ಸ್ನೇಹಿತರು ಮತ್ತು ಕುಟುಂಬದೊಂದಿಗೆ ಕ್ಷಣಗಳನ್ನು ಹಂಚಿಕೊಳ್ಳಲು Snapchat ವೇಗವಾದ, ಮೋಜಿನ ಮಾರ್ಗವಾಗಿದೆ. ನಮ್ಮ ಸಮುದಾಯದ ಹೆಚ್ಚಿನವರು ಪ್ರತಿದಿನ Snapchat ಬಳಸುತ್ತಾರೆ, ಆದ್ದರಿಂದ ಪೋಷಕರು ಮತ್ತು ಶಿಕ್ಷಕರು ನಿಯಮಿತವಾಗಿ ನಮ್ಮನ್ನು ಸಲಹೆ ಕೇಳುವುದರಲ್ಲಿ ಆಶ್ಚರ್ಯವೇನಿಲ್ಲ. ನಾವು ನಿಮ್ಮ ಕಳವಳಗಳನ್ನು ಹಂಚಿಕೊಳ್ಳುತ್ತೇವೆ ಮತ್ತು ಸೃಜನಶೀಲತೆ ಮತ್ತು ಅಭಿವ್ಯಕ್ತಿಗೆ ಸುರಕ್ಷಿತ, ಮೋಜಿನ ವಾತಾವರಣವನ್ನು ಒದಗಿಸಲು ಬಯಸುತ್ತೇವೆ.

ಅನುಚಿತ ವಿಷಯವನ್ನು ನೀವು ಸುಲಭವಾಗಿ ಆ್ಯಪ್‌ನೊಳಗೇ ವರದಿ ಮಾಡಬಹುದು! Snap ಅನ್ನು ಒತ್ತಿ ಹಿಡಿದಿರಿ, ನಂತರ 'Snap ವರದಿ ಮಾಡಿ' ಬಟನ್ ಟ್ಯಾಪ್ ಮಾಡಿ. ಏನು ನಡೆಯುತ್ತಿದೆ ಎಂದು ನಮಗೆ ತಿಳಿಸಿ — ನಾವು ಸಾಧ್ಯವಾದಷ್ಟು ಸಹಾಯ ಮಾಡುತ್ತೇವೆ! ಅಪ್ಲಿಕೇಶನ್‌ನಲ್ಲಿ ದುರುಪಯೋಗವನ್ನು ವರದಿ ಮಾಡುವ ಬಗ್ಗೆ ಇನ್ನಷ್ಟು ತಿಳಿಯಿರಿ ಮತ್ತು ಡೌನ್‌ಲೋಡ್ ಮಾಡಿ ನಮ್ಮSnapchat ವರದಿ ಮಾಡುವಿಕೆಗೆ ತ್ವರಿತ-ಮಾರ್ಗದರ್ಶಿ.

ಆರಂಭದಿಂದಲೂ, Snapchat ಜನರು ತಮ್ಮ ಕ್ಯಾಮರಾ ಮೂಲಕ ತಮ್ಮನ್ನು ತಾವು ವ್ಯಕ್ತಪಡಿಸಲು ಅಧಿಕಾರ ನೀಡುವ ಬಗ್ಗೆಯಾಗಿದೆ. ನಿಮಗೆ ತಿಳಿದಿರುವ ಪ್ರತಿಯೊಬ್ಬರನ್ನು ಸ್ವಯಂಚಾಲಿತವಾಗಿ ಸ್ನೇಹಿತರನ್ನಾಗಿ ಮಾಡುವ ಅಥವಾ ಹೆಚ್ಚು ಜನಪ್ರಿಯವಾಗಿರುವುದನ್ನು ಮಾತ್ರ ನೀವು ನೋಡುವಂತಹ ಸಾಮಾಜಿಕ ಜಾಲತಾಣವನ್ನು ಸೃಷ್ಟಿಸಿಲು ನಾವು ಬಯಸಿರಲಿಲ್ಲ. ಬದಲಾಗಿ, ಜನರು, ಪ್ರಕಾಶಕರು ಮತ್ತು ಬ್ರಾಂಡ್‌ಗಳು ತಮ್ಮ ಕಥೆ ಹೇಳುವುದನ್ನು ಸುಲಭಗೊಳಿಸಲು ನಾವು ಬಯಸಿದ್ದೆವು — ತಮ್ಮದೇ ರೀತಿಯಲ್ಲಿ!

Snap ನಲ್ಲಿ, ನಮ್ಮ ಸಮುದಾಯದ ಸುರಕ್ಷತೆ ಮತ್ತು ಯೋಗಕ್ಷೇಮವು ನಮ್ಮ ಮೊದಲ ಆದ್ಯತೆಯಾಗಿದೆ... ಈ ಮೈಲಿಗಲ್ಲುಗಳು ಕಂಪನಿಯ ಆರಂಭದಿಂದಲೂ Snap ಕೆಲಸ ಮಾಡಿರುವ ವಿವಿಧ ಸುರಕ್ಷತೆ-ಸಂಬಂಧಿತ ಉತ್ಪನ್ನಗಳು, ವೈಶಿಷ್ಟ್ಯಗಳು ಮತ್ತು ಕಾರ್ಯಕ್ರಮಗಳ ಅವಲೋಕನವನ್ನು ಒದಗಿಸುತ್ತವೆ.

Snap ಗಳನ್ನು ತ್ವರಿತ ಮತ್ತು ಸುಲಭ ಸಂವಹನಕ್ಕಾಗಿ ಮಾಡಲಾಗಿದೆ, ಆದ ಕಾರಣ ಅವು ಡೀಫಾಲ್ಟ್ ಆಗಿ ಅಳಿಸಲ್ಪಡುತ್ತವೆ! ನೀವು ನೇರವಾಗಿ ಕಳುಹಿಸುವ ಅಥವಾ ಸಾರ್ವಜನಿಕವಾಗಿ ನಿಮ್ಮ ಕಥೆಗೆ ಪೋಸ್ಟ್ ಮಾಡಲು ಆಯ್ಕೆ ಮಾಡುವ ವಿಷಯಗಳನ್ನು ಮಾತ್ರ ಸ್ನೇಹಿತರು ನೋಡುತ್ತಾರೆ.

ನಮ್ಮ ಸಮುದಾಯದ ಸುರಕ್ಷತೆ ಮತ್ತು ಕ್ಷೇಮಕ್ಕೆ Snap ಆಳವಾಗಿ ಬದ್ಧವಾಗಿದೆ ಮತ್ತು ನಮ್ಮ ತಂಡಗಳು, ಉತ್ಪನ್ನಗಳು, ನೀತಿಗಳು ಮತ್ತು ಪಾಲುದಾರಿಕೆಗಳು Snapchat ಬಳಕೆದಾರರನ್ನು ಸುರಕ್ಷಿತವಾಗಿ ಮತ್ತು ತಿಳುವಳಿಕೆಯಿಂದ ಇರಿಸುವ ವಿನ್ಯಾಸ ತತ್ವಗಳ ಮೂಲಕ ಸುರಕ್ಷತೆಯನ್ನು ಅನ್ವಯಿಸುತ್ತವೆ.

ನಮ್ಮ ವೇದಿಕೆಯನ್ನು ಸುರಕ್ಷಿತವಾಗಿರಿಸಲು ನೇರವಾಗಿ ಕೆಲಸ ಮಾಡುವ ವಿಷಯ ಮಧ್ಯವರ್ತಿಗಳ ಆಂತರಿಕ ತಂಡದ ಜೊತೆಗೆ, ಅಗತ್ಯವಿರುವ Snapchat ಬಳಕೆದಾರರಿಗೆ ಸಂಪನ್ಮೂಲಗಳು ಮತ್ತು ಬೆಂಬಲವನ್ನು ಒದಗಿಸಲು ನಾವು ಉದ್ಯಮ ತಜ್ಞರು ಮತ್ತು ಸರ್ಕಾರೇತರ ಸಂಸ್ಥೆಗಳೊಂದಿಗೆ ಕೆಲಸ ಮಾಡುತ್ತೇವೆ.

ನಮ್ಮ ನಂಬಿಕೆಯ ಫ್ಲಾಗರ್ ಕಾರ್ಯಕ್ರಮವನ್ನು ಲಾಭರಹಿತ, ಸರ್ಕಾರೇತರ ಸಂಸ್ಥೆಗಳು (ಎನ್‌ಜಿಒ), ಆಯ್ದ ಸರ್ಕಾರಿ ಸಂಸ್ಥೆಗಳು ಮತ್ತು ಆ Snapchat ಸಮುದಾಯವನ್ನು ಬೆಂಬಲಿಸುವ ಸುರಕ್ಷತಾ ಪಾಲುದಾರರಿಗೆ ಮತ್ತು ನಮ್ಮ ಕಮ್ಯುನಿಟಿ ಮಾರ್ಗಸೂಚಿಗಳನ್ನು ಉಲ್ಲಂಘಿಸುವ ವಿಷಯವನ್ನು ವರದಿ ಮಾಡಲು ಸಹಾಯ ಮಾಡಲು ಅಭಿವೃದ್ಧಿಪಡಿಸಲಾಗಿದೆ.

ನಮ್ಮ ಸುರಕ್ಷತಾ ಸಲಹಾ ಮಂಡಳಿ ಸದಸ್ಯರು Snapchat ಸಮುದಾಯವನ್ನು ಸುರಕ್ಷಿತವಾಗಿ ಇರಿಸುವುದು ಹೇಗೆ ಎನ್ನುವ ಕುರಿತು Snap ಗೆ ತಿಳುವಳಿಕೆ ನೀಡುತ್ತಾರೆ, ಸವಾಲು ಹಾಕುತ್ತಾರೆ, ಸಮಸ್ಯೆಗಳನ್ನು ಪ್ರಸ್ತಾಪಿಸುತ್ತಾರೆ ಮತ್ತು ಸಲಹೆ ನೀಡುತ್ತಾರೆ.

ನಮ್ಮ ಪಾಲುದಾರಿಕೆಗಳ ಮೂಲಕ, ನಾವು ಸರ್ಚ್‌ನಲ್ಲಿ "ಹಿಯರ್ ಫಾರ್ ಯು" ನಂತಹ ವಿಶೇಷ ವಿಭಾಗಗಳನ್ನು ರಚಿಸಲು ಸಾಧ್ಯವಾಗಿದೆ. ಜನರು ಸಂಕಷ್ಟದ ಸ್ಥಿತಿಯಲ್ಲಿರುವಾಗ ಬಳಸುವ ಪದಗಳನ್ನು ಹುಡುಕಿದಾಗ ಈ ವಿಭಾಗವು ಕಾಣಿಸಿಕೊಳ್ಳುತ್ತದೆ ಮತ್ತು ಇದು ವೃತ್ತಿಪರ ಲಾಭೋದ್ದೇಶವಿಲ್ಲದ ಸಂಸ್ಥೆಗಳಿಂದ ಸ್ಥಳೀಯಗೊಳಿಸಿದ ಸಂಪನ್ಮೂಲಗಳನ್ನು ಹಾಗೂ ಮಾಹಿತಿಯನ್ನು ಒದಗಿಸುತ್ತದೆ. ಇದರೊಂದಿಗೆ, ‌Snapchatterಗಳಿಗೆ ಡೇಟಾ ಗೌಪ್ಯತೆ, ಭದ್ರತೆ ಮತ್ತು ಆನ್‌ಲೈನ್ ಸುರಕ್ಷತೆಯಂತಹ ವಿಷಯಗಳ ಬಗ್ಗೆ ಶಿಕ್ಷಣ ನೀಡುವ ಉದ್ದೇಶ ಹೊಂದಿರುವ ನಮ್ಮ ಡಿಜಿಟಲ್ ಸಾಕ್ಷರತಾ ಕಾರ್ಯಕ್ರಮ ಸುರಕ್ಷತಾ ಸ್ನ್ಯಾಪ್‌ಶಾಟ್ಅನ್ನು ಕೂಡ ನಾವು ಪ್ರಾರಂಭಿಸಲು ಸಾಧ್ಯವಾಗಿದೆ. ನಮ್ಮ ಯೋಗಕ್ಷೇಮ ಸಂಪನ್ಮೂಲಗಳ ಕುರಿತು ಹೆಚ್ಚಿನ ಮಾಹಿತಿಗಾಗಿ, ನಮ್ಮ Snapchat ಯೋಗಕ್ಷೇಮ ಸಂಪನ್ಮೂಲಗಳಿಗೆ ತ್ವರಿತ ಮಾರ್ಗದರ್ಶಿಯನ್ನು ಡೌನ್‌ಲೋಡ್ ಮಾಡಿ!

ಹದಿಹರೆಯದವರು ಮತ್ತು ಯುವ ವಯಸ್ಕರು ಆನ್‌ಲೈನ್‌ನಲ್ಲಿ ಹೇಗೆ ಸಾಗುತ್ತಿದ್ದಾರೆ ಎಂಬುದರ ಕುರಿತು ಒಳನೋಟವನ್ನು ನೀಡಲು, Snap Gen Z ಯ ಡಿಜಿಟಲ್ ಯೋಗಕ್ಷೇಮದ ಕುರಿತು ಸಂಶೋಧನೆ ನಡೆಸಿತು. ನಾಲ್ಕು ದಶಕಗಳಿಗೂ ಹೆಚ್ಚಿನ ವ್ಯಕ್ತಿನಿಷ್ಠ ಯೋಗಕ್ಷೇಮ ಸಂಶೋಧನೆಯ ಮೇಲೆ ನಡೆದ ಅಧ್ಯಯನವನ್ನು ಆನ್‌ಲೈನ್ ಪರಿಸರಕ್ಕೆ ಅಳವಡಿಸಿಕೊಂಡು Gen Z ಯ ಆನ್‌ಲೈನ್ ಮಾನಸಿಕ ಯೋಗಕ್ಷೇಮದ ಅಳತೆಯಾದ ಡಿಜಿಟಲ್ ಯೋಗಕ್ಷೇಮ ಸೂಚ್ಯಂಕವನ್ನು (DWBI) ತಯಾರಿಸಲಾಯಿತು. 2022 ರಲ್ಲಿ, ನಾವು ಹದಿಹರೆಯದವರು (13-17 ವರ್ಷ ವಯಸ್ಸಿನವರು), ಯುವ ವಯಸ್ಕರು (18-24 ವರ್ಷ ವಯಸ್ಸಿನವರು) ಮತ್ತು 13 ರಿಂದ 19 ವರ್ಷ ವಯಸ್ಸಿನ ಹದಿಹರೆಯದವರ ಪೋಷಕರನ್ನು ಆರು ದೇಶಗಳಲ್ಲಿ ಸಮೀಕ್ಷೆ ಮಾಡಿದ್ದೇವೆ: ಆಸ್ಟ್ರೇಲಿಯಾ, ಫ್ರಾನ್ಸ್, ಜರ್ಮನಿ, ಭಾರತ, ಯುಕೆ ಮತ್ತು ಯು.ಎಸ್. ವಿವಿಧ ಆನ್‌ಲೈನ್ ಅಪಾಯಗಳಿಗೆ ಅವರು ಒಡ್ಡಿಕೊಳ್ಳುವ ಬಗ್ಗೆ ನಾವು ಕೇಳಿದ್ದೇವೆ ಮತ್ತು ಆ ಫಲಿತಾಂಶಗಳು ಮತ್ತು ಇತರ ವರ್ತನೆಯ ಪ್ರತಿಕ್ರಿಯೆಗಳಿಂದ, ಪ್ರತಿ ದೇಶಕ್ಕೆ DWBI ಮತ್ತು ಎಲ್ಲಾ ಆರು ದೇಶಗಳ ಒಟ್ಟಾರೆ ವಿಶ್ಲೇಷಣೆಯ ವರದಿಯನ್ನು ಸಿದ್ಧಪಡಿಸಿದ್ದೇವೆ. ಆರು ಭೌಗೋಳಿಕತೆಗಳಿಗೆ 2022 ರ ಡಿಜಿಟಲ್ ಯೋಗಕ್ಷೇಮ ಸೂಚ್ಯಂಕವು 62 ರಷ್ಟಿದೆ. ಡಿಜಿಟಲ್ ಯೋಗಕ್ಷೇಮ ಸೂಚ್ಯಂಕ ಮತ್ತು ಸಂಶೋಧನಾ ಫಲಿತಾಂಶಗಳು ಕುರಿತು ಇನ್ನಷ್ಟು ಓದಲು, ದಯವಿಟ್ಟು ನಮ್ಮ DWBI ಪುಟ ಕ್ಕೆ ಭೇಟಿ ನೀಡಿ.

ಕಾಲಕ್ರಮೇಣ Snapchat ಬೆಳೆದಂತೆ, ನಿಮ್ಮ ಗೌಪ್ಯತೆ ಮತ್ತು ಸುರಕ್ಷತೆಯು ಯಾವಾಗಲೂ ಮನಸ್ಸಿನಲ್ಲಿ ಅಗ್ರಸ್ಥಾನದಲ್ಲಿರುತ್ತದೆ. ನೀವು ಹೆಚ್ಚು ಸುರಕ್ಷಿತವಾಗಿರುವುದನ್ನು ಖಚಿತಪಡಿಸಿಕೊಳ್ಳಲು ನೀವು ತೆಗೆದುಕೊಳ್ಳಬಹುದಾದ ಕೆಲವು ಕ್ರಮಗಳು ಇಲ್ಲಿವೆ!

ಇತರ Snapchatter ಗಳ ಬಗ್ಗೆ ದಯಾಳುವಾಗಿರಿ ಮತ್ತು ಗೌರವದಿಂದಿರಿ. ನೀವು ಏನನ್ನು Snap ಮಾಡುವಿರೋ ಅದರ ಬಗ್ಗೆ ಚಿಂತಿಸಿರಿ, ಮತ್ತು ಜನರು ಸ್ವೀಕರಿಸಲು ಬಯಸದ ಯಾವುದನ್ನೂ ಕಳುಹಿಸಬೇಡಿ.

Snap ಗಳನ್ನು ತಾನಾಗಿಯೇ ಅಳಿಸಲ್ಪಡುವಂತೆ ವಿನ್ಯಾಸಗೊಳಿಸಲಾಗಿದ್ದರೂ ಸಹ, ಸ್ನೇಹಿತರು ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳಬಹುದು ಅಥವಾ ಇನ್ನೊಂದು ಸಾಧನದಿಂದ ಚಿತ್ರ ತೆಗೆದುಕೊಳ್ಳಬಹುದು ಎನ್ನುವುದನ್ನು ನೆನಪಿಡಿ.

ನಿಮಗೆ ಯಾರು Snap ಗಳನ್ನು ಕಳುಹಿಸಬಹುದು ಎನ್ನುವುದನ್ನು ಆಯ್ಕೆ ಮಾಡಲು ಅಥವಾ Snap ಮ್ಯಾಪ್‌ನಲ್ಲಿ ನಿಮ್ಮ ಸ್ಥಳ ಮತ್ತು ಕಥೆಗಳನ್ನು ನೋಡಲು ನಮ್ಮ ಗೌಪ್ಯತೆ ಸೆಟ್ಟಿಂಗ್‌ಗಳನ್ನು ನೋಡಿ.

ನಿಮ್ಮ ಆತ್ಮೀಯ ಸ್ನೇಹಿತರೊಂದಿಗೆ ಸಂಪರ್ಕದಲ್ಲಿರಲು Snapchat ಅನ್ನು ರಚಿಸಲಾಗಿದೆ, ಆದ್ದರಿಂದ ನೈಜ ಬದುಕಿನಲ್ಲಿ ನಿಮಗೆ ಪರಿಚಯವಿಲ್ಲದ ಯಾರೊಂದಿಗೂ ಸ್ನೇಹ ಬೆಳೆಸದಂತೆ ನಾವು ಸಲಹೆ ನೀಡುತ್ತೇವೆ.

ನಮ್ಮ ಸಮುದಾಯ ಮಾರ್ಗಸೂಚಿಗಳನ್ನು ಓದಿ ಮತ್ತು ಅನುಸರಿಸಿ, ಮತ್ತು ಅವುಗಳನ್ನು ಅನುಸರಿಸಲು ನಿಮ್ಮ ಸ್ನೇಹಿತರಿಗೂ ಸಹಾಯ ಮಾಡಿ!

ಏನಾದರೂ ಅಸಂತೋಷ ಉಂಟುಮಾಡುವುದನ್ನು ನೀವು ಗಮನಿಸಿದರೆ ಅಥವಾ ಅನುಚಿತವಾದ ಅಥವಾ ನಿಮಗೆ ಅಹಿತಕರ ಅನ್ನಿಸುವ ಏನನ್ನಾದರೂ ಮಾಡುವಂತೆ ಯಾರಾದರೂ ನಿಮ್ಮನ್ನು ಕೇಳಿದರೆ, ದಯವಿಟ್ಟು Snap ಅನ್ನು ನಮಗೆ ವರದಿ ಮಾಡಿ — ಮತ್ತು ಅದರ ಕುರಿತು ನಿಮ್ಮ ಪೋಷಕರೊಂದಿಗೆ ಅಥವಾ ವಿಶ್ವಾಸಾರ್ಹ ವಯಸ್ಕರೊಂದಿಗೆ ಮಾತನಾಡಿ.

• ನೀವು ಎಂದಾದರೂ ಏನನ್ನಾದರೂ ವರದಿ ಮಾಡಬೇಕಾದರೆ, ನೀವು ವೀಕ್ಷಿಸುತ್ತಿರುವ ಯಾವುದೇ Snap ಅನ್ನು ಒತ್ತಿ ಮತ್ತು ಹಿಡಿದುಕೊಳ್ಳಿ, ತದನಂತರ ನಮ್ಮನ್ನು ತಲುಪಲು 'Snap ವರದಿ ಮಾಡಿ' ಬಟನ್ ಟ್ಯಾಪ್ ಮಾಡಿ. ನೀವು ವೆಬ್‌ನಲ್ಲೂ ಕೂಡ Snapchat ಸುರಕ್ಷತಾ ಕಳವಳದ ಕುರಿತು ವರದಿ ಮಾಡಬಹುದು.

ಯಾರಾದರೂ ನಿಮ್ಮನ್ನು ಬೆದರಿಸುತ್ತಿದ್ದರೆ ಅಥವಾ ಕಿರುಕುಳ ನೀಡುತ್ತಿದ್ದರೆ, Snap ಅನ್ನು ನಮಗೆ ವರದಿ ಮಾಡಿ — ಮತ್ತು ಅದರ ಕುರಿತು ನಿಮ್ಮ ಪೋಷಕರು ಅಥವಾ ವಿಶ್ವಾಸಾರ್ಹ ವಯಸ್ಕರೊಂದಿಗೆ ಮಾತನಾಡಿ. ನೀವು ಯಾವಾಗಲೂ ಆ ವ್ಯಕ್ತಿಯನ್ನು ನಿರ್ಬಂಧಿಸಬಹುದು ಮತ್ತು ಬೆದರಿಸುವಿಕೆ ನಡೆಯುತ್ತಿರುವ ಯಾವುದೇ ಗುಂಪು ಚಾಟ್ ಅನ್ನು ಬಿಡಬಹುದು.

• ಹೆಚ್ಚುವರಿ ಸಹಾಯ: US ನಲ್ಲಿ Snapchatter ಗಳಿಗೆ ಹೆಚ್ಚುವರಿ ಬೆಂಬಲ ಮತ್ತು ಸಂಪನ್ಮೂಲಗಳನ್ನು ಒದಗಿಸಲು Crisis Text Line ಜೊತೆಗೂ ಸಹಾ Snapchat ಪಾಲುದಾರಿಕೆಯನ್ನು ಹೊಂದಿದೆ. Crisis Text Line ‌ನಲ್ಲಿ ನೇರ, ತರಬೇತಿ ಪಡೆದ ಬಿಕ್ಕಟ್ಟು ಸಲಹೆಗಾರರೊಂದಿಗೆ ಚಾಟ್ ಮಾಡಲು 741741 ಗೆ KIND ಎಂದು ಸಂದೇಶವನ್ನು ಕಳುಹಿಸಿ. ಈ ಸೇವೆಯು ಉಚಿತವಾಗಿದೆ ಮತ್ತು 24/7 ಲಭ್ಯವಿದೆ!

ನಿಮ್ಮ ಪಾಸ್‌ವರ್ಡ್ ಅನ್ನು ಸುರಕ್ಷಿತವಾಗಿರಿಸಿಕೊಳ್ಳಿ ಮತ್ತು ಅದನ್ನು ಯಾವುದೇ ಸಂದರ್ಭಗಳಲ್ಲಿ, ಇತರ ಜನರು, ಅಪ್ಲಿಕೇಶನ್‌ಗಳು ಅಥವಾ ವೆಬ್‌ಸೈಟ್‌ಗಳೊಂದಿಗೆ ಹಂಚಿಕೊಳ್ಳಬೇಡಿ. ನೀವು ಬಳಸುವ ಪ್ರತಿಯೊಂದು ಸೇವೆಗೂ ಬೇರೆ ಪಾಸ್‌ವರ್ಡ್ ಬಳಸುವಂತೆ ನಾವು ಸಲಹೆ ನೀಡುತ್ತೇವೆ.

ಡಿಜಿಟಲ್ ಸಾಕ್ಷರತೆಯನ್ನು ಹೆಚ್ಚಿಸಲು ಮತ್ತು Snapchatter ಗಳಿಗೆ ಸುರಕ್ಷತೆ ಮತ್ತು ಗೌಪ್ಯತೆ ಸಲಹೆಗಳು ಹಾಗೂ ತಂತ್ರಗಳ ಕುರಿತು ಅರಿವು ಮೂಡಿಸಲು ಈ Discover ವಾಹಿನಿ ರಚಿಸಲಾಗಿದೆ.

Discover ನಲ್ಲಿ, ವಿಶ್ವಾದ್ಯಂತ ನಡೆಯುತ್ತಿರುವ ಸಂಗತಿಗಳ ಕುರಿತು ತಿಳಿದುಕೊಳ್ಳಲು ನೀವು ಸ್ನೇಹಿತರ ಕಥೆಗಳು, ಪ್ರಕಾಶಕರ ಕಥೆಗಳು, ಪ್ರದರ್ಶನಗಳು, ಮತ್ತು Snap ಮ್ಯಾಪ್ ಅನ್ನು ನೋಡಬಹುದು! ನೀವು ಯಾವ Discover ವಿಷಯವನ್ನು ನೋಡಲು ಬಯಸುತ್ತೀರಿ ಎಂಬುದನ್ನು ಸಹ ನೀವು ನಿರ್ಧರಿಸಬಹುದು.

• ಸ್ನೇಹಿತರು: ನೀವು ಯಾರೊಂದಿಗೆ ಅತ್ಯಂತ ಹೆಚ್ಚು ಸಂಪರ್ಕದಲ್ಲಿರುತ್ತೀರಿ ಎನ್ನುವುದನ್ನು ಆಧರಿಸಿ ಸ್ನೇಹಿತರ ಕಥೆಗಳನ್ನು ವಿಂಗಡಿಸಲಾಗುತ್ತದೆ, ಹಾಗಾಗಿ ನೀವು ಕಾಳಜಿವಹಿಸುವ ಜನರನ್ನು ನೀವು ಮುಖ್ಯವಾಗಿ ಕಾಣುತ್ತೀರಿ. ನಿಮ್ಮ ಸ್ನೇಹಿತರನ್ನು ನಿರ್ವಹಿಸುವುದು ಹೇಗೆ ಅಥವಾ ಹೊಸ ಸ್ನೇಹಿತರನ್ನು ಸೇರಿಸುವುದು ಹೇಗೆ ಎನ್ನುವ ಕುರಿತು ಇನ್ನಷ್ಟು ತಿಳಿದುಕೊಳ್ಳಿ.

• ಸಬ್‌ಸ್ಕ್ರಿಪ್ಶನ್‌ಗಳು: ಸ್ನೇಹಿತರ ವಿಭಾಗದ ಕೆಳಗಡೆ, ಪ್ರಕಾಶಕರು, ಕ್ರಿಯೇಟರ್‌ಗಳು ಮತ್ತು ನೀವು ಸಬ್‌ಸ್ಕ್ರೈಬ್ ಮಾಡಿರುವ ಇತರ ವಾಹಿನಿಗಳಿಂದ ನಿಮ್ಮ ಮೆಚ್ಚಿನ ವಿಷಯವನ್ನು ನೀವು ಕಾಣುತ್ತೀರಿ. ಯಾವ ಕಥೆಯನ್ನು ಇತ್ತೀಚೆಗೆ ನವೀಕರಿಸಲಾಗಿದೆ ಎಂಬುದರ ಮೂಲಕ ಇವುಗಳನ್ನು ವಿಂಗಡಿಸಲಾಗಿದೆ.

• Discover: ಇಲ್ಲಿ ನೀವು ಇನ್ನೂ ಸಬ್‌ಸ್ಕ್ರೈಬ್ ಮಾಡಿಲ್ಲದ ಪ್ರಕಾಶಕರು ಮತ್ತು ಕ್ರಿಯೇಟರ್‌ಗಳಿಂದ ಶಿಫಾರಸು ಮಾಡಿದ ಬೆಳೆಯುತ್ತಿರುವ ಪಟ್ಟಿಯನ್ನು — ಹಾಗೂ ಪ್ರಾಯೋಜಿತ ಕಥೆಗಳು ಮತ್ತು ವಿಶ್ವಾದ್ಯಂತದ ನಮ್ಮ ಸಮುದಾಯದಿಂದ ಕಥೆಗಳನ್ನು ನೀವು ಕಾಣುತ್ತೀರಿ. ಒಂದು ವೇಳೆ ನೀವು ನೋಡುವ ಕೆಲವು ಕಥೆಯನ್ನು ನೀವು ನಿಜವಾಗಿಯೂ ಇಷ್ಟಪಡದಿದ್ದರೆ, ನೀವು ಯಾವಾಗಲೂ ಅದನ್ನು ಒತ್ತಿ ಹಿಡಿದು ಆ ಕಥೆಯನ್ನು ಮರೆಮಾಡಲು 'ಮರೆ ಮಾಡಿ' ಟ್ಯಾಪ್ ಮಾಡಿ.

• Discover ನಲ್ಲಿ ಕಥೆಗಳನ್ನು ಮರೆಮಾಡುವುದು: ನೀವು ನೋಡಲು ಬಯಸದೆ ಇರುವ ಯಾವುದೇ ಕಥೆಯನ್ನು ನೀವು ಯಾವಾಗಲೂ ಮರೆಮಾಡಬಹುದು. ಕಥೆಯನ್ನು ಒತ್ತಿ ಹಿಡಿದು 'ಮರೆ ಮಾಡಿ' ಟ್ಯಾಪ್ ಮಾಡಿ.

• Discoverನಲ್ಲಿ ಕಥೆಗಳನ್ನು ವರದಿ ಮಾಡುವುದು: Discoverನಲ್ಲಿ ನೀವು ಅಸಮಂಜಸವಾದದ್ದನ್ನು ಕಂಡರೆ, ದಯವಿಟ್ಟು ನಮ್ಮನ್ನು ಸಂಪರ್ಕಿಸಿ! ಸೂಕ್ತವಲ್ಲದ Snap ಅನ್ನು ಒತ್ತಿ ಮತ್ತು ಹಿಡಿದುಕೊಳ್ಳಿ ಮತ್ತು ಅದನ್ನು ವರದಿ ಮಾಡಲು 'Snap ವರದಿ ಮಾಡಿ' ಬಟನ್ ಟ್ಯಾಪ್ ಮಾಡಿ.

Snapchat ಉಪಯೋಗಿಸಲು ವ್ಯಕ್ತಿಗಳು 13 ವರ್ಷ ವಯಸ್ಸಿನವರಾಗಿರಬೇಕು (ಅಥವಾ ಸ್ಥಳೀಯ ಕಾನೂನಿನ ಪ್ರಕಾರ ವ್ಯಕ್ತಿಯು ವೇದಿಕೆಯನ್ನು ಬಳಸಬಹುದಾದ ಕನಿಷ್ಠ ವಯಸ್ಸು ಹೊಂದಿರಬೇಕು) ಮತ್ತು ಆ ವಯಸ್ಸಿಗಿಂತ ಕಡಿಮೆ ವಯಸ್ಸಿನವರಿಗೆ ಸೇರಿದ ಖಾತೆ ಎಂದು ನಾವು ನಿರ್ಧರಿಸಿದರೆ, ಅದನ್ನು ರದ್ದುಗೊಳಿಸಲು ನಾವು ಕ್ರಮ ಕೈಗೊಳ್ಳುತ್ತೇವೆ.