Privacy and Safety Hub

சட்ட அமலாக்கத்திற்கான தகவல்

சட்ட அமலாக்கம் மற்றும் Snap சமூகம்
Snap-இல் நாங்கள் எங்கள் தளத்தின் தவறானப் பயன்பாடுகளில் இருந்து Snapchat பயனர்களைப் பாதுகாக்கும் உறுதியை தீவிரமான கவனத்தில் கொள்கிறோம். அதன் ஒரு பகுதியாக, எங்கள் தளத்தின் பாதுகாப்பை முன்னிறுத்த சட்ட அமலாக்கம் மற்றும் அரசு முகமைகளுடன் சேர்ந்து வேலைசெய்கிறோம்.
எங்கள் பயனர்களின் தனியுரிமை மற்றும் உரிமைகளை மதிக்கும் அதே நேரத்தில் Snap சட்ட அமலாக்கத்திற்கு உதவ உறுதி பூண்டுள்ளது.. Snapchat கணக்குப் பதிவுகளுக்கான சட்டப்பூர்வக் கோரிக்கையைப் பெற்று அதன் செல்லுபடித்தன்மையை நிறுவிய பின், பொருந்தக்கூடிய சட்டம் மற்றும் தனியுரிமைத் தேவைகளுக்கு இணங்க நாங்கள் பதிலளிக்கிறோம்.
சட்ட அமலாக்கத்திற்கான பொதுத் தகவல்
Snap Inc நிறுவனத்திடமிருந்து Snapchat கணக்கு ஆவணங்களை (அதாவது, Snapchat பயனர் தரவுகள்) கோர விரும்பும் சட்ட அமலாக்க நிறுவனங்கள் மற்றும் அரசு அதிகாரிகளுக்காக இந்தச் செயல்பாட்டு வழிகாட்டுதல்கள் வழங்கப்படுகின்றன. சட்ட அமலாக்க கோரிக்கைகளுடன் தொடர்புடைய கூடுதல் தகவல்களை எங்கள் சட்ட அமலாக்க வழிகாட்டியில் காணலாம். அங்கு Snapchat கணக்குப் பதிவுகளின் சாத்தியமான இருப்பு மற்றும் அந்தத் தரவை வெளிப்படுத்துவதைக் கட்டாயப்படுத்தத் தேவையான சட்டச் செயல்முறையின் வகை பற்றிய விவரங்களை நீங்கள் காணலாம்.
அமெரிக்கச் சட்டச் செயல்முறை
ஒரு அமெரிக்க நிறுவனமாக, Snap எந்தவொரு Snapchat கணக்கு ஆவணங்களை வெளிப்படுத்துவதற்கும் அமெரிக்கச் சட்ட அமலாக்க மற்றும் அரசாங்க முகமைகள் அமெரிக்கச் சட்டத்தைப் பின்பற்ற வேண்டும்.
Snapchat கணக்கு ஆவணங்களை வெளியிடுவதற்கான எங்கள் திறன் பொதுவாகச் சேமிக்கப்பட்ட தகவல்தொடர்புகள் சட்டம், 18 U.S.C. § 2701, et seq -ஆல் நிர்வகிக்கப்படுகிறது. முறைமன்ற அழைப்பு ஆணைகள், நீதிமன்ற உத்தரவுகள், மற்றும் சோதனையிடுவதற்கான ஆணைகள் உட்படச் சட்டச் செயல்முறையின் குறிப்பிட்ட வகைகளுக்குப் பதில்வினையாற்றும் வகையில் மட்டும் சில Snapchat கணக்கு ஆவணங்களை நாங்கள் வெளிப்படுத்துவதை SCA கட்டாயமாக்குகிறது.
அமெரிக்காவுக்கு வெளியே சட்ட செயல்முறை
Snap-இடமிருந்து Snapchat கணக்கு ஆவணங்களைக் கோருவதற்கு, அமெரிக்காவைச் சேராத சட்ட அமலாக்க மற்றும் அரசாங்க முகமைகள் பொதுவாகப் பரஸ்பரச் சட்ட உதவி ஒப்பந்தம் அல்லது கடிதங்களில் தகவல்களைக் கோரும் செயல்முறைகளின் இயக்க முறையைச் சார்ந்திருக்க வேண்டும். அமெரிக்காவைச் சேராத சட்ட அமலாக்க அமைப்பை மதிக்கும் வகையில், MLAT அல்லது கடிதங்கள் மூலம் தகவல்களைக் கோரும் போது, சரியாகச் சமர்ப்பிக்கப்பட்ட பாதுகாப்பு கோரிக்கைகளை நாங்கள் மதிப்பாய்வு செய்து, அவற்றுக்குச் சரியாகப் பதிலளிப்போம்.
Snap, அதன் விருப்பப்படி, அமெரிக்காவிற்கு வெளியே உள்ள சட்ட அமலாக்க மற்றும் அரசு நிறுவனங்களுக்கு வரையறுக்கப்பட்ட Snapchat கணக்குப் பதிவுகளை வழங்கலாம், இது சட்டச் செயல்முறைக்கு பதிலளிக்கும் வகையில், கோரும் நாட்டில் முறையாக அங்கீகரிக்கப்பட்டு, அடிப்படை சந்தாதாரர் தகவல் மற்றும் IP தரவு போன்ற உள்ளடக்கம் அல்லாத தகவல்களை நாடுகிறது.
அவசரகால வெளிப்படுத்தல் கோரிக்கைகள்
18 U.S.C. §§ 2702(b)(8) மற்றும் 2702(c)(4)-உடன் இணங்க, உடனடி மரணம் அல்லது தீவிரமான உடல் காயம் ஏற்படும் அபாயத்தை ஏற்படுத்தும் அவசரநிலையில் அத்தகைய ஆவணங்கள் உடனடியாக வெளிப்படுத்த வேண்டும் என்று நாங்கள் நம்பும்போது Snapchat கணக்கு ஆவணங்களை நாங்கள் தானாக முன்வந்து வெளிப்படுத்த முடியும்.
அவசரகால வெளிப்படுத்தல் கோரிக்கைகளை Snap-இடம் எப்படிச் சமர்ப்பிப்பது என்பது தொடர்பாகச் சட்ட அமலாக்க அமைப்பிற்கான தகவல்களை எங்களின் சட்ட அமலாக்க வழிகாட்டியில்காணலாம். Snap-இடம் அவசரகால வெளிப்படுத்தல் கோரிக்கைகள் ஒரு உறுதி செய்யப்பட்ட சட்ட அமலாக்க அதிகாரியால் சமர்ப்பிக்கப்பட வேண்டும், மேலும் அது ஒரு அதிகாரப்பூர்வச் சட்ட அமலாக்க (அல்லது அரசு சார்ந்த) மின்னஞ்சல் டொமைனிலிருந்து வர வேண்டும்.
தரவு தக்கவைக்கப்படும் காலம்
Snapகள், அரட்டைகள் மற்றும் கதைகள் மற்றும் பிற பயனுள்ள தகவல்களுக்கான தரவு தக்கவைப்பு கொள்கைகள் பற்றிய தற்போதைய தகவலை எங்கள் ஆதரவுத் தளத்தில் பார்க்கலாம்.
 
பாதுகாப்பு கோரிக்கைகள்
18 U.S.C. § 2703(f) -க்கு இணங்க தகவல்களைப் பாதுகாக்க சட்ட அமலாக்கத்தின் முறையான கோரிக்கைகளை நாங்கள் மதிக்கிறோம். அத்தகைய கோரிக்கையைப் பெற்றவுடன், சரியாக அடையாளம் காணப்பட்ட Snapchat பயனருடன் தொடர்புடைய மற்றும் கோரிக்கையில் குறிப்பிடப்பட்டுள்ள தேதி வரம்பிற்குள் இருக்கும் Snapchat கணக்குப் பதிவுகளைப் பாதுகாக்க முயற்சிப்போம். இதுபோன்ற பாதுகாக்கப்பட்ட பதிவுகளை நாங்கள் 90 நாட்கள் வரை ஆஃப்லைன் கோப்பில் பராமரிப்போம், மேலும் முறையான நீட்டிப்பு கோரிக்கையுடன் மேலும் ஒரு 90 நாட்களுக்கு அந்த பாதுகாப்பை நீட்டிப்போம். ஒரு Snapchat கணக்கைத் துல்லியமாகக் கண்டறிவது பற்றி மேலும் தகவல்களுக்கு எங்களின் சட்ட அமலாக்க வழிகாட்டியில் பிரிவு IV-ஐப் பார்க்கவும்.
அமெரிக்காவுக்கு வெளியே சட்ட அமலாக்கத்திற்கு, MLAT அல்லது கடிதங்கள் மூலம் தகவல்களைக் கோரும் செயல்முறை மேற்கொள்ளப்படும் போது, Snap அதன் விருப்பப்படி, கிடைக்கக்கூடிய Snapchat கணக்குப் பதிவுகளை ஒரு வருடம் வரை பாதுகாக்கலாம். அதன் விருப்பப்படி, ஒரு முறையான நீட்டிப்புக் கோரிக்கையுடன் ஒரு கூடுதல் ஆறு மாத காலத்திற்கு Snap அத்தகைய பாதுகாப்பை நீட்டிக்கலாம்.
குழந்தைப் பாதுகாப்புக் அக்கறை கள்
எங்கள் தளத்தில் சாத்தியமான குழந்தை சுரண்டல் உள்ளடக்கம் பற்றி எங்களுக்குத் தெரிவிக்கப்படும் நிகழ்வுகளில், எங்கள் நம்பிக்கை மற்றும் பாதுகாப்புக் குழு குற்றங்களை மதிப்பாய்வு செய்து பொருந்தினால் அத்தகைய சூழல்களை காணாமல் போன மற்றும் சுரண்டப்பட்ட குழந்தைகளுக்கான தேசிய மையத்திற்கு (NCMEC). தெரிவிக்கிறது. NCMEC பின்னர் அந்த அறிக்கைகளை மதிப்பாய்வு செய்து உலகளாவிய சட்ட அமலாக்க முகமைகள் இரண்டுடனும் ஒருங்கிணைக்கும்.
பயனர் ஒப்புதல்
பயனர் ஒப்புதலின் அடிப்படையில் மட்டுமே Snap பயனர் தரவை வெளியிடாது. தங்கள் சொந்த தரவை பதிவிறக்க விருப்பும் பயனர்கள் எங்கள் ஆதரவுத் தளத்தில் கூடுதல் தகவல்களைப் பார்க்கலாம்.
பயனர் அறிவிப்புக் கொள்கை
எங்கள் பயனர்களின் ஆவணங்களை வெளிப்படுத்தும்படி கேட்கும் சட்டச் செயல்முறையை நாங்கள் பெறும்போது, அது குறித்து எங்களின் பயனர்களிடம் தெரிவிப்பது Snap-இன் கொள்கையாகும். இந்தக் கொள்கைக்கு இரண்டு சந்தர்ப்பங்களில் விலக்கு அளிக்கப்படும். முதலில், அறிவிப்பை வழங்குவது, 18 U.S.C. § 2705(b) கீழ் வழங்கப்பட்ட நீதிமன்ற உத்தரவால் அல்லது மற்ற சட்ட அதிகார அமைப்பால் தடை செய்யப்பட்டிருந்தால் சட்டச் செயல்முறை குறித்து நாங்கள் பயனர்களிடம் தெரிவிக்க மாட்டோம். இரண்டாவதாக, எங்களுடைய சொந்த விருப்பத்தின் பேரில், ஒரு விதிவிலக்கான சூழ்நிலை இருப்பதாக நாங்கள் நம்பினால் - குழந்தை சுரண்டல் சம்பந்தப்பட்ட வழக்குகள் அல்லது ஆபத்தான போதைப் பொருட்கள் விற்பனை, உடனடி மரணம் அல்லது தீவிரமான உடல் காயம் போன்ற அச்சுறுத்தல்கள் உள்ள வழக்குகள் - பயனர் அறிவிப்பு வழங்குவதைத் தவிர்ப்பதற்கான உரிமை எங்களுக்கு உண்டு.
சான்றுரை
அமெரிக்கச் சட்ட அமலாக்க அமைப்பிடம் வெளிப்படுத்தப்பட்ட ஆவணங்களுடன் நம்பகத்தன்மைக்கான கையொப்பமிடப்பட்ட சான்றிதழும் வழங்கப்படுகிறது, இது ஆவணங்களின் பாதுகாவலர் சான்றுரை அளிக்க வேண்டும் என்ற தேவையை இல்லாமல் செய்கிறது. சாட்சியத்தை வழங்க, பதிவுகளின் பாதுகாவலர் இன்னும் அவசியம் என்று நீங்கள் நம்பினால், கிரிமினல் வழக்குகளில் மாநிலம் இல்லாத ஒரு சாட்சியின் வருகையைப் பாதுகாக்க, ஒரே மாதிரியான சட்டத்தின்படி அனைத்து மாநில வரவாணைகளையும் நாங்கள் உள்வாங்க வேண்டும். Cal. தண்டனை விதி § 1334, et seq.
Snap ஆல் அமெரிக்காவிற்கு வெளியே நிபுணர் சாட்சியங்கள் அல்லது சாட்சியங்களை வழங்க முடியாது.
கோரிக்கைகளை எப்படிச் சமர்ப்பிப்பது
சட்ட அமலாக்க அதிகாரிகள் தங்கள் கோரிக்கைகளை Snap Inc-இற்குத் தெரிவிக்க வேண்டும். கோரப்படும் Snapchat கணக்கின் Snapchat பயனர்பெயரை அறிந்திருப்பதை உறுதிசெய்துகொள்ளுங்கள். உங்களால் பயனர்பெயரைக் கண்டறிய முடியவில்லை என்றால் ஒரு தொலைபேசி எண் அல்லது மின்னஞ்சல் முகவரி அல்லது ஹெக்சாடெசிமல் பயனர் ஐடி வைத்து நாங்கள் முயற்ச்சிக்கலாம். ஆனால் வெற்றி கிடைப்பதற்கு உத்திரவாதம் இல்லை. ஒரு Snapchat கணக்கைத் துல்லியமாகக் கண்டறிவது பற்றி மேலும் தகவல்களுக்கு எங்களின் சட்ட அமலாக்க வழிகாட்டியில் பிரிவு IV-ஐப் பார்க்கவும்.
Snap இன் சட்ட அமலாக்க சேவைத் தளத்தை (LESS) அணுகக்கூடிய சட்ட அமலாக்க மற்றும் அரசு முகமைகள், less.snapchat.com இல் உள்ள LESS போர்ட்டல் வழியாக Snap க்கு சட்ட செயல்முறை மற்றும் பாதுகாப்பு கோரிக்கைகளை சமர்ப்பிக்க வேண்டும். LESS-இல், சட்ட அமலாக்க மற்றும் அரசு நிறுவனங்களின் உறுப்பினர்கள் கோரிக்கைகளைச் சமர்ப்பிப்பதற்கும் சமர்ப்பிப்புகளின் நிலையைச் சரிபார்க்கவும் ஒரு கணக்கை உருவாக்கலாம்.
பாதுகாப்புக் கோரிக்கைகள், சட்டச் செயல்பாட்டின் சேவை மற்றும் சட்ட அமலாக்கப் பிரிவினரின் பொதுவான கேள்விகள், lawenforcement@snapchat.com இல் மின்னஞ்சல் மூலம் நாங்கள் ஏற்கிறோம்.
இந்த வழிமுறையில் சட்ட அமலாக்கக் கோரிக்கைகளைப் பெறுவது வசதிக்காக மட்டுமே, மேலும், Snap அல்லது அதன் பயனர்களின் ஏதேனும் ஆட்சேபணைகள் அல்லது சட்ட உரிமைகளைக் கைவிடாது.
அரசுசாரா நிறுவனங்களிடமிருந்து கோரிக்கைகள்
மேலே உள்ள முறைகள் சட்ட அமலாக்க அதிகாரிகளுக்கு மட்டுமே பொருத்தமானது என்பதை கவனத்தில் கொள்க.
சட்ட அமலாக்கத்துடன் தொடர்பில்லாத ஒரு நிறுவனத்தின் சார்பாக நீங்கள் Snapஐத் தொடர்புகொண்டு, குற்றவியல் பாதுகாப்புக் டிஸ்கவரி கோரிக்கையை வழங்க விரும்பினால், அத்தகைய சட்டச் செயல்முறை தனிப்பட்ட முறையில் Snap அல்லது எங்களால் நியமிக்கப்பட்ட மூன்றாம் நபர் முகவர் மூலம் வழங்கப்பட வேண்டும் என்பதை நினைவில் கொள்ளவும். (கலிபோர்னியாவிற்குள் வழங்கப்பட்டிருந்தால் மற்றும் டொமஸ்டிகேட் செய்யப்பட்டிருந்தால் தவிர) மாநிலத்திற்கு வெளியே குற்றவியல் பாதுகாப்பு கண்டுபிடிப்பு கோரிக்கைகள் சட்டத்தின்படி கலிஃபோர்னியாவில் டொமஸ்டிகேட் செய்யப்பட வேண்டும். நீங்கள் ஒரு சிவில் டிஸ்கவரி கோரிக்கையை வழங்க விரும்பினால், மின்னஞ்சல் மூலம் அத்தகைய சட்ட செயல்முறையின் சேவையை Snap ஏற்காது என்பதை நினைவில் கொள்ளவும்; சிவில் டிஸ்கவரி கோரிக்கைகள் தனிப்பட்ட முறையில் Snap அல்லது எங்களால் நியமிக்கப்பட்ட மூன்றாம் நபர் முகவர் மூலம் வழங்கப்பட வேண்டும். மாநிலத்திற்கு வெளியே உள்ள சிவில் டிஸ்கவரி கோரிக்கைகள் கலிபோர்னியாவில் மேலும் டொமஸ்ட்டிகேட் செய்யப்பட வேண்டும்.

சட்ட அமலாக்கம் மற்றும் Snap சமூகம்

பயனர்கள், பெற்றோர்கள் மற்றும் கல்வியாளர்களுக்கான வழிகாட்டி
Snap-இல் நாங்கள் எங்கள் தளத்தின் தவறானப் பயன்பாடுகளில் இருந்து Snapchat பயனர்களைப் பாதுகாக்கும் உறுதியை தீவிரமான கவனத்தில் கொள்கிறோம். அதன் ஒரு பகுதியாக, எங்கள் தளத்தின் பாதுகாப்பை முன்னிறுத்த சட்ட அமலாக்கம் மற்றும் அரசு முகமைகளுடன் சேர்ந்து வேலைசெய்கிறோம்.
பயனர்களின் தனியுரிமைக் கவலைகளைப் பற்றிய வழிகாட்டுதல்
எங்கள் பயனர்களின் தனியுரிமை மற்றும் உரிமைகளை மதிக்கும் அதே நேரத்தில் Snap சட்ட அமலாக்கத்திற்கு உதவ உறுதி பூண்டுள்ளது.. Snapchat கணக்குப் பதிவுகளுக்கான சட்டப்பூர்வக் கோரிக்கையைப் பெற்று அதன் செல்லுபடித்தன்மையை நிறுவிய பின், பொருந்தக்கூடிய சட்டம் மற்றும் தனியுரிமைத் தேவைகளுக்கு இணங்க நாங்கள் பதிலளிக்கிறோம்.
பாதுகாப்பை முன்னிறுத்துவது எப்படி
குறுகியகாலத் தன்மைக்கு நாங்கள் மதிப்பளிப்பது உண்மை என்றாலும், முறையான சட்டச் செயல்முறை மூலம் சட்ட அமலாக்கத்தால் சில கணக்குத் தகவல்களை மீட்டெடுக்க முடியும். சில நேரங்களில், சட்ட விரோத நடவடிக்கைகளைத் தடுப்பதற்காக சட்ட அமலாக்கத்திற்கு உதவுவதல் மற்றும் Snap இன் சேவை நிபந்தனைகளை மீறும் கணக்குகள் மீது நடவடிக்கை எடுத்தல் என்பது இதற்குப் பொருளாகும். பள்ளிகளில் துப்பாக்கி முனையில் அச்சுறுத்தல்கள், வெடிகுண்டு அச்சுறுத்தல்கள் மற்றும் காணாமல் போன நபர்கள் வழக்குகள் போன்ற உடனடி சூழ்நிலைகள் மற்றும் உயிருக்கு ஏற்படும் உடனடி அச்சுறுத்தல்களுக்கும் நாங்கள் உதவுகிறோம்.
Snap-இல் அவர்கள் எப்படி புகார் செய்யலாம் என்பதை உங்கள் சமூகத்துடன் பகிர்ந்து கொள்ளுங்கள்!
  • செயலியில் புகாரளித்தல்: பொருத்தமற்ற உள்ளடக்கத்தை செயலியிலேயே எளிதாக எங்களிடம் புகாரளிக்கலாம்! Snap ஐ அழுத்திப் பிடித்து, பின் 'Snap ஐ அறிக்கையிடு' பொத்தானைத் தட்டுங்கள். என்ன நடக்கிறது என்று எங்களிடம் தெரிவியுங்கள் — உதவுவதற்கு எங்களால் முடிந்த அனைத்தையும் செய்வோம்!
  • மின்னஞ்சல் அனுப்புங்கள்: எங்களின் உதவித் தளத்தின்மூலமாகவும் நீங்கள் எங்களுக்கு ஒரு அறிக்கையை மின்னஞ்சல் செய்யலாம்.
உதவி கோருதல்
நீங்களோ அல்லது உங்களுக்குத் தெரிந்த ஒருவரோ உடனடி ஆபத்தில் இருந்தால், தயவுசெய்து உங்கள் உள்ளூர் காவல்துறையை விரைந்து தொடர்பு கொள்ளுங்கள்.
வெளிப்படைத்தன்மை அறிக்கை
Snapchatவெளிப்படைத்தன்மை அறிக்கைகள் ஆண்டுக்கு இரு முறை வெளியிடப்படுகின்றன. இந்த அறிக்கைகள் Snapchat பயனர்களின் கணக்குத் தகவல்களுக்கான அரசுக் கோரிக்கைகள், பிற சட்ட அறிவிப்புகளின் அளவு, தன்மை பற்றிய முக்கியமான நுண்ணறிவை வழங்குகின்றன.