ஒப்பந்தம். உங்களின் தகவல்களை நாங்கள் பயன்படுத்துவதற்கான காரணங்களில் ஒன்று, நீங்கள் எங்களுடன் ஒரு ஒப்பந்தத்தில் நுழைந்துள்ளீர்கள் என்பதாகும். எடுத்துக்காட்டிற்கு, நீங்கள் ஆன் டிமாண்ட் Geofilter ஐ வாங்கி, எங்கள் சொந்த ஆக்கப்பூர்வக் கருவிகள் விதிமுறைகளை ஏற்றுக் கொள்ளும்போது, கட்டணம் வசூலிக்கவும், உங்கள் ஜியோஃபில்டரை நாங்கள் சரியான இடத்தில் சரியான நேரத்தில் சரியான நபர்களுக்குக் காண்பிப்பதை உறுதிப்படுத்தவும் உங்களின் சில தகவல்களை நாங்கள் பயன்படுத்த வேண்டியுள்ளது.

முறையான ஆர்வம்.  நாங்கள் உங்கள் தகவல்களைப் பயன்படுத்துவதற்கான மற்றொரு காரணம், அவ்வாறு செய்வதில் எங்களுக்கோ மூன்றாம் நபருக்கோ முறையான ஆர்வம் உள்ளது. உதாரணத்திற்கு, உங்களின் கணக்கைப் பாதுகாத்தல், உங்களின் Snaps-ஐ வழங்குதல், வாடிக்கையாளர் சேவையை வழங்குதல், மற்றும் நண்பர்களையும், உங்களுக்கு விருப்பமானது என நாங்கள் கருதும் உள்ளடக்கத்தையும் கண்டுபிடிக்க உங்களுக்கு உதவுதல் உள்ளிட்ட எங்களின் சேவைகளை வழங்குவதற்காகவும், மேம்படுத்துவதற்காகவும் உங்களின் தகவல்களை நாங்கள் பயன்படுத்தவேண்டியுள்ளது. எங்களின் பெரும்பாலான சேவைகள் இலவசமானது என்பதால், நீங்கள் சுவாரசியமானதாகக் கருதும் விளம்பரங்களை உங்களுக்குக் காண்பிக்க முயற்சிப்பதற்காக உங்களைக் குறித்த சில தகவல்களையும் நாங்கள் பயன்படுத்துவோம். முறையான ஆர்வத்தைப் பற்றி புரிந்து கொள்ள வேண்டிய ஒரு முக்கிய அம்சம் என்னவெனில், எங்கள் ஆர்வங்கள் உங்கள் தனியுரிமையை விட உயர்ந்தது இல்லை, எனவே உங்கள் தரவுகளை நாங்கள் பயன்படுத்தும் விதம் உங்கள் தனியுரிமையைக் கணிசமாகப் பாதிக்காது அல்லது உங்களால் எதிர்பார்க்கப்படும் என நாங்கள் நினைக்கும் போது, அல்லது அவ்வாறு செய்ய ஒரு கட்டாயக் காரணம் உள்ளது எனும்போது மட்டுமே நாங்கள் முறையான ஆர்வத்தைச் சார்ந்துள்ளோம். உங்கள் தகவல்களைப் பயன்படுத்துவதற்கான எங்கள் முறையான வணிகக் காரணங்களை இங்கு விரிவாக விளக்குகிறோம்.

ஒப்புதல். சில சந்தர்ப்பங்களில், குறிப்பிட்ட நோக்கங்களுக்காக உங்களின் தகவல்களைப் பயன்படுத்துவதற்காக நாங்கள் உங்களின் ஒப்புதலைக் கேட்போம். நாங்கள் அவ்வாறு செய்தால், எங்கள் சேவையில் அல்லது உங்களின் சாதனத்தின் அனுமதிகள் மூலமாக உங்களின் ஒப்புதலை உங்களால் திரும்பப்பெறமுடியும் என்பதை நாங்கள் உறுதி செய்வோம். உங்கள் தகவல்களைப் பயன்படுத்த நாங்கள் ஒப்புதலைச் சார்ந்திருக்காவிட்டாலும் கூட, தொடர்புகள் இருப்பிடம் போன்ற தரவுகளை அணுக நாங்கள் உங்கள் அனுமதியைக் கேட்கலாம்.

சட்டரீதியான கடமை.  செல்லுபடியாகும் சட்டச் செயல்முறைக்கு நாங்கள் பதிலளிக்கும் போது அல்லது எங்கள் பயனர்களைப் பாதுகாக்க நடவடிக்கை எடுக்க வேண்டியிருக்கும் போது, சட்டத்திற்கு இணங்குவதற்காக உங்கள் தனிப்பட்ட தகவல்களை நாங்கள் பயன்படுத்த வேண்டியிருக்கலாம். Snapchat பயனர்களின் கணக்குத் தகவல்களை நாடும் சட்டச் செயல்முறையை நாங்கள் பெறும்போது அதனை அவர்களுக்கு அறிவிப்பதே எங்களின் கொள்கையாகும், சில விதிவிலக்குகளுடன். மேலும் இங்கு அறிக.