതൽ കർശനമായ പരിശോധനയ്ക്ക് അർഹമായവയായി കണക്കാക്കുന്നു. അതിനാൽ, ഇത്തരത്തിലുള്ള ലംഘനങ്ങൾ നടത്തുന്ന അക്കൗണ്ടുകൾക്കെതിരെ വേഗത്തിലുള്ള, കർശനമായ, സ്ഥിരമായ നടപടികൾ സ്വീകരിക്കുന്നതാണ്.

താഴെപ്പറയുന്ന പ്രവർത്തനങ്ങളിൽ ഏർപ്പെടുന്ന സ്നാപ്ചാറ്റർമാരെ ഞങ്ങൾ കണ്ടെത്തുമ്പോൾ, ബന്ധപ്പെട്ട ഉള്ളടക്കം ഉടൻ നീക്കം ചെയ്യുകയും, അവരുടെ അക്കൗണ്ടുകൾ പ്രവർത്തനരഹിതമാക്കുകയും, ചില സാഹചര്യങ്ങളിൽ, ഈ വിവരം നിയമപാലകർക്ക് കൈമാറുകയും ചെയ്യും:

• ലൈംഗിക തൃപ്തിക്കായി കുട്ടികളുടെ ലൈംഗിക ചൂഷണം കാണിക്കുന്ന ചിത്രങ്ങൾ പങ്കിടൽ, ലൈംഗിക ലക്ഷ്യത്തോടെ ഗ്രൂമിംഗ് (grooming), കുട്ടികളുടെയോ മുതിർന്നവരുടെയോ ലൈംഗിക മനുഷ്യക്കടത്ത്, അല്ലെങ്കിൽ ലൈംഗിക ഭീഷണിപ്പെടുത്തൽ (sextortion) എന്നിവ ഉൾപ്പെടെയുള്ള ലൈംഗിക ചൂഷണമോ ദുരുപയോഗമോ അടങ്ങിയ പ്രവർത്തനങ്ങൾ.

• അപകടകരവും നിരോധിക്കപ്പെട്ടതുമായ മയക്കുമരുന്നുകൾ വിൽക്കാനോ കൈമാറ്റം ചെയ്യാനോ വിൽപനയ്ക്ക് സൗകര്യമൊരുക്കാനോ ശ്രമിക്കുന്നത്.

• അക്രമാസക്തമായ തീവ്രവാദം അല്ലെങ്കിൽ ഭീകരപ്രവർത്തനവുമായി ബന്ധപ്പെട്ട പ്രവർത്തനങ്ങൾ, മനുഷ്യക്കടത്ത്, പ്രത്യേക അക്രമ ഭീഷണികൾ (ബോംബ് ഭീഷണി പോലുള്ളവ) അല്ലെങ്കിൽ മറ്റ് ഗുരുതരമായ ക്രിമിനൽ പ്രവർത്തനങ്ങൾ എന്നിവ ഉൾപ്പെട്ടേക്കാവുന്ന വിശ്വസനീയമായ, മനുഷ്യജീവൻ, സുരക്ഷ, അല്ലെങ്കിൽ ക്ഷേമത്തിനുള്ള ആസന്നമായ ഭീഷണികൾ   

ഈ ലംഘനങ്ങൾക്ക് കൂടുതൽ കർശനമായ നടപടികൾ നടപ്പിലാക്കുന്നതിനോടൊപ്പം, ബാധകമായ സ്വകാര്യതാ നിയന്ത്രണങ്ങളെ മാനിച്ചുകൊണ്ട് തന്നെ, ഗുരുതരമായ ലംഘനങ്ങളുള്ള ഉള്ളടക്കം കൂടുതൽ വേഗത്തിൽ തിരിച്ചറിയാനും നീക്കം ചെയ്യാനും ഞങ്ങൾ മുൻകൂർ കണ്ടെത്തൽ നടപടികൾ ഉപയോഗിച്ചേക്കാം. ഭീഷണികളെ കണ്ടെത്താനും നിയന്ത്രിക്കാനും, ഹാനി തടയാനും, സാധ്യതയുള്ള ഹാനികരമായ പ്രവണതകളെക്കുറിച്ച് അറിഞ്ഞിരിക്കാനും ഞങ്ങൾക്ക് എങ്ങനെ കഴിയുമെന്ന് കൂടുതൽ നന്നായി മനസ്സിലാക്കുന്നതിനായി ഞങ്ങളുടെ ആഭ്യന്തര ടീമുകൾ വിദഗ്ധരുമായി സ്ഥിരമായി സഹകരിച്ച് പ്രവർത്തിക്കുന്നു. ഈ വിഷയത്തിലുള്ള ഞങ്ങളുടെ പ്രവർത്തനം ഒരിക്കലും പൂർത്തിയായിട്ടില്ല, അത് ഞങ്ങളുടെ കമ്മ്യൂണിറ്റിയുടെ ആവശ്യങ്ങൾക്കനുസരിച്ച് വികസിച്ചുകൊണ്ടിരിക്കും. ഒരു സുരക്ഷാ ആശങ്ക റിപ്പോർട്ട് ചെയ്യുന്നതിനായി ഞങ്ങളുടെ സുരക്ഷാ കേന്ദ്രം സന്ദർശിക്കുന്നതിന് ഞങ്ങൾ നിങ്ങളെ ക്ഷണിക്കുന്നു, അല്ലെങ്കിൽ ഉപദ്രവകരമായ ഉള്ളടക്കം കൈകാര്യം ചെയ്യുന്നതിനും ആരോഗ്യം പ്രോത്സാഹിപ്പിക്കുന്നതിനുമുള്ള ഞങ്ങളുടെ ശ്രമങ്ങളെക്കുറിച്ച് കൂടുതലറിയുക.