Snapchat ನಾದ್ಯಂತ, ನಾವು ನಮ್ಮ ಸಮುದಾಯದ ಸುರಕ್ಷತಾ ಹಿತಾಸಕ್ತಿಗಳನ್ನು ಗೌರವಿಸುತ್ತಲೇ ಸುರಕ್ಷತೆಯನ್ನು ವರ್ಧಿಸುವುದಕ್ಕೆ ಬದ್ಧರಾಗಿದ್ದೇವೆ. ಸಂಭಾವ್ಯ ಹಾನಿಗಳ ವಿರುದ್ಧ ಹೋರಾಡಲು ನಾವು ಸಮತೋಲಿತ, ಅಪಾಯ-ಆಧರಿತ ವಿಧಾನವನ್ನು ತೆಗೆದುಕೊಳ್ಳುತ್ತೇವೆ — ಪಾರದರ್ಶಕ ವಿಷಯ ಪರಿಷ್ಕರಣೆ ಅಭ್ಯಾಸಗಳು, ಸ್ಥಿರ ಮತ್ತು ಸಮಾನವಾದ ಕ್ರಮ ಜಾರಿಗೊಳಿಸುವಿಕೆ ಮತ್ತು ನಮ್ಮ ನೀತಿಗಳನ್ನು ನ್ಯಾಯೋಚಿತವಾಗಿ ಅನ್ವಯಿಸಲು ನಮ್ಮನ್ನು ಉತ್ತರದಾಯಿಗಳಾಗಿಸಿಕೊಳ್ಳುವ ಸ್ಪಷ್ಟ ಸಂವಹನವನ್ನು ಸಂಯೋಜಿಸುತ್ತೇವೆ.

ವಿಷಯ ಪರಿಷ್ಕರಣೆ

ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ನಾವು Snapchat ಅನ್ನು ವಿನ್ಯಾಸಗೊಳಿಸಿದ್ದೇವೆ ಮತ್ತು ಸಂಭಾವ್ಯತಃ ಹಾನಿಕಾರಕ ವಿಷಯ ಹರಡುವಿಕೆಯನ್ನು ತಡೆಯಲು ಸಹಾಯ ಮಾಡುವಲ್ಲಿ ಈ ವಿನ್ಯಾಸ ಪ್ರಮುಖವಾಗಿದೆ. ಉದಾಹರಣೆಗೆ, ಸಂಭಾವ್ಯತಃ ಹಾನಿಕಾರಕ ಅಥವಾ ಉಲ್ಲಂಘಿಸುವ ವಿಷಯ ಪ್ರಸಾರ ಮಾಡುವ ಅವಕಾಶವನ್ನು ನಿರ್ಮಿಸಿದವರು ಹೊಂದಿರುವ ಮುಕ್ತ ನ್ಯೂಸ್ ಫೀಡ್‌ ಅನ್ನು Snapchat ಒದಗಿಸುವುದಿಲ್ಲ ಮತ್ತು ಸ್ನೇಹಿತರ ಪಟ್ಟಿಗಳು ಖಾಸಗಿಯಾಗಿರುತ್ತವೆ.

ಈ ವಿನ್ಯಾಸ ಸುರಕ್ಷತಾ ಕ್ರಮಗಳ ಜೊತೆಗೆ, ನಮ್ಮ ಸಾರ್ವಜನಿಕ ವಿಷಯ ವೇದಿಕೆಗಳನ್ನು (ಉದಾಹರಣೆಗೆ ಸ್ಪಾಟ್‌ಲೈಟ್, ಸಾರ್ವಜನಿಕ ಕಥೆಗಳು ಮತ್ತು ಮ್ಯಾಪ್‌ಗಳು) ಪರಿಷ್ಕರಿಸಲು ನಾವು ಸ್ವಯಂಚಾಲಿತ ಉಪಕರಣಗಳು ಮತ್ತು ಮಾನವ ವಿಮರ್ಶೆಯ ಸಂಯೋಜನೆಯನ್ನು ಬಳಸುತ್ತೇವೆ. ಸಾರ್ವಜನಿಕ ವೇದಿಕೆಗಳಲ್ಲಿ ಶಿಫಾರಸು ಮಾಡಲಾಗಿರುವ ವಿಷಯವನ್ನು ಉನ್ನತ ಮಾನದಂಡದಿಂದ ಪರಿಶೀಲಿಸಲಾಗುತ್ತದೆ ಮತ್ತು ಹೆಚ್ಚುವರಿ ಮಾರ್ಗಸೂಚಿಗಳನ್ನು ಕಡ್ಡಾಯವಾಗಿ ಪೂರೈಸಬೇಕು. ಉದಾಹರಣೆಗೆ, ಸ್ಪಾಟ್‌ಲೈಟ್‌ನಲ್ಲಿ ವಿಶಾಲ Snapchat ಸಮುದಾಯದೊಂದಿಗೆ ಹಂಚಿಕೊಳ್ಳಲು ಕ್ರಿಯೇಟರ್‌ಗಳು ಸೃಜನಶೀಲ ಮತ್ತು ಮನರಂಜನೆಯ ವೀಡಿಯೊಗಳನ್ನು ಸಲ್ಲಿಸಬಹುದು, ಎಲ್ಲ ಕಂಟೆಂಟ್ ಅನ್ನು ಯಾವುದೇ ವಿತರಣೆ ಪಡೆದುಕೊಳ್ಳುವ ಮೊದಲು ಕೃತಕ ಬುದ್ಧಿಮತ್ತೆಯಿಂದ ಆಟೊಮೇಷನ್ ಮೂಲಕ ವಿಮರ್ಶಿಸಲಾಗುತ್ತದೆ. ಹೆಚ್ಚು ಪ್ರೇಕ್ಷಕರಿಗೆ ವಿತರಣೆಗಾಗಿ ಶಿಫಾರಸು ಮಾಡುವುದಕ್ಕಾಗಿ ಒಂದು Snap ಗೆ ಅವಕಾಶ ನೀಡುವ ಮೊದಲು, ಅದನ್ನು ಮಾನವ ಮಾಡರೇಟರ್‌ಗಳು ವಿಮರ್ಶಿಸುತ್ತಾರೆ. ಸ್ಪಾಟ್‌ಲೈಟ್‌ನಲ್ಲಿ ವಿಷಯವನ್ನು ಪರಿಷ್ಕರಣೆ ಮಾಡುವ ಈ ಹಂತಹಂತದ ವಿಧಾನವು ಸಂಭಾವ್ಯತಃ ಹಾನಿಕಾರಕ ವಿಷಯ ಹರಡಬಹುದಾದ ಅಪಾಯವನ್ನು ಕಡಿಮೆ ಮಾಡುತ್ತದೆ ಮತ್ತು ಎಲ್ಲರಿಗೂ ವಿನೋದಮಯ ಮತ್ತು ಸಕಾರಾತ್ಮಕ ಅನುಭವವನ್ನು ಒದಗಿಸುತ್ತದೆ.

ಅದೇ ರೀತಿಯಲ್ಲಿ, ಪ್ರಕಾಶಕರ ಕಥೆಗಳು ಅಥವಾ ಪ್ರದರ್ಶನಳಂತಹ ಮಾಧ್ಯಮ ಸಂಸ್ಥೆಗಳು ಸೃಷ್ಟಿಸುವ ಸಂಪಾದಕೀಯ ವಿಷಯವನ್ನು ಸುರಕ್ಷತೆ ಮತ್ತು ಪ್ರಾಮಾಣಿಕತೆಗಾಗಿ ಉನ್ನತ ಮಾನದಂಡಗಳಿಗೆ ಒಳಪಡಿಸಲಾಗುತ್ತದೆ. ಹೆಚ್ಚುವರಿಯಾಗಿ, ಕಥೆಗಳ ರೀತಿಯ ಸಾರ್ವಜನಿಕ ಅಥವಾ ಹೆಚ್ಚು ಗೋಚರತೆಯ ತಾಣಗಳಲ್ಲಿ ಸಂಭಾವ್ಯತಃ ಹಾನಿಕಾರಕ ವಿಷಯಗಳನ್ನು ಗುರುತಿಸಲು ನೆರವು ಪಡೆದುಕೊಳ್ಳುವುದಕ್ಕಾಗಿ, ಪೂರ್ವಭಾವಿ ಹಾನಿ-ಪತ್ತೆ ತಂತ್ರಜ್ಞಾನಗಳನ್ನು ಬಳಸುತ್ತೇವೆ ಹಾಗೂ ಹುಡುಕಾಟದ ಫಲಿತಾಂಶಗಳಲ್ಲಿ ಅಂತಹ ವಿಷಯಗಳು (ಉದಾಹರಣೆಗಾಗಿ ಅಕ್ರಮ ಮಾದಕಪದಾರ್ಥಗಳು ಅಥವಾ ಇತರ ಅಕ್ರಮ ವಸ್ತುಗಳ ಜಾಹೀರಾತು ನೀಡಲು ಪ್ರಯತ್ನಿಸುವ ಖಾತೆಗಳು) ಮರಳುವುದನ್ನು ತಡೆಯಲು ನಾವು ಪ್ರಮುಖಪದಗಳ ಶೋಧನೆಯನ್ನು ಬಳಸುತ್ತೇವೆ. 

Snapchat ಗೆ ವರದಿ ಮಾಡುವುದು 

ನಮ್ಮ ಎಲ್ಲ ಉತ್ಪನ್ನ ತಾಣಗಳಾದ್ಯಂತ, ನಮ್ಮ ನೀತಿಗಳ ಸಂಭಾವ್ಯತಃ ಉಲ್ಲಂಘನೆಗಾಗಿ ಬಳಕೆದಾರರು ಖಾತೆಗಳು ಮತ್ತು ವಿಷಯವನ್ನು ವರದಿ ಮಾಡಬಹುದು. ವರದಿಯನ್ನು ಮೌಲ್ಯಮಾಪನ ಮಾಡಲು; ನಮ್ಮ ನೀತಿಗಳ ಅನುಸಾರ ಸೂಕ್ತ ಕ್ರಮ ಕೈಗೊಳ್ಳಲು; ಮತ್ತು ವರದಿ ಮಾಡಿದ ಪಕ್ಷಕ್ಕೆ--ಸಾಮಾನ್ಯವಾಗಿ ಕೆಲವು ಗಂಟೆಗಳ ಒಳಗೆ -- ಫಲಿತಾಂಶದ ಕುರಿತು ಸೂಚನೆ ನೀಡಲು ತರಬೇತಾಗಿರುವ ನಮ್ಮ ಸುರಕ್ಷತಾ ತಂಡಗಳಿಗೆ ನೇರವಾಗಿ ಒಂದು ಗೌಪ್ಯ ವರದಿ ಸಲ್ಲಿಸುವುದನ್ನು ನಾವು Snapchatter ಗಳಿಗೆ ಸುಲಭವಾಗಿಸಿದ್ದೇವೆ. (ಕೆಲವು ನಿದರ್ಶನಗಳಲ್ಲಿ, ಕೃತಕ ಬುದ್ಧಿಮತ್ತೆಯ ತಂತ್ರಜ್ಞಾನವನ್ನು ಬಳಸಿಕೊಂಡು ವರದಿಯ ಕುರಿತು ನಾವು ಆತ್ಮವಿಶ್ವಾಸದಿಂದ ಅಧಿಕ-ನಿಖರತೆಯ ಮಾಡರೇಷನ್ ನಿರ್ಧಾರವನ್ನು ತೆಗೆದುಕೊಳ್ಳಲು ಸಾಧ್ಯವಾದರೆ, ನಾವು ಹಾಗೆ ಮಾಡಬಹುದು.) 

ನಮ್ಮ ಕಮ್ಯುನಿಟಿ ಮಾರ್ಗಸೂಚಿಗಳನ್ನು ಉಲ್ಲಂಘಿಸುವ ಕಂಟೆಂಟ್ ಅನ್ನು ನೀವು ನೋಡಿದರೆ, ದಯವಿಟ್ಟು ಅದನ್ನು ಸಾಧ್ಯವಾದಷ್ಟು ಬೇಗ ವರದಿ ಮಾಡಿ. ಆ್ಯಪ್‌ನಲ್ಲಿ ನೀವು ಕಂಟೆಂಟ್ ಅನ್ನು ವರದಿ ಮಾಡಿದಾಗ, ಅದನ್ನು ಡೀಫಾಲ್ಟ್ ಆಗಿ ಅಳಿಸಬೇಕಾಗಿದ್ದರೂ ಸಹ. ನಾವು ಅದನ್ನು ವಿಮರ್ಶಿಸಲು ಮತ್ತು ಉಳಿಸಿಕೊಳ್ಳಲು ಸಾಧ್ಯವಾಗುತ್ತದೆ. ಸಂಭಾವ್ಯತಃ ಹಾನಿಕಾರಕ ವಿಷಯ ಅಥವಾ ನಡವಳಿಕೆಯನ್ನು ವರದಿ ಮಾಡುವ ಕುರಿತು ಹೆಚ್ಚಿನ ಮಾಹಿತಿಗಾಗಿ, ನಮ್ಮ ಬೆಂಬಲ ಸೈಟ್‌ನಲ್ಲಿ ಈ ಸಂಪನ್ಮೂಲಕ್ಕೆ ಭೇಟಿ ನೀಡಿ. Snapchat ನಲ್ಲಿ ಉಲ್ಲಂಘಿಸುವ ವಿಷಯವನ್ನು ಗುರುತಿಸಲು ಮತ್ತು ತೆಗೆದುಹಾಕಲು ಹಾಗೂ ಸುರಕ್ಷತೆ ಮತ್ತು ಯೋಗಕ್ಷೇಮವನ್ನು ಪ್ರಚಾರ ಮಾಡಲು ಮಾಡುತ್ತಿರುವ ಪ್ರಯತ್ನಗಳ ಕುರಿತು ನೀವು ಇಲ್ಲಿ ಕೂಡ ಇನ್ನಷ್ಟು ತಿಳಿದುಕೊಳ್ಳಬಹುದು. ನೀವು ಸಲ್ಲಿಸಿರುವ ಒಂದು ವರದಿಯ ಫಲಿತಾಂಶದ ಕುರಿತು ನೀವು ಪ್ರಶ್ನೆ ಅಥವಾ ಕಳವಳವನ್ನು ಹೊಂದಿದ್ದರೆ, ನೀವು ನಮ್ಮ ಬೆಂಬಲ ಸೈಟ್ ಮೂಲಕ ಫಾಲೋ ಅಪ್ ಮಾಡಬಹುದು. 

ನೀವು ಒಂದು ವರದಿಯನ್ನು ಸಲ್ಲಿಸಿದಾಗ, ನಿಮ್ಮ ಅತ್ಯುತ್ತಮ ಅರಿವಿನ ಮೇರೆಗೆ ಅದು ಸಂಪೂರ್ಣ ಮತ್ತು ನಿಖರವಾಗಿದೆ ಎಂದು ನೀವು ದೃಢಪಡಿಸುತ್ತೀರಿ. ನಕಲು ಅಥವಾ ಇಲ್ಲದಿದ್ದಲ್ಲಿ "ಸ್ಪ್ಯಾಮ್‌ನಂತಹ" ವರದಿಗಳನ್ನು ಪದೇಪದೆ ಕಳುಹಿಸುವುದು ಸೇರಿದಂತೆ, ದಯವಿಟ್ಟು Snap ನ ವರದಿ ಮಾಡುವಿಕೆ ವ್ಯವಸ್ಥೆಗಳನ್ನು ದುರುಪಯೋಗ ಮಾಡಬೇಡಿ. ನೀವು ಈ ನಡವಳಿಕೆಯಲ್ಲಿ ತೊಡಗಿಸಿಕೊಂಡರೆ, ನಿಮ್ಮ ವರದಿಗಳ ಪರಿಶೀಲನೆಯನ್ನು ಆದ್ಯತೆಯಿಂದ ತೆಗೆದುಹಾಕುವ ಹಕ್ಕನ್ನು ನಾವು ಕಾಯ್ದಿರಿಸಿದ್ದೇವೆ. ಇತರರ ವಿಷಯ ಅಥವಾ ಖಾತೆಗಳ ವಿರುದ್ಧ ನೀವು ಆಗಾಗ್ಗೆ ಆಧಾರರಹಿತವಾದ ವರದಿಗಳನ್ನು ಸಲ್ಲಿಸಿದರೆ, ನಿಮಗೆ ಎಚ್ಚರಿಕೆಯನ್ನು ಕಳುಹಿಸಿದ ಬಳಿಕ ನಾವು ಒಂದು ವರ್ಷದವರೆಗೆ ನಿಮ್ಮ ವರದಿಯ ಪರಿಶೀಲನೆಯನ್ನು ಅಮಾನತುಗೊಳಿಸಬಹುದು ಮತ್ತು ಅತಿರೇಕದ ಸನ್ನಿವೇಶಗಳಲ್ಲಿ, ನಿಮ್ಮ ಖಾತೆಯನ್ನು ನಿಷ್ಕ್ರಿಯಗೊಳಿಸಬಹುದು.

ಕ್ಯಾಲಿಫೋರ್ನಿಯಾ ವ್ಯವಹಾರ ಮತ್ತು ವೃತ್ತಿಗಳ ಸಂಹಿತೆ, ವಿಭಾಗ 8, ಅಧ್ಯಾಯ 22.2.8 ರ ಪ್ರಕಾರ ಅಗತ್ಯವಿರುವಂತೆ ಕ್ಯಾಲಿಫೋರ್ನಿಯಾದಲ್ಲಿ ನೆಲೆಗೊಂಡಿರುವ K-12 ಶಾಲೆಗಳ ಪ್ರಾಂಶುಪಾಲರು ಮತ್ತು ಅದೇ ರೀತಿಯ ನಿರ್ವಾಹಕರು ಮತ್ತು ಕ್ಯಾಲಿಫೋರ್ನಿಯಾ ಮೂಲದ ಅಪ್ರಾಪ್ತರಿಗೆ ಸೇವೆಗಳನ್ನು ಒದಗಿಸುವ ಮಾನಸಿಕ ಆರೋಗ್ಯ ವೃತ್ತಿಪರರಿಗಾಗಿ ನಾವು ಮೀಸಲಾದ ವರದಿ ಮಾಡುವಿಕೆಯ ಚಾನೆಲ್ ಹೊಂದಿದ್ದೇವೆ ಎಂಬುದನ್ನು ದಯವಿಟ್ಟು ಗಮನಿಸಿ. ಈ ವರದಿ ಮಾಡುವಿಕೆ ಕಾರ್ಯವಿಧಾನಗಳ ಕುರಿತ ಮಾಹಿತಿಯನ್ನು ಇಲ್ಲಿ ನೋಡಬಹುದು.

Snap ನಲ್ಲಿ ನೀತಿ ಜಾರಿಗೊಳಿಸುವಿಕೆ

ನಮ್ಮ ನೀತಿಗಳು ಸ್ಥಿರ ಮತ್ತು ನ್ಯಾಯೋಚಿತ ಜಾರಿಗೊಳಿಸುವಿಕೆಯನ್ನು ಉತ್ತೇಜಿಸುವುದು Snap ನಲ್ಲಿ ನಮಗೆ ಬಹಳ ಮುಖ್ಯವಾಗಿದೆ. ನಮ್ಮ ಸಮುದಾಯ ಮಾರ್ಗಸೂಚಿಗಳ ಉಲ್ಲಂಘನೆಗಳಿಗಾಗಿ ಸೂಕ್ತ ದಂಡಗಳನ್ನು ನಿರ್ಧರಿಸಲು ನಾವು ಸನ್ನಿವೇಶ, ಹಾನಿಯ ತೀವ್ರತೆ ಮತ್ತು ಖಾತೆಯ ಇತಿಹಾಸವನ್ನು ಪರಿಗಣಿಸುತ್ತೇವೆ.

ತೀವ್ರ ಹಾನಿಗಳಲ್ಲಿ ತೊಡಗಿಸಿಕೊಂಡಿದ್ದಾರೆ ಎಂದು ನಾವು ನಿರ್ಧರಿಸುವ ಖಾತೆಗಳನ್ನು ತಕ್ಷಣವೇ ನಿಷ್ಕ್ರಿಯಗೊಳಿಸುವುದು ನಮ್ಮ ವಿಧಾನವಾಗಿದೆ. ತೀವ್ರ ಹಾನಿಯ ಉದಾಹರಣೆಗಳಲ್ಲಿ ಮಕ್ಕಳ ಲೈಂಗಿಕ ಶೋಷಣೆ ಅಥವಾ ದೌರ್ಜನ್ಯ, ಅಕ್ರಮ ಮಾದಕಪದಾರ್ಥಗಳ ವಿತರಣೆಗೆ ಪ್ರಯತ್ನಿಸುವುದು ಮತ್ತು ಹಿಂಸಾತ್ಮಕ ತೀವ್ರವಾದ ಅಥವಾ ಭಯೋತ್ಪಾದನಾ ಚಟುವಟಿಕೆಯ ಪ್ರಚಾರ ಸೇರಿವೆ.

ಕಡಿಮೆ ತೀವ್ರವಾದ ಹಾನಿಗಳಿಗಾಗಿಯೂ ಸಹ, ಮುಖ್ಯವಾಗಿ ನಮ್ಮ ಕಮ್ಯುನಿಟಿ ಮಾರ್ಗಸೂಚಿಗಳನ್ನು ಉಲ್ಲಂಘಿಸಲು ರಚಿಸಲಾದ ಅಥವಾ ಬಳಸಲಾದ ಖಾತೆಗಳನ್ನು ನಿಷ್ಕ್ರಿಯಗೊಳಿಸುವುದು ಕೂಡ ನಮ್ಮ ನೀತಿಯಾಗಿದೆ. ಉದಾಹರಗಾಗಿ, ಯಾವುದೇ ಖಾತೆಯು ಉಲ್ಲಂಘನಾತ್ಮಕ ಬಳಕೆದಾರರ ಹೆಸರು ಅಥವಾ ಪ್ರದರ್ಶನ ಹೆಸರನ್ನು ಹೊಂದಿದ್ದರೆ, ಅಥವಾ ಅದು ಉಲ್ಲಂಘನಾತ್ಮಕ ವಿಷಯಗಳ ಹಲವು ತುಣುಕುಗಳನ್ನು ಪೋಸ್ಟ್ ಮಾಡಿದ್ದರೆ, ಅದನ್ನು ತಕ್ಷಣವೇ ನಿಷ್ಕ್ರಿಯಗೊಳಿಸಲಾಗಬಹುದು.

ನಮ್ಮ ಸಮುದಾಯದ ಮಾರ್ಗಸೂಚಿಗಳ ಇತರ ಉಲ್ಲಂಘನೆಗಳಿಗಾಗಿ, Snap ಸಾಮಾನ್ಯವಾಗಿ ಮೂರು-ಭಾಗಗಳ ಕ್ರಮಜಾರಿಗೊಳಿಸುವಿಕೆ ಪ್ರಕ್ರಿಯೆಯನ್ನು ಅನುಸರಿಸುತ್ತದೆ:

• ಹಂತ ಒಂದು: ಉಲ್ಲಂಘಿಸುವ ವಿಷಯವನ್ನು ತೆಗೆದುಹಾಕಲಾಗುತ್ತದೆ.

• ಹಂತ ಎರಡು: ಆ Snapchatter ಗೆ ಅವರು ಸಲ್ಲಿಸಿದ ವಿಷಯ ನಮ್ಮ ಕಮ್ಯುನಿಟಿ ಮಾರ್ಗಸೂಚಿಗಳನ್ನು ಉಲ್ಲಂಘಿಸಿದೆ ಎಂದು, ಅವರ ವಿಷಯವನ್ನು ತೆಗೆದುಹಾಕಲಾಗಿದೆ ಎಂದು ಮತ್ತು ಪುನರಾವರ್ತಿತ ಉಲ್ಲಂಘನೆಗಳು ಅವರ ಖಾತೆಯನ್ನು ನಿಷ್ಕ್ರಿಯಗೊಳಿಸುವುದು ಸೇರಿದಂತೆ, ಹೆಚ್ಚುವರಿ ಜಾರಿ ಕ್ರಮಗಳಿಗೆ ಕಾರಣವಾಗುತ್ತದೆ ಎನ್ನುವುದನ್ನು ಸೂಚಿಸುವ ಅಧಿಸೂಚನೆಯನ್ನು ರವಾನಿಸಲಾಗುತ್ತದೆ.

• ಹಂತ ಮೂರು: ನಮ್ಮ ತಂಡವು ಆ Snapchatter ಖಾತೆಯನ್ನು ಸ್ಟ್ರೈಕ್ ಮಾಡಲಾಗುತ್ತದೆ.

ಒಂದು ಸ್ಟ್ರೈಕ್ ನಿರ್ದಿಷ್ಟ Snapchatter ನಿಂದ ಉಲ್ಲಂಘನೆಗಳನ್ನು ದಾಖಲಿಸುತ್ತದೆ. Snapchatter ಗೆ ಸ್ಟ್ರೈಕ್‌ಗಳ ಜೊತೆ ಒಂದು ಸೂಚನೆ ಹೊಂದಿರುತ್ತದೆ. ನಿರ್ದಿಷ್ಟಪಡಿಸಿದ ಸಮಯಾವಧಿಯಲ್ಲಿ ಒಬ್ಬ Snapchatter ತುಂಬಾ ಹೆಚ್ಚು ಸ್ಟ್ರೈಕ್‌ಗಳನ್ನು ಪಡೆದುಕೊಂಡರೆ, ಅವರ ಖಾತೆಯನ್ನು ನಿಷ್ಕ್ರಿಯಗೊಳಿಸಲಾಗುತ್ತದೆ. ಇದರ ಜೊತೆಗೆ, Snapchatter ಒಂದು ಅಥವಾ ಹೆಚ್ಚಿನ ಸ್ಟ್ರೈಕ್‌ಗಳನ್ನು ಪಡೆದುಕೊಂಡಾಗ, ನಾವು Snapchat ನಲ್ಲಿ ಕೆಲವು ವೈಶಿಷ್ಟ್ಯಗಳಿಗೆ ಆ್ಯಕ್ಸೆಸ್ ಮಿತಿಗೊಳಿಸಬಹುದು ಅಥವಾ ಅವುಗಳ ಕಂಟೆಂಟ್‌ನ ಸಾರ್ವಜನಿಕ ವಿತರಣೆಯನ್ನು ಮಿತಿಗೊಳಿಸಬಹುದು. ನಾವು ಕಮ್ಯುನಿಟಿ ಮಾರ್ಗಸೂಚಿಗಳನ್ನು ಸ್ಥಿರವಾಗಿ ಮತ್ತು ಬಳಕೆದಾರರಿಗೆ ಎಚ್ಚರಿಕೆ ಮತ್ತು ಶಿಕ್ಷಣವನ್ನು ಒದಗಿಸುವ ರೀತಿಯಲ್ಲಿ ಅನ್ವಯಿಸುತ್ತೇವೆ ಎಂದು ಖಚಿತಪಡಿಸಿಕೊಳ್ಳಲು ಈ ಸ್ಟ್ರೈಕ್ ಸಿಸ್ಟಮ್ ಸಹಾಯ ಮಾಡುತ್ತದೆ.

ಕಂಟೆಂಟ್ ಅಥವಾ ಖಾತೆಗಳು ಸ್ಥಳೀಯ ಕಾನೂನುಗಳನ್ನು ಉಲ್ಲಂಘಿಸುತ್ತವೆ ಎಂದು ಆರೋಪಿಸುವ ವರದಿಗಳನ್ನು ನಾವು ಸ್ವೀಕರಿಸಿದಾಗ, ನಾವು ಮೊದಲು ಕಮ್ಯುನಿಟಿ ಮಾರ್ಗಸೂಚಿಗಳ ವಿರುದ್ಧ ಕಂಟೆಂಟ್ ಅನ್ನು ಮೌಲ್ಯಮಾಪನ ಮಾಡುತ್ತೇವೆ. ಯಾವುದೇ ಉಲ್ಲಂಘನೆ ಕಂಡುಬರದಿದ್ದರೆ, ಆಗ ಪೋಸ್ಟ್ ಮಾಡುವ ಬಳಕೆದಾರರ ಅಧಿಕಾರ ವ್ಯಾಪ್ತಿಯಲ್ಲಿ ಅನ್ವಯಿಸುವ ಕಾನೂನುಗಳ ಅಡಿಯಲ್ಲಿ ನಾವು ಕಂಟೆಂಟ್ ಅನ್ನು ಮೌಲ್ಯಮಾಪನ ಮಾಡುತ್ತೇವೆ. ಪೋಸ್ಟ್ ಮಾಡುವ ಬಳಕೆದಾರರ ಸ್ಥಳೀಯ ಕಾನೂನಿನ ಅಡಿಯಲ್ಲಿ ಕಂಟೆಂಟ್ ಕಾನೂನುಬಾಹಿರವಾಗಿದೆ ಎಂದು ನಿರ್ಧರಿಸಿದಲ್ಲಿ, ಮಾನವ ಹಕ್ಕುಗಳನ್ನು ಗೌರವಿಸುವ Snap ನ ಬದ್ಧತೆಗೆ ಅನುಸಾರವಾಗಿ ನಾವು ಕಂಟೆಂಟ್ ಅನ್ನು ತೆಗೆದುಹಾಕುತ್ತೇವೆ ಅಥವಾ ಸೂಕ್ತವಾದ ಶಿಸ್ತುಕ್ರಮ ಕೈಗೊಳ್ಳುತ್ತೇವೆ. ಮೇಲೆ ವಿವರಿಸಿರುವುದಕ್ಕೆ ಸಮಾನವಾದ ಸ್ಟ್ರೈಕ್ ಸಿಸ್ಟಮ್ ಅನ್ನು ಕೂಡ ನಾವು ಬಳಸಬಹುದು. ಪೋಸ್ಟ್ ಮಾಡುವ ಬಳಕೆದಾರರ ಅಧಿಕಾರ ವ್ಯಾಪ್ತಿಯಲ್ಲಿ ಕಂಟೆಂಟ್ ಕಾನೂನುಬದ್ಧವಾಗಿದ್ದು, ಆದರೆ ವರದಿ ಮಾಡುವ ಬಳಕೆದಾರರ ಅಧಿಕಾರ ವ್ಯಾಪ್ತಿಯಲ್ಲಿ ಕಾನೂನುಬಾಹಿರ ಅಥವಾ ನಿರ್ಬಂಧಿತವಾಗಿರುವ ಸಂದರ್ಭಗಳಲ್ಲಿ, ಜಾಗತಿಕವಾಗಿ ಕಂಟೆಂಟ್ ಅನ್ನು ತೆಗೆದುಹಾಕದಿದ್ದರೂ ಸಹ, ಬಾಧಿತ ಅಧಿಕಾರ ವ್ಯಾಪ್ತಿಯಲ್ಲಿ ಕಂಟೆಂಟ್ ಅಥವಾ ಖಾತೆಯ ಗೋಚರತೆಯನ್ನು ಕಡಿಮೆ ಮಾಡುವಂತಹ ಸ್ಥಳೀಯಗೊಳಿಸಿದ ಶಿಸ್ತುಕ್ರಮಗಳನ್ನು ನಾವು ತೆಗೆದುಕೊಳ್ಳಬಹುದು.

ಸೂಚನೆ ಮತ್ತು ಮೇಲ್ಮನವಿ ಪ್ರಕ್ರಿಯೆಗಳು

Snapchatter ಗಳ ವಿರುದ್ಧ ಒಂದು ಕ್ರಮ ಜಾರಿಗೊಳಿಸುವಿಕೆಯನ್ನು ಏಕೆ ಮಾಡಲಾಗಿದೆ ಎಂಬ ಬಗ್ಗೆ ಅವರಿಗೆ ಸ್ಪಷ್ಟ ಅರಿವನ್ನು ಮೂಡಿಸಲು ಮತ್ತು ಮೇಲ್ಮನವಿ ಸಲ್ಲಿಸುವುದಕ್ಕೆ ಅವಕಾಶ ಕಲ್ಪಿಸಲು, Snapchatter ಗಳ ಹಕ್ಕುಗಳನ್ನು ರಕ್ಷಿಸುವುದರ ಜೊತೆಗೆ ನಮ್ಮ ಸಮುದಾಯದ ಹಿತಾಸಕ್ತಿಗಳನ್ನು ಕಾಪಾಡುವ ಗುರಿ ಹೊಂದಿರುವ ಸೂಚನೆ ಮತ್ತು ಮೇಲ್ಮನವಿ ಪ್ರಕ್ರಿಯೆಗಳನ್ನು ನಾವು ಸ್ಥಾಪಿಸಿದ್ದೇವೆ.

ಒಂದು ಖಾತೆಯ ವಿರುದ್ಧ ದಂಡಗಳನ್ನು ಜಾರಿಗೊಳಿಸಬೇಕೇ ಎಂದು ಮೌಲ್ಯಮಾಪನ ಮಾಡಲು ನಾವು ನಮ್ಮ ಕಮ್ಯುನಿಟಿ ಮಾರ್ಗಸೂಚಿಗಳು ಮತ್ತು ಸೇವೆಯ ನಿಯಮಗಳನ್ನು ಅನ್ವಯಿಸುತ್ತೇವೆ ಮತ್ತು ಪ್ರಸಾರ ಮಾಡಲಾಗುವ ಅಥವಾ ಶಿಫಾರಸು ಮಾಡಲಾಗುವ ವಿಷಯವನ್ನು ಪರಿಷ್ಕರಿಸಲು ನಮ್ಮ ಕಮ್ಯುನಿಟಿ ಮಾರ್ಗಸೂಚಿಗಳು, ಸೇವೆಯ ನಿಯಮಗಳು ಮತ್ತು ಶಿಫಾರಸಿಗೆ ಅರ್ಹತೆ ಪಡೆಯಲು ಅನುಸರಿಸಬೇಕಾದ ವಿಷಯ ಮಾರ್ಗಸೂಚಿಗಳನ್ನು ಅನ್ವಯಿಸುತ್ತೇವೆ. ನಮ್ಮ ಮೇಲ್ಮನವಿಗಳ ಪ್ರಕ್ರಿಯೆಗಳು ಹೇಗೆ ಕಾರ್ಯನಿರ್ವಹಿಸುತ್ತವೆ ಎನ್ನುವ ಕುರಿತ ಮಾಹಿತಿಗಾಗಿ, ನಾವು ಖಾತೆ ಮೇಲ್ಮನವಿಗಳು ಮತ್ತು ವಿಷಯ ಮೇಲ್ಮನವಿಗಳ ಕುರಿತು ಬೆಂಬಲ ಲೇಖನಗಳನ್ನು ಸಿದ್ಧಪಡಿಸಿದ್ದೇವೆ. ಕಮ್ಯುನಿಟಿ ಮಾರ್ಗಸೂಚಿಗಳ ಉಲ್ಲಂಘನೆಗೆ ಸಂಬಂಧಿಸಿದ ಎಲ್ಲ Snapchat ಮೇಲ್ಮನವಿಗಳನ್ನು ಮಾನವನ ವಿಮರ್ಶಕರು ನಿರ್ವಹಿಸುತ್ತಾರೆ ಎಂಬುದನ್ನು ದಯವಿಟ್ಟು ಗಮನಿಸಿ. Snapchat ಒಂದು ನಿಷ್ಕ್ರಿಯ ಖಾತೆಯ ಮೇಲ್ಮನವಿಗೆ ಅನುಮತಿ ಒದಗಿಸಿದಾಗ, Snapchatter ರ ಖಾತೆಗೆ ಪ್ರವೇಶವನ್ನು ಮರುಸ್ಥಾಪಿಸಲಾಗುತ್ತದೆ. ಮೇಲ್ಮನವಿ ಯಶಸ್ವಿಯಾಗಿದೆಯೋ ಇಲ್ಲವೋ ಎನ್ನುವ ಕುರಿತು, ಮೇಲ್ಮನವಿ ಸಲ್ಲಿಸುವ ಪಕ್ಷಕ್ಕೆ ನಮ್ಮ ನಿರ್ಧಾರವನ್ನು ನಾವು ಸಕಾಲಿಕವಾಗಿ ತಿಳಿಸುತ್ತೇವೆ.

ನಿಮ್ಮ ಮೇಲ್ಮನವಿ ಕುರಿತು ಪದೇಪದೆ ವಿನಂತಿಗಳನ್ನು ಸಲ್ಲಿಸುವ ಮೂಲಕ ದಯವಿಟ್ಟು Snap ನ ಮೇಲ್ಮನವಿ ಕಾರ್ಯವಿಧಾನವನ್ನು ದುರ್ಬಳಕೆ ಮಾಡಬೇಡಿ. ನೀವು ಈ ನಡವಳಿಕೆಯಲ್ಲಿ ತೊಡಗಿಸಿಕೊಂಡರೆ, ನಿಮ್ಮ ವಿನಂತಿಗಳ ಪರಿಶೀಲನೆಯನ್ನು ಆದ್ಯತೆಯಿಂದ ತೆಗೆದುಹಾಕುವ ಹಕ್ಕನ್ನು ನಾವು ಕಾಯ್ದಿರಿಸಿದ್ದೇವೆ. ನೀವು ಆಗಾಗ್ಗೆ ಆಧಾರರಹಿತವಾದ ಮೇಲ್ಮನವಿಗಳನ್ನು ಸಲ್ಲಿಸಿದರೆ, ನಿಮಗೆ ಎಚ್ಚರಿಕೆಯನ್ನು ಕಳುಹಿಸಿದ ಬಳಿಕ, ನಾವು ಒಂದು ವರ್ಷದವರೆಗೆ ನಿಮ್ಮ ಮೇಲ್ಮನವಿಗಳ (ಸಂಬಂಧಿಸಿದ ವಿನಂತಿಗಳು ಸೇರಿದಂತೆ) ಪರಿಶೀಲನೆಯನ್ನು ಅಮಾನತುಗೊಳಿಸಬಹುದು.