3 ಏಪ್ರಿಲ್ ರಂದು Snapchat ಇ-ಗೌಪ್ಯತೆಯ ನ್ಯೂನಗೊಳಿಸುವಿಕೆಯ ಅವಧಿ ಮುಕ್ತಾಯದ ವಿಷಯದಲ್ಲಿ ತ್ವರಿತವಾದ, ಮಧ್ಯಂತರದ ಪರಿಹಾರಕ್ಕಾಗಿ ಕರೆ ನೀಡಲು ಗೂಗಲ್, ಮೆಟಾ ಮತ್ತು ಮೈಕ್ರೋಸಾಫ್ಟ್‌ ಜೊತೆಗೆ ಕೈಜೋಡಿಸಿತು.

ಇಂದು, ಮಕ್ಕಳ ಲೈಂಗಿಕ ದೌರ್ಜನ್ಯದ ಸಾಮಗ್ರಿಯನ್ನು (CSAM) ಪತ್ತೆಹಚ್ಚಲು ತಂತ್ರಜ್ಞಾನದ ಬಳಕೆಯನ್ನು ಶಕ್ತಗೊಳಿಸುವ ಇ-ಗೋಪ್ಯತೆಯ ನ್ಯೂನಗೊಳಿಸುವಿಕೆಯ ಅವಧಿ ಮುಗಿದಿದ್ದರಿಂದ, ಯುರೋಪ್ ಪ್ರಪಂಚದಾದ್ಯಂತದ ಮಕ್ಕಳನ್ನು ಅತ್ಯಂತ ಅಸಹ್ಯಕರ ಹಾನಿಯಿಂದ ಕಡಿಮೆ ಸಂರಕ್ಷಿತ ಸ್ಥಿತಿಗೆ ತಳ್ಳುವಂತಹ ಅಪಾಯವನ್ನು ಎದುರಿಸುತ್ತಿದೆ. ಈ ಕಳವಳವನ್ನು ಹಂಚಿಕೊಳ್ಳುವವರಲ್ಲಿ ಸುಮಾರು 250 ಮಕ್ಕಳ ಹಕ್ಕುಗಳ ಸಂಸ್ಥೆಗಳ ಒಂದು ಗುಂಪು ಮತ್ತು ಅನೇಕ ಇತರ ಸಂಸ್ಥೆಗಳು ಸೇರಿವೆ.

ವರ್ಷಗಳಿಂದ, ಅನೇಕ ತಂತ್ರಜ್ಞಾನ ಕಂಪನಿಗಳು CSAM ಪತ್ತೆಹಚ್ಚಲು, ತೆಗೆದುಹಾಕಲು ಮತ್ತು ವರದಿ ಮಾಡಲು ಸ್ವಯಂಪ್ರೇರಿತ ಕ್ರಮಗಳನ್ನು ಕೈಗೊಳ್ಳುತ್ತಿವೆ. ಇದಕ್ಕಾಗಿ ಸೂಕ್ತವೆನಿಸಿದ ಕಡೆಗಳಲ್ಲಿ 'ಹ್ಯಾಶ್-ಹೊಂದಾಣಿಕೆ' ತಂತ್ರಜ್ಞಾನವನ್ನು ಕೂಡ ಬಳಸಲಾಗುತ್ತಿದೆ -ಇದು ಸಂತ್ರಸ್ತರಿಗೆ ಮತ್ತು ಬದುಕುಳಿದವರಿಗೆ ಸಂಭವಿಸುತ್ತಿರುವ ನೈಜ ಹಾಗೂ ನಿರಂತರ ಹಾನಿಯನ್ನು ತಡೆಗಟ್ಟಲು ಮತ್ತು ಹತ್ತಿಕ್ಕಲು ವ್ಯಾಪಕವಾಗಿ ಬಳಸಲಾಗುವ ಸಾಧನವಾಗಿದೆ. ಇದು ಕೇವಲ ಕಾನೂನಿನ ವಿಷಯವಲ್ಲ, ಆದರೆ ಮಕ್ಕಳನ್ನು ರಕ್ಷಿಸುವ ವಿಷಯವಾಗಿದೆ.

ಮಕ್ಕಳ ಸುರಕ್ಷತೆಯ ಕುರಿತು ತಂತ್ರಜ್ಞಾನ ಸಂಸ್ಥೆಗಳು ಕ್ರಮ ಕೈಗೊಳ್ಳಬೇಕು ಎಂದು EU ಸಂಸ್ಥೆಗಳು ಸರಿಯಾಗಿ ನಿರೀಕ್ಷಿಸುತ್ತವೆಯಾದರೂ, 3 ಏಪ್ರಿಲ್‌ರಂದು ನ್ಯೂನಗೊಳಿಸುವಿಕೆಯ ಅವಧಿಯು ಅಂತ್ಯಗೊಳ್ಳುತ್ತಿರುವುದರಿಂದ ನಮ್ಮ ಸಮುದಾಯಗಳನ್ನು ರಕ್ಷಿಸಲು, ಸಂತ್ರಸ್ತ ಮಕ್ಕಳನ್ನು ಸುರಕ್ಷಿತವಾಗಿರಿಸಲು ಹಾಗೂ ನಮ್ಮ ಸೇವೆಗಳ ಸಮಗ್ರತೆಯನ್ನು ಕಾಪಾಡಲು ಜವಾಬ್ದಾರಿಯುತ ವೇದಿಕೆಗಳಿಗೆ ಸಹಾಯ ಮಾಡುತ್ತ ಬಂದಿರುವ ಕಾನೂನಾತ್ಮಕ ನಿಶ್ಚಿತತೆಯನ್ನು ಅತಂತ್ರಗೊಳಿಸುತ್ತಿದೆ. ಆನ್‌ಲೈನ್‌ನಲ್ಲಿ ಮಕ್ಕಳನ್ನು ರಕ್ಷಿಸಲು ಸ್ಥಾಪಿತ ಪ್ರಯತ್ನಗಳನ್ನು ನಿರ್ವಹಿಸುವುದಕ್ಕಾಗಿ ಒಪ್ಪಂದಕ್ಕೆ ತಲುಪಲು ಈ ಬೇಜವಾಬ್ದಾರಿತನದ ವೈಫಲ್ಯದಿಂದ ನಾವು ನಿರಾಶೆಗೊಂಡಿದ್ದೇವೆ.

EU ಸಂಸ್ಥೆಗಳು ತಕ್ಷಣದ, ಮಧ್ಯಂತರ ಪರಿಹಾರದ ಮತ್ತು ಸುಸ್ಥಿರ ಚೌಕಟ್ಟಿನ ಕುರಿತು ಮಾತುಕತೆಗಳನ್ನು ಮುಂದುವರಿಸುತ್ತಿರುವಂತೆಯೇ, ಈ ಒಪ್ಪಂದಕ್ಕೆ ಸಹಿ ಹಾಕಿರುವ ಸಂಸ್ಥೆಗಳು (ಗೂಗಲ್, ಮೆಟಾ, ಮೈಕ್ರೋಸಾಫ್ಟ್‌ ಮತ್ತು Snap) ಮಕ್ಕಳನ್ನು ರಕ್ಷಿಸಲು ಮತ್ತು ಗೌಪ್ಯತೆಯನ್ನು ಕಾಪಾಡಲು ತಮ್ಮ ನಿರಂತರ ಬದ್ಧತೆಯನ್ನು ಪುನರುಚ್ಚರಿಸುತ್ತಿವೆ, ಹಾಗೂ ತಮ್ಮ ಸಂಬಂಧಿತ ಅಂತರ್ವೈಯಕ್ತಿಕ ಸಂವಹನ ಸೇವೆಗಳ ಕುರಿತು ಸ್ವಯಂಪ್ರೇರಿತ ಕ್ರಮಗಳನ್ನು ಕೈಗೊಳ್ಳುವುದನ್ನು ಮುಂದುವರಿಸುಸುತ್ತಿವೆ.

ಈ ವಿಷಯದಲ್ಲಿ ಒಂದು ನಿಯಂತ್ರಕ ಚೌಕಟ್ಟನ್ನು ರಚಿಸುವ ಕುರಿತು ಮಾತುಕತೆಗಳನ್ನು ತುರ್ತಾಗಿ ಮುಕ್ತಾಯಗೊಳಿಸುವಂತೆ ನಾವು EU ಸಂಸ್ಥೆಗಳಿಗೆ ಕರೆ ನೀಡುತ್ತೇವೆ.

ಹ್ಯಾಶ್-ಹೊಂದಾಣಿಕೆ ಮತ್ತು CSAM-ಪತ್ತೆಹಚ್ಚುವ ಸಾಧನಗಳು ಹೇಗೆ ಕೆಲಸ ಮಾಡುತ್ತವೆ ಎಂಬ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು, ದಯವಿಟ್ಟು 10 ಏಪ್ರಿಲ್‌ರಂದು CET ಸಮಯದ ಮಧ್ಯಾಹ್ನ 3 ಗಂಟೆಗೆ ಈ ಮುಂಬರುವ ವೆಬ್‌ನಾರ್‌ಗೆ ಸೇರಿಕೊಳ್ಳಿ.