கடந்த வாரம் My AI, AI-powered சாட்போட், எங்கள் Snapchat சமூகத்தில் வெளிவருகிறது என்று அறிவித்தோம். Snapchat பயனர்களின் தொடக்க கால உணர்வுகளை பார்க்க உற்சாகமாக இருந்தது, மற்றும் My AI ஐ மேம்படுத்துவதற்கு கருத்து தெரிவித்த அனைவருக்கும் எங்கள் மனமார்ந்த நன்றிகள். My AI எப்படி Snapchat பயனர்களின் இருப்பிட தகவல்களை பயன்படுத்தும் என்பதை நாங்கள் தெளிவுபடுத்த விரும்புகிறோம்.

Snapchat பயனர்களிடமிருந்து My AI புதிய இடங்கள் பற்றிய தகவல்களை சேகரிக்காது என்பதை அறிந்து கொள்வது அவசியம். எங்கள் ஆதரவு பக்கத்தில் குறிப்பிட்டுள்ளபடி, Snapchat இல் ஏற்கனவே அனுமதி வழங்கப்பட்டிருந்தால் மட்டுமே Snapchat பயனர்களின் இருப்பிட தகவலை சாட்பாட் அணுக முடியும் (இது அவர்களின் இருப்பிட தகவலை Snap வரைபடம்-இல் பகிரவும் அனுமதிக்கிறது). எங்கள் சமூகத்திற்கு மேலும் வெளிப்படைத்தன்மையை வழங்க, Snapchat பயனரின் இருப்பிட தகவல் எப்போது தெரிந்து கொள்ளப்படும் மற்றும் எப்போது அணுகப்படமாட்டாது என்பது போன்ற தகவலை தெளிவுப்படுத்தும் விதமாக எங்கள் குழு My AI ஐ புதுப்பித்துள்ளது.

Snapchat இல் இருப்பிட-பகிர்வு

தனியுரிமை என்பது எங்களுக்கு அடிப்படை மதிப்பு - நண்பர்கள் மற்றும் குடும்பத்துடன் காட்சி ரீதியாக தொடர்பு கொள்ள மக்களுக்கு உதவும் எங்களின் முக்கிய பயன்பாட்டு விஷயத்திற்கு இது அவசியமானது. செயலி முழுவதும், நாங்கள் சேகரிக்கும் தரவு அளவினை குறைத்து, எங்களின் ஒவ்வொரு தயாரிப்பும் எப்படி அவர்களின் தரவினை பயன்படுத்தும் என்பது குறித்து எங்கள் சமூகத்துடன் முடிந்தவரை வெளிப்படையாக இருக்க வேண்டும் என்பதை நாங்கள் விரும்புகிறோம்.

அனைத்து Snapchat பயனர்களுக்கும் துல்லியமான இருப்பிட பகிர்வு இயல்பாக அணைத்து வைக்கப்பட்டிருக்கும், மற்றும் Snapchat உங்களின் இருப்பிட தகவலை பகிர நீங்கள் ஒப்புதல் அளித்திருந்தால் மட்டுமே அணுகும். உங்கள் இருப்பிட தகவலை Snapchat உடன் பகிர்வதால் Snapchat புவியியல் ரீதியாக தொடர்புடைய லென்ஸஸ், தேடுதல் மற்றும் விளம்பரங்கள் போன்ற அம்சங்களை மேம்படுத்துவதற்கு பயன்படுத்தப்படலாம்.

Snap வரைபடம் ஏற்கனவே இருக்கும் தங்கள் நண்பர்களுடன் விருப்பப்படும் போது மட்டும் தங்கள் இருப்பிட தகவலை பகிரும் வகையில் தேர்ந்தெடுக்கக் கூடிய விருப்பத்தினை வழங்குகிறது, ஆனால் Snapchat இல் ஏற்கனவே பரஸ்பர நண்பர்களாக இல்லாத தொடர்புகளுக்கு பகிர முடியாது

My AI க்கு இது எவ்வாறு பொருந்தும்

Snapchat பயனர் முதன்முறையாக My AIஐப் பயன்படுத்தும் போது, ​​பதில்களைத் தனிப்பயனாக்க Snapchat உடன் அவர்கள் பகிரும் தகவலைப் பயன்படுத்தலாம் என்று விளக்கமளிக்கும் அறிவிப்பைப் பெறுவார்கள் நீங்கள் Snapchat மூலம் உங்கள் இருப்பிட தகவலை பகிர்ந்து கொண்டால் மட்டுமே உங்கள் கோரிக்கைகளுக்கு பதிலளிக்க My AI உங்களுக்கான தனிப்பட்ட இருப்பிடம் சார்ந்த பரிந்துரைகளை பகிரும்.

நீங்கள் Snapchat உடன் உங்கள் இருப்பிட தகவலை பகிர தேர்ந்தெடுத்திருந்தால், Snapchat அறிவாற்றலை பயன்படுத்தி நீங்கள் எங்கு இருக்கிறீர்கள் மற்றும் உங்களை சுற்றியுள்ள இடங்களை அறிந்து அந்த இடத்திற்கேற்ற பரிந்துரைகளை நீங்கள் கேட்கும் போது வழங்கும் திறனை My AI கொண்டுள்ளது. உதாரணமாக — Snapchat உடன் உங்கள் இருப்பிட தகவலை நீங்கள் பகிர்ந்து விட்டு My AI ஐ "எனக்கு அருகில் உள்ள நல்ல இத்தாலிய உணவகங்கள் என்ன?" என்று கேட்டால், அது Snap வரைபடம் மூலம் அருகிலுள்ள பரிந்துரைகளை வழங்கிடும்.

Snapchat பயனர்கள் Snapchat உடன் இருப்பிட தகவலை பகிர்வதை நிறுத்தினால், இது எனது AI இல் நடைமுறைக்கு வர சிறிது நேரம் ஆகலாம். My AI பற்றி Snapchat பயனர்கள் தொடர்ந்து தங்கள் கருத்துகளை தெரிவிக்க வேண்டுகிறோம் மற்றும் துல்லியத்தன்மை இல்லாத பதில்கள் இருப்பினை அதனை எங்கள் குழுவிடம் புகாரளிக்கவும் வேண்டுகிறோம் — இதன் மூலம் My AI ஐ மிகவும் துல்லியமான, வேடிக்கையான மற்றும் பயன்மிக்க ஒன்றாக மாற்ற நாங்கள் பணியாற்ற முடியும்.