ಪರಿಚಯಿಸುತ್ತಿದ್ದೇವೆ Snapchat ನಲ್ಲಿ ಕೌಟುಂಬಿಕ ಕೇಂದ್ರ
ಆಗಸ್ಟ್ 9, 2022
Snap ನಲ್ಲಿ, ನಾವು ನಮ್ಮ ಉತ್ಪನ್ನಗಳು ನೈಜ-ಬದುಕಿನ ಜನರ ನಡವಳಿಕೆಗಳನ್ನು ಮತ್ತು ತಮ್ಮ ದೈನಂದಿನ ಬದುಕಿನಲ್ಲಿ ಜನರು ಹೇಗೆ ವರ್ತಿಸುತ್ತಾರೆ ಮತ್ತು ಪರಸ್ಪರ ಹೇಗೆ ಸಂಬಂಧಿಸಿರುತ್ತಾರೆ ಎನ್ನುವುದನ್ನು ಪ್ರತಿಬಿಂಬಿಸಬೇಕು ಎಂದು ನಂಬುತ್ತೇವೆ. ಸುರಕ್ಷತೆ, ಗೌಪ್ಯತೆ ಮತ್ತು ಯೋಗಕ್ಷೇಮಕ್ಕೆ ಆದ್ಯತೆ ನೀಡುವ ಪರಿಸರದಲ್ಲಿ ಸ್ನ್ಯಾಪ್‍ಚಾಟರ್ ಗಳು ತಮ್ಮ ಆತ್ಮೀಯ ಸ್ನೇಹಿತರೊಂದಿಗೆ ಹೇಗೆ ಸಂವಹನ ನಡೆಸುತ್ತಾರೆ ಎನ್ನುವುದರ ಮೇಲೆ ಗಮನದೊಂದಿಗೆ, ಆರಂಭದಿಂದಲೂ ನಾವು ಸಂಗತಿಗಳನ್ನು ಭಿನ್ನವಾಗಿ ನಿರ್ಮಿಸಲು ಪ್ರಯತ್ನಿಸಿದ್ದೇವೆ.
ಅದಕ್ಕಾಗಿಯೇ Snapchat ನೇರವಾಗಿ ಕ್ಯಾಮರಾಗೆ ತೆರೆದುಕೊಳ್ಳುತ್ತದೆ, ಅಂತ್ಯವಿಲ್ಲದ ವಿಷಯದ ಫೀಡ್ ಅಲ್ಲ ಮತ್ತು ನಿಜ ಜೀವನದಲ್ಲಿ ಈಗಾಗಲೇ ಸ್ನೇಹಿತರಾಗಿರುವ ಜನರನ್ನು ಸಂಪರ್ಕಿಸಲು ಕೇಂದ್ರೀಕರಿಸಿದೆ. ಸ್ನ್ಯಾಪ್‌ಚಾಟರ್‌ಗಳು ತಮ್ಮನ್ನು ತಾವು ಪ್ರಾಮಾಣಿಕವಾಗಿ ವ್ಯಕ್ತಪಡಿಸಲು ಮತ್ತು ವೈಯಕ್ತಿಕವಾಗಿ ಹ್ಯಾಂಗ್‌ಔಟ್ ಮಾಡುತ್ತಿದ್ದರೆ, ಅದೇ ರೀತಿಯಲ್ಲಿ ತಮ್ಮ ಸ್ನೇಹಿತರೊಂದಿಗೆ ಮೋಜು ಮಾಡಲು ಸಾಧ್ಯವಾಗುತ್ತದೆ ಎಂದು ನಾವು ಯಾವಾಗಲೂ ಬಯಸುತ್ತೇವೆ—ಅನುಸರಣೆಯನ್ನು ಬೆಳೆಸಲು, ವೀಕ್ಷಣೆಗಳನ್ನು ಪಡೆಯಲು ಅಥವಾ ಇಷ್ಟಗಳನ್ನು ಗಳಿಸಲು ಒತ್ತಡವಿಲ್ಲದೆ.
ಅವರಿಗಾಗಿ ಸುರಕ್ಷಿತ ಮತ್ತು ಧನಾತ್ಮಕ ಅನುಭವವನ್ನು ನಿರ್ಮಿಸುವುದು ಈ ಅಭಿಯಾನಕ್ಕೆ ಮುಖ್ಯವಾಗಿದೆ. ನಮ್ಮ ಸಮುದಾಯದ ಎಲ್ಲಾ ಸದಸ್ಯರಿಗೆ ನಮ್ಮ ಪ್ಲಾಟ್‌ಫಾರ್ಮ್ ಸುರಕ್ಷಿತವಾಗಿರಬೇಕೆಂದು ನಾವು ಬಯಸುತ್ತೇವೆ, ಹದಿಹರೆಯದವರಿಗೆ ನಾವು ಹೆಚ್ಚುವರಿ ರಕ್ಷಣೆಗಳನ್ನು ಹೊಂದಿದ್ದೇವೆ. ಉದಾಹರಣೆಗೆ, Snapchat ನಲ್ಲಿ:
- ಡಿಫಾಲ್ಟ್ ಆಗಿ, ಹದಿಹರೆಯದವರು ಪರಸ್ಪರ ಸಂವಹನವನ್ನು ಪ್ರಾರಂಭಿಸುವ ಮೊದಲು ಪರಸ್ಪರ ಸ್ನೇಹಿತರಾಗಿರಬೇಕು.
- ಸ್ನೇಹಿತರ ಪಟ್ಟಿಗಳು ಖಾಸಗಿಯಾಗಿವೆ ಮತ್ತು ಹದಿಹರೆಯದವರು ಸಾರ್ವಜನಿಕ ಪ್ರೊಫೈಲ್‌ಗಳನ್ನು ಹೊಂದಲು ನಾವು ಅನುಮತಿಸುವುದಿಲ್ಲ.
- ಮತ್ತು ಅಪರಿಚಿತರಿಗೆ ಹದಿಹರೆಯದವರನ್ನು ಹುಡುಕಲು ಕಷ್ಟವಾಗುವಂತೆ ನಾವು ರಕ್ಷಣೆಗಳನ್ನು ಹೊಂದಿದ್ದೇವೆ. ಉದಾಹರಣೆಗೆ, ಹದಿಹರೆಯದವರು "ಸೂಚಿಸಿದ ಸ್ನೇಹಿತ" ಅಥವಾ ಹುಡುಕಾಟ ಫಲಿತಾಂಶಗಳಲ್ಲಿ ಸೀಮಿತ ನಿದರ್ಶನಗಳಲ್ಲಿ ಮಾತ್ರ ಕಾಣಿಸಿಕೊಳ್ಳುತ್ತಾರೆ, ಉದಾಹರಣೆಗೆ ಅವರು ಪರಸ್ಪರ ಸ್ನೇಹಿತರನ್ನು ಸಾಮಾನ್ಯವಾಗಿ ಹೊಂದಿದ್ದರೆ.
ಇಂದು, Snapchat ಯುವಜನರಿಗೆ ಕೇಂದ್ರೀಯ ಸಂವಹನ ಸಾಧನವಾಗಿದೆ ಮತ್ತು ನಮ್ಮ ಸಮುದಾಯವು ಬೆಳೆಯುತ್ತಿರುವಂತೆ, ಪೋಷಕರು ಮತ್ತು ಆರೈಕೆದಾರರು ತಮ್ಮ ಹದಿಹರೆಯದವರನ್ನು ಸುರಕ್ಷಿತವಾಗಿರಿಸುವುದಕ್ಕೆ ಸಹಾಯ ಮಾಡಲು ಹೆಚ್ಚುವರಿ ಮಾರ್ಗಗಳನ್ನು ಬಯಸುತ್ತಾರೆ ಎಂದು ನಮಗೆ ತಿಳಿದಿದೆ.
ಅದಕ್ಕಾಗಿಯೇ ನಾವು ಕೌಟುಂಬಿಕ ಕೇಂದ್ರ ಎಂಬ ಹೊಸ ಅಪ್ಲಿಕೇಶನ್‌ನಲ್ಲಿನ ಪರಿಕರವನ್ನು ಪರಿಚಯಿಸುತ್ತಿದ್ದೇವೆ, ಇದು Snapchat ನಲ್ಲಿ ತಮ್ಮ ಹದಿಹರೆಯದ ಮಕ್ಕಳು ಯಾರೊಂದಿಗೆ ಸ್ನೇಹಿತರಾಗಿದ್ದಾರೆ ಮತ್ತು ಅವರು ಯಾರೊಂದಿಗೆ ಸಂವಹನ ನಡೆಸುತ್ತಿದ್ದಾರೆ ಎಂಬುದರ ಕುರಿತು ಹೆಚ್ಚಿನ ಒಳನೋಟವನ್ನು ಪಡೆಯಲು ಪೋಷಕರಿಗೆ ಸಹಾಯ ಮಾಡುತ್ತದೆ.
ನೈಜ ಜಗತ್ತಿನಲ್ಲಿ ಪೋಷಕರು ತಮ್ಮ ಹದಿಹರೆಯದವರೊಂದಿಗೆ ಹೇಗೆ ತೊಡಗಿಸಿಕೊಳ್ಳುತ್ತಾರೆ ಎಂಬುದನ್ನು ಪ್ರತಿಬಿಂಬಿಸಲು ಕೌಟುಂಬಿಕ ಕೇಂದ್ರವನ್ನು ವಿನ್ಯಾಸಗೊಳಿಸಲಾಗಿದೆ, ಅಲ್ಲಿ ಪೋಷಕರು ಸಾಮಾನ್ಯವಾಗಿ ತಮ್ಮ ಹದಿಹರೆಯದ ಮಕ್ಕಳು ಯಾರೊಂದಿಗೆ ಸ್ನೇಹಿತರಾಗುತ್ತಾರೆ ಮತ್ತು ಅವರು ಯಾವಾಗ ಹ್ಯಾಂಗ್ ಔಟ್ ಮಾಡುತ್ತಾರೆ ಎಂದು ತಿಳಿದಿರುತ್ತಾರೆ - ಆದರೆ ಅವರ ಖಾಸಗಿ ಸಂಭಾಷಣೆಗಳನ್ನು ಕದ್ದಾಲಿಕೆ ಮಾಡುವುದಿಲ್ಲ. ಮುಂಬರುವ ವಾರಗಳಲ್ಲಿ, ತಮ್ಮ ಹದಿಹರೆಯದ ಮಕ್ಕಳು ಸೇರಿಸಿದ ಹೊಸ ಸ್ನೇಹಿತರನ್ನು ಸುಲಭವಾಗಿ ನೋಡಲು ಪೋಷಕರಿಗೆ ಅವಕಾಶ ಕಲ್ಪಿಸುವ ಹೊಸ ವೈಶಿಷ್ಟ್ಯವನ್ನು ನಾವು ಸೇರಿಸಲಿದ್ದೇವೆ.
ಫ್ಯಾಮಿಲಿ ಸೆಂಟರ್‌ನಲ್ಲಿ, ಪೋಷಕರು ತಮಗೆ ಕಳವಳ ಉಂಟುಮಾಡುವ ಯಾವುದೇ ಖಾತೆಗಳ ಕುರಿತು ಸುಲಭವಾಗಿ ಮತ್ತು ಗೌಪ್ಯವಾಗಿ, Snapchat ಬಳಕೆದಾರರನ್ನು ಸುರಕ್ಷಿತವಾಗಿರಿಸಲು ಹಗಲುರಾತ್ರಿ ಕಾರ್ಯನಿರ್ವಹಿಸುವ ನಮ್ಮ ವಿಶ್ವಾಸ ಮತ್ತು ಸುರಕ್ಷತಾ ತಂಡಗಳಿಗೆ ನೇರವಾಗಿ ವರದಿ ಮಾಡಬಹುದು. ಆನ್‌ಲೈನ್ ಸುರಕ್ಷತೆ ಕುರಿತು ರಚನಾತ್ಮಕ ಮತ್ತು ಮುಕ್ತ ಸಂಭಾಷಣೆಗಳನ್ನು ನಡೆಸಲು ಸಹಾಯ ಮಾಡುವುದಕ್ಕಾಗಿ ಪೋಷಕರು ಮತ್ತು ಹದಿಹರೆಯದವರಿಗೆ ಹೊಸ ಸಂಪನ್ಮೂಲಗಳನ್ನು ಕೂಡ ನಾವು ಒದಗಿಸುತ್ತಿದ್ದೇವೆ.
ಫ್ಯಾಮಿಲಿ ಸೆಂಟರ್ ಅನ್ನು ಅಭಿವೃದ್ಧಿಪಡಿಸಲು ನೆರವು ಪಡೆದುಕೊಳ್ಳುವುದಕ್ಕಾಗಿ, ಮಕ್ಕಳನ್ನು ಸಲಹುವಿಕೆ ಮತ್ತು ಗೌಪ್ಯತೆಗೆ ಪ್ರತಿಯೊಬ್ಬರ ದೃಷ್ಟಿಕೋನವು ಭಿನ್ನವಾಗಿರುತ್ತದೆ ಎನ್ನುವುದರ ಹಿನ್ನೆಲೆಯಲ್ಲಿ, ಪೋಷಕರು ಮತ್ತು ಹದಿಹರೆಯದವರು ಇಬ್ಬರ ಅಗತ್ಯಗಳನ್ನೂ ಅರ್ಥಮಾಡಿಕೊಳ್ಳಲು ನಾವು ಕುಟುಂಬಗಳೊಂದಿಗೆ ಚರ್ಚಿಸಿದೆವು. ತಜ್ಞರ ಪ್ರತಿಕ್ರಿಯೆ ಮತ್ತು ಒಳನೋಟಗಳನ್ನು ಅಳವಡಿಸಿಕೊಳ್ಳಲು ಆನ್‌ಲೈನ್ ಸುರಕ್ಷತೆ ಮತ್ತು ಯೋಗಕ್ಷೇಮಕ್ಕೆ ಸಂಬಂಧಿಸಿ ನಾವು ಅವರೊಂದಿಗೆ ಕೂಡ ಸಮಾಲೋಚಿಸಿದೆವು. ನೈಜ-ಜಗತ್ತಿನ ಸಂಬಂಧಗಳ ಆಯಾಮಗಳನ್ನು ಪ್ರತಿಬಿಂಬಿಸಲು ಮತ್ತು ಪೋಷಕರು ಹಾಗೂ ಹದಿಹರೆಯದವರ ನಡುವೆ ಸಗಹಭಾಗಿತ್ವ ಮತ್ತು ವಿಶ್ವಾಸವನ್ನು ಬೆಳೆಸಲು ಕೆಲವು ಟೂಲ್‌ಗಳನ್ನು ರಚಿಸುವುದು ನಮ್ಮ ಗುರಿಯಾಗಿತ್ತು. ಈ ವಿವರಣಾತ್ಮಕ ವೀಡಿಯೊವನ್ನು ನೋಡುವ ಮೂಲಕ ಕೌಟುಂಬಿಕ ಕೇಂದ್ರವನ್ನು ಪ್ರಾರಂಭಿಸುವುದು ಹೇಗೆ ಎಂಬುದರ ಕುರಿತು ಇನ್ನಷ್ಟು ತಿಳಿಯಿರಿ:
ಈ ಮಳೆಗಾಲದಲ್ಲಿ, ಪೋಷಕರಿಗೆ ಹೊಸ ವಿಷಯ ನಿಯಂತ್ರಣಗಳು ಮತ್ತು ಹದಿಹರೆಯದವರು ತಮ್ಮ ಖಾತೆಯನ್ನು ಅಥವಾ ವಿಷಯವನ್ನು ನಮಗೆ ವರದಿ ಮಾಡಿದಾಗ ಅವರಿಗೆ ತಿಳಿಸುವ ಸಾಮರ್ಥ್ಯ ಸೇರಿದಂತೆ ಹೆಚ್ಚುವರಿ ವೈಶಿಷ್ಟ್ಯಗಳನ್ನು ಕೌಟುಂಬಿಕ ಕೇಂದ್ರಕ್ಕೆ ಸೇರಿಸಲು ನಾವು ಯೋಜಿಸಿದ್ದೇವೆ. ನಮ್ಮ ವಿಷಯ ಮತ್ತು ಮನರಂಜನೆ ವೇದಿಕೆಗಳೆರಡನ್ನೂ ನಾವು ನಿಕಟವಾಗಿ ಮಿತಗೊಳಿಸುತ್ತೇವೆ ಮತ್ತು ವ್ಯವಸ್ಥಿತಗೊಳಿಸುತ್ತೇವೆ ಹಾಗೂ ಪರಿಶೀಲಿಸದೆ ಇರುವ ವಿಷಯವನ್ನು Snapchat ನಲ್ಲಿ ಬೃಹತ್ ಪ್ರೇಕ್ಷಕರನ್ನು ತಲುಪಲು ಅವಕಾಶ ನೀಡುವುದಿಲ್ಲ, ತಮ್ಮ ಹದಿಹರೆಯದ ಮಕ್ಕಳಿಗೆ ಯಾವ ವಿಷಯ ಸೂಕ್ತವಾದುದು ಎನ್ನುವ ಕುರಿತು ಪ್ರತಿ ಕುಟುಂಬವೂ ಭಿನ್ನವಾದ ದೃಷ್ಟಿಕೋನಗಳನ್ನು ಹೊಂದಿರುತ್ತವೆ ಎನ್ನುವುದು ನಮಗೆ ತಿಳಿದಿದೆ ಮತ್ತು ಆ ವೈಯಕ್ತಿಕ ನಿರ್ಧಾರ ಕೈಗೊಳ್ಳುವ ಆಯ್ಕೆಯನ್ನು ಅವರಿಗೆ ನೀಡಲು ಬಯಸುತ್ತೇವೆ.
ಹದಿಹರೆಯದವರ ಸ್ವಾಯತ್ತತೆ ಮತ್ತು ಗೌಪ್ಯತೆಯನ್ನು ಈಗಲೂ ರಕ್ಷಿಸುವ ರೀತಿಯಲ್ಲಿ ಪೋಷಕರು ಮತ್ತು ಹದಿಹರೆಯದವರಿಗೆ ಸವಲತ್ತು ಕಲ್ಪಿಸುವುದು ನಮ್ಮ ಗುರಿಯಾಗಿದೆ. ಕಾಲಕ್ರಮೇಣ ಫ್ಯಾಮಿಲಿ ಸೆಂಟರ್ ಅನ್ನು ಸುಧಾರಿಸಲು ಕುಟುಂಬಗಳು ಮತ್ತು ಆನ್‌ಲೈನ್ ಸುರಕ್ಷತಾ ತಜ್ಞರೊಂದಿಗೆ ನಿಕಟವಾಗಿ ಕಾರ್ಯನಿರ್ವಹಿಸುವುದನ್ನು ಮುಂದುವರಿಸಲು ನಾವು ಎದುರು ನೋಡುತ್ತೇವೆ. ಕೌಟುಂಬಿಕ ಕೇಂದ್ರದ ಕುರಿತು ಮತ್ತು Snapchat ನಲ್ಲಿ ಹದಿಹರೆಯದವರನ್ನು ಸುರಕ್ಷಿತವಾಗಿ ಇರಿಸಲು ನಾವು ಹೇಗೆ ಕೆಲಸ ಮಾಡುತ್ತಿದ್ದೇವೆ ಎನ್ನುವ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು, ಈ Snapchat ಗೆ ಪೋಷಕರ ಮಾರ್ಗದರ್ಶಿಯನ್ನು ಪರಿಶೀಲಿಸಿ.
-- Snap ತಂಡ