ಕೋವಿಡ್-19 ರ ಇತ್ತೀಚಿನ ಬೆಳವಣಿಗೆಗಳ ವಿರುದ್ಧ ಹೋರಾಟವನ್ನು ಜಗತ್ತು ಮುಂದುವರಿಸಿರುವಂತೆ, ಸಾರ್ವಜನಿಕರು ನಿಖರ, ವಿಶ್ವಾಸಾರ್ಹ ಮಾಹಿತಿಗೆ ಪ್ರವೇಶ ಹೊಂದಿದ್ದಾರೆ ಎಂದು ಖಚಿತಪಡಿಸಿಕೊಳ್ಳುವುದು ಹಿಂದೆಂದಿಗಿಂತಲೂ ಹೆಚ್ಚು ಮಹತ್ವದ್ದಾಗಿದೆ. ಸುಳ್ಳು ಮಾಹಿತಿಯ ತ್ವರಿತವಾದ ಹರಡುವಿಕೆ ನಮ್ಮ ಸಂಸ್ಥೆಗಳು ಮತ್ತು ಸಾರ್ವಜನಿಕ ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಉಂಟುಮಾಡಬಹುದು, ಮತ್ತು ಅದನ್ನು ತಡೆಗಟ್ಟಲು ಕಂಪನಿಗಳು, ಸಂಸ್ಥೆಗಳು ಮತ್ತು ವ್ಯಕ್ತಿಗಳು ತಮ್ಮ ಪ್ರಯತ್ನದ ಅವಲೋಕನ ಮಾಡಬೇಕಾದ ಕ್ಷಣದಲ್ಲಿ ನಾವಿದ್ದೇವೆ ಎಂದು ನಾವು ಭಾವಿಸುತ್ತೇವೆ.

ಆ ಸ್ಫೂರ್ತಿಯಲ್ಲಿ, Snapchat ನಲ್ಲಿ ಸುಳ್ಳು ಮಾಹಿತಿಯನ್ನು ತಡೆಗಟ್ಟುವ ನಮ್ಮ ಸುದೀರ್ಘ ಪ್ರಯತ್ನವನ್ನು ಮತ್ತು ನಾವು ಸುಧಾರಿಸಿಕೊಳ್ಳಲು ಕಾರ್ಯನಿರ್ವಹಿಸುತ್ತಿರುವ ಮಾರ್ಗಗಳನ್ನು ಅನುಸರಿಸುವುದು ಸಹಾಯಕವಾಗಬಲ್ಲದು ಎಂದು ನಾವು ಭಾವಿಸಿದೆವು. 

ನಮ್ಮ ಮಾರ್ಗವು ಯಾವಾಗಲೂ ನಮ್ಮ ವೇದಿಕೆಯ ಸಂರಚನೆಯೊಂದಿಗೆ ಆರಂಭವಾಗಿದೆ. Snapchat ಅನ್ನು ಮೂಲತಃ ಆ್ಯಪ್‌ನಾದ್ಯಂತ ಸಂದೇಶಗಳನ್ನು ಪ್ರಸಾರ ಮಾಡುವ ಅವಕಾಶವನ್ನು ಒದಗಿಸುವುದರ ಬದಲು, ಜನರು ಅವರ ಆತ್ಮೀಯ ಸ್ನೇಹಿತರೊಂದಿಗೆ ಮಾತನಾಡಲು ಸಹಾಯ ಮಾಡುವುದಕ್ಕಾಗಿ ನಿರ್ಮಿಸಲಾಗಿದೆ. ಹಾಗೂ Snapchat ನಲ್ಲಿ ನಮ್ಮ ಸಮುದಾಯ ನೋಡುವ ಸುದ್ದಿ ಮತ್ತು ಮಾಹಿತಿ, ವಿಶ್ವಾಸಾರ್ಹ ಮತ್ತು ಸ್ಪಷ್ಟ ಮೂಲಗಳಿಂದ ನಂಬಲರ್ಹವಾಗಿರಬೇಕು ಎನ್ನುವುದನ್ನು ಖಚಿತಪಡಿಸಿಕೊಳ್ಳುವ ಗಂಭೀರ ಜವಾಬ್ದಾರಿಯನ್ನು ನಾವು ಯಾವಾಗಲೂ ಹೊಂದಿದ್ದೇವೆ. 

ಅನೇಕ ವರ್ಷಗಳಲ್ಲಿ Snapchat ವಿಕಸನವಾಗುವುದು ಮುಂದುವರಿದಂತೆ, ಈ ಆಧಾರ ತತ್ವಗಳು ನಮ್ಮ ಉತ್ಪನ್ನ ವಿನ್ಯಾಸ ಮತ್ತು ನೀತಿ ನಿರ್ಧಾರಗಳಿಗೆ ದಾರಿ ತೋರಿವೆ. 

• ನಮ್ಮ ಆ್ಯಪ್‌ನಾದ್ಯಂತ, ಪರಿಶೀಲಿಸದೆ ಇರುವ ಕಂಟೆಂಟ್ ‘ವೈರಲ್ ಆಗಲು’ ನಾವು ಅವಕಾಶ ನೀಡುವುದಿಲ್ಲ. ಪರಿಶೀಲಿಸದೆ ಇರುವ ವ್ಯಕ್ತಿಗಳು ಅಥವಾ ಪ್ರಕಾಶಕರು ಸುಳ್ಳು ಮಾಹಿತಿಯನ್ನು ಪ್ರಸಾರ ಮಾಡುವ ಮಾಡರೇಟ್ ಮಾಡದೆ ಇರುವ ಮುಕ್ತ ನ್ಯೂಸ್‌ಫೀಡ್ ಅನ್ನು Snapchat ಒದಗಿಸುವುದಿಲ್ಲ. ನಮ್ಮ ಕಂಟೆಂಟ್ ಪ್ಲಾಟ್‌ಫಾರ್ಮ್, Discover, ಕೇವಲ ಪರಿಶೀಲಿಸಿದ ಮಾಧ್ಯಮ ಪ್ರಕಾಶಕರು ಮತ್ತು ಕಂಟೆಂಟ್ ಕ್ರಿಯೇಟರ್‌ಗಳಿಂದ ಮಾತ್ರ ಕಂಟೆಂಟ್ ಅನ್ನು ಪ್ರದರ್ಶಿಸುತ್ತದೆ. ಬೃಹತ್ ಪ್ರೇಕ್ಷಕರಿಗೆ ಕಂಟೆಂಟ್ ತಲುಪುವುದಕ್ಕೆ ಮುನ್ನ ನಮ್ಮ ಮನರಂಜನಾ ವೇದಿಕೆ ಸ್ಪಾಟ್‌ಲೈಟ್ ಅನ್ನು ಪೂರ್ವಭಾವಿಯಾಗಿ ಮಾಡರೇಟ್ ಮಾಡಲಾಗುತ್ತದೆ. ನಾವು ಗುಂಪು ಚಾಟ್‌ಗಳನ್ನು ಒದಗಿಸುತ್ತೇವೆ, ಆದರೆ ಅವು ಗಾತ್ರದಲ್ಲಿ ಸೀಮಿತವಾಗಿರುತ್ತವೆ ಮತ್ತು ಆಲ್ಗಾರಿದಂನಿಂದ ಶಿಫಾರಿತವಾಗುವುದಿಲ್ಲ ಮತ್ತು ನೀವು ಗುಂಪಿನ ಸದಸ್ಯರಲ್ಲದಿದ್ದರೆ ನಮ್ಮ ವೇದಿಕೆಯಲ್ಲಿ ಕಂಡುಹಿಡಿಯಲು ಸಾಧ್ಯವಾಗುವುದಿಲ್ಲ.

• ನಮ್ಮ ಮಾರ್ಗಸೂಚಿಗಳು ಬಹಳ ಹಿಂದೆಯೇ ಸುಳ್ಳು ಮಾಹಿತಿ ಹರಡುವಿಕೆಯನ್ನು ನಿಷೇಧಿಸಿವೆ. ಎಲ್ಲ Snapchatter ಗಳಿಗೆ ಒಂದೇ ರೀತಿ ಅನ್ವಯಿಸುವ ನಮ್ಮ ಕಮ್ಯುನಿಟಿ ಮಾರ್ಗಸೂಚಿಗಳು, ಮತ್ತು ನಮ್ಮ Discover ಪಾಲುದಾರರಿಗೆ ಅನ್ವಯಿಸುವ ಕಂಟೆಂಟ್ ಮಾರ್ಗಸೂಚಿಗಳು, ಪಿತೂರಿ ಸಿದ್ಧಾಂತಗಳು, ದುರಂತ ಘಟನೆಗಳ ಅಸ್ತಿತ್ವವನ್ನು ನಿರಾಕರಿಸುವುದು, ಆಧಾರರಹಿತ ವೈದ್ಯಕೀಯ ಕ್ಲೇಮ್‌ಗಳು ಅಥವಾ ನಾಗರಿಕ ಪ್ರಕ್ರಿಯೆಗಳ ಸಮಗ್ರತೆಯನ್ನು ಕಡೆಗಣಿಸುವುದು ಸೇರಿದಂತೆ, ಹಾನಿ ಉಂಟುಮಾಡಬಹುದಾದ ಸುಳ್ಳುಮಾಹಿತಿ ಹರಡುವಿಕೆಯನ್ನು ನಿಷೇಧಿಸುತ್ತವೆ.  ಹೊಸ ಬಗೆಯ ಸುಳ್ಳುಮಾಹಿತಿ ಹೆಚ್ಚು ಪ್ರಚಲಿತವಾಗುತ್ತಿರುವುದರಿಂದ ನಾವು ನಮ್ಮ ನೀತಿಗಳನ್ನು ನಿಯಮಿತವಾಗಿ ಪರಿಶೀಲಿಸುತ್ತೇವೆ ಮತ್ತು ಅಪ್‌ಡೇಟ್ ಮಾಡುತ್ತೇವೆ: ಉದಾಹರಣೆಗೆ, 2020 ರ ಚುನಾವಣೆಗೆ ಮುನ್ನ, ತಪ್ಪುದಾರಿಗೆಳೆಯುವ ಉದ್ದೇಶದ ತಿರುಚಿದ ಮಾಧ್ಯಮವನ್ನು -- ಅಥವಾ ಡೀಪ್‌ಫೇಕ್‌ಗಳನ್ನು -- ನಿಷೇಧಿಸಿದ್ದೇವೆ ಎಂದು ಸ್ಪಷ್ಟಪಡಿಸಲು ನಾವು ನಮ್ಮ ಮಾರ್ಗಸೂಚಿಗಳನ್ನು ಅಪ್‌ಡೇಟ್ ಮಾಡಿದೆವು.

• ಸುಳ್ಳು ಮಾಹಿತಿಯನ್ನು ಒಳಗೊಂಡ ಕಂಟೆಂಟ್‌ನ ವಿರುದ್ಧ ಕ್ರಮ ಜಾರಿ ಮಾಡುವ ನಮ್ಮ ವಿಧಾನವು ನೇರವಾಗಿದೆ -- ನಾವು ಅದಕ್ಕೆ ಲೇಬಲ್ ಹಚ್ಚುವುದಿಲ್ಲ, ಸಂಪೂರ್ಣವಾಗಿ ತೆಗೆದುಹಾಕುತ್ತೇವೆ. ನಮ್ಮ ಮಾರ್ಗಸೂಚಿಗಳು, ನಮ್ಮ ನೀತಿಯನ್ನು ಉಲ್ಲಂಘಿಸುವ ಕಂಟೆಂಟ್ ಅನ್ನು ನಾವು ಪತ್ತೆಮಾಡಿದಾಗ ಅದನ್ನು ತೆಗೆದುಹಾಕುತ್ತೇವೆ, ಅದನ್ನು ಇನ್ನಷ್ಟು ವ್ಯಾಪಕವಾಗಿ ಹಂಚಿಕೆ ಮಾಡುವ ಅಪಾಯವನ್ನು ಇದು ತಕ್ಷಣವೇ ಕಡಿಮೆ ಮಾಡುತ್ತದೆ. 

• ಉತ್ಪನ್ನ ಅಭಿವೃದ್ಧಿ ಪ್ರಕ್ರಿಯೆಯ ಫ್ರಂಟ್ ಎಂಡ್‌ನ ಸಂದರ್ಭ ಎಲ್ಲ ಹೊಸ ವೈಶಿಷ್ಟ್ಯಗಳ ಸುರಕ್ಷತೆ ಮತ್ತು ಗೌಪ್ಯತೆ ಪರಿಣಾಮಗಳನ್ನು ನಾವು ಮೌಲ್ಯಮಾಪನ ಮಾಡುತ್ತೇವೆ -- ಇದು ದುರ್ಬಳಕೆಗಾಗಿ ಸಂಭಾವ್ಯ ವಾಹಕಗಳನ್ನು ಒಳಗೊಂಡಿದೆ. ಉತ್ಪನ್ನ ಅಭಿವೃದ್ಧಿ ಪ್ರಕ್ರಿಯೆ ಸಂದರ್ಭ Snapchatter ಗಳು, ನಮ್ಮ ವೈಯಕ್ತಿಕ ಬಳಕೆದಾರರು ಮತ್ತು ಸಮಾಜದ ಸುರಕ್ಷತೆ, ಗೌಪ್ಯತೆ ಮತ್ತು ಯೋಗಕ್ಷೇಮದ ಕುರಿತ ಹೊಸ ವೈಶಿಷ್ಟ್ಯದ ಸಂಭಾವ್ಯ ಪರಿಣಾಮವನ್ನು ಮೌಲ್ಯಮಾಪನ ಮಾಡಲು ನಾವು ಆಂತರಿಕ ಕ್ರಮಗಳನ್ನು ಹೊಂದಿದ್ದೇವೆ -- ಮತ್ತು ಸುಳ್ಳು ಮಾಹಿತಿಯನ್ನು ಹಂಚಿಕೊಳ್ಳಲು ಕೆಟ್ಟ ಜನರಿಗೆ ಇದು ವೇದಿಕೆಯಾಗಬಹುದು ಎಂದು ನಾವು ಭಾವಿಸಿದರೆ, ಅದನ್ನು ಬಿಡುಗಡೆ ಮಾಡುವುದಿಲ್ಲ.

• ಎಲ್ಲ ರಾಜಕೀಯ ಮತ್ತು ಪ್ರತಿಪಾದಕ ಜಾಹೀರಾತುಗಳ ವಾಸ್ತವಾಂಶ ಪರಿಶೀಲಿಸಲು ನಾವು ಮಾನವರ ಪರಿಶೀಲನೆಯನ್ನು ಹೊಂದಿದ್ದೇವೆ. Snapchat ನಲ್ಲಿನ ಎಲ್ಲಾ ವಿಷಯಗಳಂತೆ, ನಮ್ಮ ಜಾಹೀರಾತಿನಲ್ಲಿ ಸುಳ್ಳು ಮಾಹಿತಿ ಮತ್ತು ಮೋಸಗೊಳಿಸುವ ಅಭ್ಯಾಸಗಳನ್ನು ನಾವು ನಿಷೇಧಿಸುತ್ತೇವೆ. ಚುನಾವಣಾ-ಸಂಬಂಧಿತ ಜಾಹೀರಾತುಗಳು, ವಕಾಲತ್ತು ಜಾಹೀರಾತುಗಳು ಮತ್ತು ಸಂಚಿಕೆ ಜಾಹೀರಾತುಗಳು ಸೇರಿದಂತೆ ಎಲ್ಲಾ ರಾಜಕೀಯ ಜಾಹೀರಾತುಗಳು ಪ್ರಾಯೋಜಕ ಸಂಸ್ಥೆಯನ್ನು ಬಹಿರಂಗಪಡಿಸುವ ಪಾರದರ್ಶಕ “ಪಾವತಿಸಿದ” ಸಂದೇಶವನ್ನು ಒಳಗೊಂಡಿರಬೇಕು. ಎಲ್ಲಾ ರಾಜಕೀಯ ಜಾಹೀರಾತುಗಳ ಸತ್ಯಾಸತ್ಯತೆಯನ್ನು ಪರೀಕ್ಷಿಸಲು ನಾವು ಮಾನವ ವಿಮರ್ಶೆಯನ್ನು ಬಳಸುತ್ತೇವೆ ಮತ್ತು ನಮ್ಮ ರಾಜಕೀಯ ಜಾಹೀರಾತುಗಳ ಗ್ರಂಥಾಲಯದಲ್ಲಿ ನಮ್ಮ ವಿಮರ್ಶೆಯನ್ನು ಹಾದುಹೋಗುವ ಎಲ್ಲಾ ಜಾಹೀರಾತುಗಳ ಬಗ್ಗೆ ಮಾಹಿತಿಯನ್ನು ಒದಗಿಸುತ್ತೇವೆ.

• ಸುಳ್ಳು ಮಾಹಿತಿಯ ವಿರುದ್ಧ ಹೋರಾಡುವ ನಮ್ಮ ಪ್ರಯತ್ನಗಳಲ್ಲಿ ಪಾರದರ್ಶಕತೆಯನ್ನು ಹೆಚ್ಚಿಸಲು ನಾವು ಬದ್ಧರಾಗಿದ್ದೇವೆ. 2020 ರ ದ್ವಿತೀಯಾರ್ಧವನ್ನು ಒಳಗೊಂಡ ನಮ್ಮ ತೀರಾ ಇತ್ತೀಚಿನ ಪಾರದರ್ಶಕತೆಯ ವರದಿ, ಜಾಗತಿಕವಾಗಿ ಸುಳ್ಳು ಮಾಹಿತಿಯ ವಿರುದ್ಧ ಕ್ರಮ ಜಾರಿ ಮಾಡುವ ನಮ್ಮ ಪ್ರಯತ್ನಗಳ ಕುರಿತ ಡೇಟಾ ಸೇರಿದಂತೆ ಅನೇಕ ಹೊಸ ಅಂಶಗಳನ್ನು ಒಳಗೊಂಡಿದೆ. ಈ ಅವಧಿಯಲ್ಲಿ, ಸುಳ್ಳು ಮಾಹಿತಿ ಕುರಿತ ನಮ್ಮ ನೀತಿಗಳ ಉಲ್ಲಂಘನೆಗಾಗಿ ನಾವು 5841 ಕಂಟೆಂಟ್ ತುಣುಕುಗಳು ಮತ್ತು ಖಾತೆಗಳ ವಿರುದ್ಧ ಕ್ರಮ ತೆಗೆದುಕೊಂಡೆವು -- ಮತ್ತು ನಮ್ಮ ಭವಿಷ್ಯದ ವರದಿಗಳಲ್ಲಿ ಈ ಉಲ್ಲಂಘನೆಗಳ ಇನ್ನಷ್ಟು ವಿಸ್ತೃತವಾದ ವಿವರಗಳನ್ನು ಒದಗಿಸಲು ನಾವು ಯೋಜನೆ ಮಾಡಿದ್ದೇವೆ. 

ನಮ್ಮ ಉತ್ಪನ್ನ ವಿನ್ಯಾಸ ಆಯ್ಕೆಗಳು ಮತ್ತು ನಮ್ಮ ನೀತಿಗಳು ಎರಡರ ಮೂಲಕವೂ ಸುಳ್ಳು ಮಾಹಿತಿ ಹಂಚಿಕೊಂಡಿದ್ದಕ್ಕಾಗಿ ಪ್ರೋತ್ಸಾಹಧನವನ್ನು ತೆಗೆದುಹಾಕಲು ನಾವು ಕಾರ್ಯನಿರ್ವಹಿಸುತ್ತಿರುವಂತೆ, ಆರೋಗ್ಯ ಮತ್ತು ಸುರಕ್ಷತೆಗೆ ಸಂಬಂಧಿಸಿದ ವಾಸ್ತವಿಕ ಮಾಹಿತಿಯನ್ನು ಪ್ರೋತ್ಸಾಹಿಸಲು ತಜ್ಞರೊಂದಿಗೆ ಪಾಲುದಾರಿಕೆ ಮಾಡಿಕೊಳ್ಳಲು ಕೂಡ ಗಮನ ಕೇಂದ್ರೀಕರಿಸಿದ್ದೇವೆ. ಸಾಂಕ್ರಾಮಿಕ ಕಾಯಿಲೆಯ ಆರಂಭದಿಂದಲೂ, ನಿಯಮಿತ ಸುರಕ್ಷತಾ ಅಪ್‌ಡೇಟ್‌ಗಳನ್ನು ಪ್ರಕಟಿಸಲು ವಿಶ್ವ ಆರೋಗ್ಯ ಸಂಸ್ಥೆ ಮತ್ತು ರೋಗ ನಿಯಂತ್ರಣ ಮತ್ತು ತಡೆಗಟ್ಟುವಿಕೆಗಾಗಿನ ಕೇಂದ್ರಗಳು ಸೇರಿದಂತೆ ಸಾರ್ವಜನಿಕ ಆರೋಗ್ಯ ಅಧಿಕಾರಿಗಳು ಮತ್ತು ಏಜೆನ್ಸಿಗಳೊಂದಿಗೆ ನಾವು ನಿಕಟವಾಗಿ ಕೆಲಸ ಮಾಡಿದ್ದೇವೆ, ಮತ್ತು ಜಗತ್ತಿನಾದ್ಯಂತದ ನಮ್ಮ ಸುದ್ದಿ ಪಾಲುದಾರರು ಸಾಂಕ್ರಾಮಿಕ ಬಿಕ್ಕಟ್ಟಿನ ನಿರಂತರ ಕವರೇಜ್ ಅನ್ನು ಮಾಡಿದ್ದಾರೆ. ಈ ವಸಂತದ ಆರಂಭದಲ್ಲಿ, US ನಲ್ಲಿ ಯುವಜನರಿಗೆ ಲಸಿಕೆಗಳು ಲಭ್ಯವಾದಂತೆ, ಸಾಮಾನ್ಯ ಪ್ರಶ್ನೆಗಳಿಗೆ Snapchatter ಗಳಿಗೆ ಉತ್ತರಿಸಲು ಸಹಾಯ ಮಾಡುವುದಕ್ಕಾಗಿ ಶ್ವೇತ ಭವನದೊಂದಿಗೆ ನಾವು ಒಂದು ಹೊಸ ಪ್ರಯತ್ನವನ್ನು ಆರಂಭಿಸಿದೆವು ಮತ್ತು ಜುಲೈನಲ್ಲಿ, ಅದೇ ರೀತಿಯ ಪ್ರಯತ್ನಕ್ಕಾಗಿ UK ಯ ರಾಷ್ಟ್ರೀಯ ಆರೋಗ್ಯ ಸೇವೆಯೊಂದಿಗೆ ನಾವು ಕೈಜೋಡಿಸಿದೆವು. 

ನಮ್ಮ ಸಮುದಾಯವನ್ನು ಸುರಕ್ಷಿತ ಮತ್ತು ಆರೋಗ್ಯಕರವಾಗಿ ಇರಿಸಲು ನಮ್ಮ ಪ್ರಯತ್ನವನ್ನು ಮಾಡುವುದು ನಮಗೆ ನಿರಂತರ ಆದ್ಯತೆಯಾಗಿದೆ ಮತ್ತು Snapchatter ಗಳು ಇರುವಲ್ಲಿ ಅವರನ್ನು ತಲುಪಲು ವಿನೂತನ ಮಾರ್ಗಗಳ ಅನ್ವೇಷಣೆಯನ್ನು ನಾವು ಮುಂದುವರಿಸುತ್ತೇವೆ, ಇದೇ ವೇಳೆ Snapchat ಅನ್ನು ಸುಳ್ಳು ಮಾಹಿತಿಯ ಪಿಡುಗಿನಿಂದ ರಕ್ಷಿಸಲು ನಮ್ಮ ಪ್ರಯತ್ನಗಳನ್ನು ಬಲಪಡಿಸುತ್ತೇವೆ.