പരസ്യങ്ങളുമായി ബന്ധപ്പെട്ട് നിങ്ങളുടെ ഡാറ്റ ഞങ്ങൾ ശേഖരിക്കുകയും ഉപയോഗിക്കുകയും പങ്കിടുകയും ചെയ്യുന്നത് എങ്ങനെയാണ് എന്നത് സംബന്ധിച്ച് സുതാര്യത ലഭ്യമാക്കുക എന്നതാണ് ഈ പേജിന്റെ ഉദ്ദേശ്യം. പരസ്യത്തിനായി നിങ്ങളുടെ ഡാറ്റ എങ്ങനെ ഉപയോഗിക്കുന്നു എന്നത് നിയന്ത്രിക്കാനായി നിങ്ങൾക്ക് ഉപയോഗിക്കാനാകുന്ന Snapchat ക്രമീകരണങ്ങളും ഞങ്ങൾ പരിരക്ഷിക്കുന്നു. ഞങ്ങളുടെ സ്വകാര്യതാ കേന്ദ്രത്തിൽ നിങ്ങളുടെ ഡാറ്റയുമായി ബന്ധപ്പെട്ട ഞങ്ങളുടെ സ്വകാര്യതാ സമ്പ്രദായങ്ങളെ കുറിച്ചുള്ള കൂടുതൽ വിവരങ്ങൾ നിങ്ങൾക്ക് കണ്ടെത്താൻ കഴിയും.

മിക്ക ഓൺലൈൻ വിവര സേവനങ്ങളെയും പോലെ, Snapchat-നെ പ്രാഥമികമായി പിന്തുണയ്ക്കുന്നത് പരസ്യമാണ്. പരസ്യങ്ങളിൽ കൂടുതൽ താൽപ്പര്യം ഉണ്ടാകാൻ സാധ്യതയുള്ള ആളുകൾക്ക് ആ പരസ്യങ്ങൾ കാണിക്കാനായി പരസ്യദാതാക്കൾ കൂടുതൽ പണം ചെലവഴിക്കുന്നു. ഞങ്ങൾ വ്യക്തിഗതമാക്കിയ പരസ്യങ്ങൾ കാണിക്കാത്ത പക്ഷം, നിരക്ക് ഈടാക്കാതെ, Snapchat-നെ രസകരവും സുരക്ഷിതവും നൂതനവുമായ ഓൺലൈൻ ഇടമായി നിലനിർത്താൻ ഞങ്ങൾക്ക് കഴിയില്ല.

വ്യക്തിഗതമാക്കിയ പരസ്യങ്ങൾ പരസ്യദാതാക്കൾക്ക്, പ്രത്യേകിച്ച് ചെറുകിട, ഇടത്തരം ബിസിനസുകൾക്ക്, അവരുടെ ഉൽപ്പന്നങ്ങളോട് ശരിക്കും താൽപ്പര്യമുള്ള ആളുകളിലേക്ക് എത്തിച്ചേരുവാൻ സാധ്യമാക്കുന്നു, അതുവഴി പരസ്യച്ചെലവ് കുറയ്ക്കുകയുെ ചെയ്യുന്നു. വ്യക്തിഗതമാക്കിയ പരസ്യങ്ങൾ കൂടുതൽ ഉപയോഗിക്കാൻ സാധ്യതയുള്ളവരിലേയ്ക്ക് ബജറ്റ് കേന്ദ്രീകരിക്കുന്നതിലൂടെ ചെറുകിട ബിസിനസുകാർക്ക് തങ്ങളുടെ വിഭവങ്ങളെ കൂടുതലായി മത്സരവിപണിയിലേയ്ക്ക് ഫലപ്രദമായി ഉപയോഗിക്കാൻ പ്രാപ്തമാക്കുന്നു.

മിക്ക ആളുകളും കൂടുതൽ പ്രസക്തവും രസകരവും താൽപര്യജനകവുമായ പരസ്യങ്ങളാണ് ഇഷ്ടപ്പെടുന്നത് - അപ്രസക്തമായ പരസ്യങ്ങൾ അവരെ അലോസരപ്പെടുത്തുന്നു. നിങ്ങൾ അടുത്ത മികച്ച ഷെഫ് ആകാനുള്ള വഴിയിലാണെങ്കിൽ, കുക്ക്‌വെയറിനെയും പാചകക്കുറിപ്പുകളെയും കുറിച്ചുള്ള പരസ്യങ്ങൾ Snapchat-ൽ നിങ്ങളുടെ സമയം മെച്ചപ്പെടുത്തിയേക്കാം; ട്രാംപോളിനുകളെ കുറിച്ചുള്ള പരസ്യങ്ങൾ, ഒരുപക്ഷേ അത്രയധികം ആകണമെന്നില്ല (നിങ്ങൾക്ക് ചാടാനും ഇഷ്ടമുണ്ടെങ്കിൽ ഒഴികെ!).

Snap-ലുള്ള നിങ്ങളുടെ വിശ്വാസം ഞങ്ങൾക്ക് വളരെ പ്രധാനപ്പെട്ടതാണ്. Snapchat-ലെ നിങ്ങളുടെ അനുഭവത്തിന്റെ മറ്റേതൊരു ഭാഗത്തെയും പോലെ പരസ്യത്തിനും ഇത് സത്യമാണ്. വ്യക്തിഗത പരസ്യം ശരിയായി സന്തുലിതമാണെങ്കിൽ എല്ലാവർക്കും ഒരുപോലെ വിജയമാകുമെന്ന് ഞങ്ങൾ വിശ്വസിക്കുന്നു. ഇത് കൈവരിക്കുന്നതിന്:

• Snapchat-ൽ പരസ്യങ്ങൾ എങ്ങനെ പ്രവർത്തിക്കുന്നു, നിങ്ങൾക്ക് പരസ്യങ്ങൾ കാണിക്കുന്നതിന് ഞങ്ങൾ എന്തൊക്കെ വിവരങ്ങളാണ് ശേഖരിക്കുകയും ഉപയോഗിക്കുകയും ചെയ്യുന്നത്, നിങ്ങൾ ഏത് പരസ്യങ്ങൾ കാണുന്നു എന്നത് നിയന്ത്രിക്കുന്നതിന് ഞങ്ങൾ നൽകുന്ന ക്രമീകരണങ്ങൾ എന്നിവ ഞങ്ങൾ താഴെ വിശദീകരിക്കുന്നു.

• ഡിസൈൻ പ്രക്രിയകളാൽ തന്നെ ഞങ്ങൾക്ക് കർശനമായ സ്വകാര്യതയും സുരക്ഷയും ഉണ്ട്. Snapchat-ലെ വ്യക്തിഗതമാക്കിയ പരസ്യം ചെയ്യലിനോടുള്ള ഞങ്ങളുടെ സമീപനം സന്തുലിതമായി നിലനിൽക്കുന്നുവെന്ന് ഇവ ഉറപ്പാക്കുന്നു.

• നിങ്ങളെക്കുറിച്ചുള്ള എല്ലാം ഞങ്ങൾ പരസ്യദാതാക്കളുമായി പങ്കിടുന്നില്ല. ഏത് തരം ഉപയോക്താവാണ് അവരുടെ പരസ്യങ്ങൾ കാണേണ്ടതെന്ന് വ്യക്തമാക്കാനും അവരുടെ പരസ്യങ്ങൾ വിജയകരമാണോ എന്ന് അളക്കാനും മാത്രമാണ് ഞങ്ങൾ പരസ്യദാതാക്കളെ അനുവദിക്കുന്നത്.

• ഞങ്ങളുടെ പരസ്യദാതാക്കളെ ഞങ്ങൾ ചില മാനദണ്ഡങ്ങൾക്കും വിധേയമാക്കുന്നു. അവരുടെ ഉൽപ്പന്നങ്ങൾ, സേവനങ്ങൾ, ഉള്ളടക്കം എന്നിവയെക്കുറിച്ച് അവർ സത്യസന്ധരായിരിക്കണമെന്നും ഞങ്ങളുടെ വൈവിധ്യമാർന്ന കമ്മ്യൂണിറ്റിയോട് ദയ കാണിക്കണമെന്നും നിങ്ങളുടെ സ്വകാര്യതയിൽ വിട്ടുവീഴ്ച ചെയ്യരുതെന്നും ഞങ്ങൾ പ്രതീക്ഷിക്കുന്നു.

ഒരു പരസ്യം തെറ്റിദ്ധരിപ്പിക്കുന്നതോ അല്ലെങ്കിൽ ഞങ്ങളുടെ കമ്മ്യൂണിറ്റി മാർഗ്ഗനിർദ്ദേശങ്ങൾ പാലിക്കുന്നതിൽ പരാജയപ്പെടുന്നതോ ഉൾപ്പെടെ, ഞങ്ങളുടെ പരസ്യം ചെയ്യൽ നയങ്ങളുടെ, ആവശ്യങ്ങൾ നിറവേറ്റാത്ത പരസ്യങ്ങൾ ഞങ്ങൾ നിരസിച്ചേക്കാം. നിങ്ങൾ തെറ്റിദ്ധരിപ്പിക്കുന്ന പരസ്യം കണ്ടെത്തുകയാണെങ്കിൽ, പരസ്യത്തിലെ കൂടുതൽ അറിയുക എന്ന ഐക്കൺ ഉപയോഗിച്ച് നിങ്ങൾക്ക് അത് ആപ്പിനുള്ളിൽ റിപ്പോർട്ട് ചെയ്യാൻ കഴിയും.

ഞങ്ങളുടെ പരസ്യങ്ങള്‍ പ്രസക്തമായിരിക്കുന്നതിന് വേണ്ടി, നിങ്ങളെ കുറിച്ച് ഞങ്ങള്‍ മനസ്സിലാക്കിയ വിവരങ്ങളും ഞങ്ങളുടെ പരസ്യദാതാക്കളും പങ്കാളികളും ഞങ്ങൾക്ക് നൽകുന്ന വിവരങ്ങളും ഉപയോഗിച്ചുകൊണ്ട് ശരിയായ പരസ്യങ്ങള്‍ നിങ്ങളെ ശരിയായ സമയത്ത് ഞങ്ങൾ കാണിക്കാന്‍ ശ്രമിക്കുന്നു. ഇതിനർത്ഥം, നിങ്ങൾ കാണുന്ന പരസ്യങ്ങൾ പലപ്പോഴും നിങ്ങളുടെ താൽപ്പര്യങ്ങൾ എന്ന് ഞങ്ങൾ കരുതുന്നവ, ഞങ്ങളുടെ പ്ലാറ്റ്‌ഫോമിലെ നിങ്ങളുടെ പ്രവർത്തനം, നിങ്ങളെ കുറിച്ച് ഞങ്ങളുടെ പങ്കാളികളും പരസ്യദാതാക്കളും ഞങ്ങൾക്ക് നൽകുന്ന വിവരങ്ങൾ എന്നിവയെ അടിസ്ഥാനമാക്കിയുള്ളതാണ് എന്നാണ്.

ഞങ്ങൾ ശേഖരിക്കുന്നതോ സ്വീകരിക്കുന്നതോ ആയ ഓരോ തരത്തിലുള്ള വിവരങ്ങളും ഞങ്ങളുടെ പരസ്യ സംവിധാനത്തിൽ സ്വാധീനം ചെലുത്തുന്നു, ചില വിവരങ്ങൾക്ക് മറ്റുള്ളവയേക്കാൾ കൂടുതൽ പ്രാധാന്യം നൽകുന്നു. ഓരോ പരസ്യത്തിനും പരസ്യദാതാവ് നിർമ്മിച്ച സ്വന്തം ടാർഗെറ്റിംഗ്, ഓപ്റ്റിമൈസേഷൻ എന്നീ ക്രമീകരണങ്ങൾ ഉള്ളതിനാൽ, അവയുടെ ഫലമായി സ്വാധീനം (ചുവടെ വിവരിച്ചിരിക്കുന്നത് പോലെ) വ്യത്യാസപ്പെടാം എന്നത് ശ്രദ്ധിക്കുക.

അവ എങ്ങനെ ഉപയോഗിക്കുന്നു എന്നതിൻെറ ഉദാഹരണങ്ങളും ഞങ്ങളുടെ പരസ്യ സിസ്റ്റങ്ങളിലെ അവയുടെ പൊതുവായ ആപേക്ഷിക സ്വാധീനവും ഉൾപ്പെടെ ഞങ്ങൾ ശേഖരിക്കുന്ന പ്രധാന ഇനം വിവരങ്ങൾ ഇവയാണ്:

നിങ്ങളില്‍ നിന്നും ഞങ്ങള്‍ക്ക് നേരിട്ട് ലഭിക്കുന്ന വിവരങ്ങള്‍

• അക്കൗണ്ട് രജിസ്ട്രേഷൻ വിവരങ്ങൾ. നിങ്ങൾ Snapchat-ൽ സൈൻ അപ്പ് ചെയ്യുമ്പോൾ, നിങ്ങളെ കുറിച്ചുള്ള ചില വിവരങ്ങൾ ഞങ്ങൾ ശേഖരിക്കും.

  • പ്രായം. (ഉയർന്ന സ്വാധീനം) നിങ്ങൾ ഞങ്ങൾക്ക് നൽകുന്ന നിങ്ങളുടെ പ്രായം നിർണ്ണയിക്കാൻ ഞങ്ങൾ ഉപയോഗിക്കുന്ന നിങ്ങളുടെ ജന്മദിനം (നിങ്ങളുടെ ക്രമീകരണങ്ങളെ ആശ്രയിച്ച്, ഇത് മറ്റ് രസകരമായ അനുഭവങ്ങളിലേക്കും നയിക്കുന്നു, നിങ്ങളുടെ സുഹൃത്തുക്കളെ നിങ്ങൾക്ക് ജന്മദിനാശംസകൾ നേരാൻ അനുവദിക്കുന്നത് പോലെ!). ചുവടെ വിവരിച്ചിരിക്കുന്നത് പോലെ, മറ്റ് കാര്യങ്ങളോടൊപ്പം, ഞങ്ങള്‍ നിങ്ങളുടെ പ്രായം കൂടെ മനസിലാക്കാന്‍ ശ്രമിക്കുന്നു, ഇത് ശരിയായതും അനുയോജ്യവുമായ പ്രേക്ഷകരിലേക്ക് പരസ്യങ്ങൾ എത്താനുള്ള സാധ്യത വർദ്ധിപ്പിക്കുന്നതിനുള്ള ഒരു അധിക മാർഗമായി വർത്തിക്കുന്നു.

  • രാജ്യം/ഭാഷ. (ഉയർന്ന സ്വാധീനം) നിങ്ങൾക്ക് പ്രാദേശികവൽക്കരിച്ച ഉള്ളടക്കവും സേവനങ്ങളും നൽകാൻ Snapchat-നെ അനുവദിക്കുക, നിങ്ങളുടെ പ്രദേശത്തിനും ഭാഷയ്ക്കും പ്രസക്തമായ പരസ്യങ്ങൾ നൽകുക, പ്രാദേശിക നിയമങ്ങളും ചട്ടങ്ങളും പാലിക്കുന്നുണ്ടെന്ന് ഞങ്ങൾ കാണിക്കുന്ന പരസ്യങ്ങൾ ഉറപ്പാക്കുക എന്നിവ ഉൾപ്പെടെ നിരവധി കാരണങ്ങളാൽ നിങ്ങളുടെ താമസിക്കുന്ന രാജ്യവും നിങ്ങൾ ഇഷ്ടപ്പെടുന്ന ഭാഷയും ഞങ്ങൾ ശേഖരിക്കുന്നു. ഈ ആവശ്യങ്ങള്‍ക്കായി ഞങ്ങള്‍ നിങ്ങളുടെ ലൊക്കേഷനും (ചുവടെ വിവരിച്ചിരിക്കുന്നതുപോലെ) ഉപയോഗിച്ചേക്കാം.

കാണുന്ന പരസ്യങ്ങളിൽ നിങ്ങൾക്ക് അർത്ഥവത്തായ നിയന്ത്രണം ഉണ്ടായിരിക്കണമെന്ന് ഞങ്ങൾ വിശ്വസിക്കുന്നു. നിങ്ങൾ കാണുന്ന പരസ്യങ്ങൾ മാറ്റുന്നതിന്, ഇവിടെ വിവരിച്ചിരിക്കുന്ന ക്രമീകരണങ്ങൾ ഉപയോഗിക്കുക:

• പ്രവർത്തനാധിഷ്ഠിത പരസ്യങ്ങൾ ഒഴിവാക്കുക. ഞങ്ങളുടെ പരസ്യദാതാക്കളുടെയും പങ്കാളികളുടെയും വെബ്സൈറ്റുകളിലും പ്ലാറ്റ്‌ഫോമുകളിലും നിങ്ങളുടെ പ്രവർത്തനത്തെ അടിസ്ഥാനമാക്കി Snap കാണിക്കുന്ന പരസ്യങ്ങൾ കാണിക്കാൻ നിങ്ങൾ ആഗ്രഹിക്കുന്നില്ലെങ്കിൽ, നിങ്ങൾക്ക് അത് ഒഴിവാക്കാവുന്നതാണ്.

• പ്രേക്ഷകരെ അടിസ്ഥാനമാക്കിയ പരസ്യങ്ങൾ ഒഴിവാക്കുക. പരസ്യദാതാക്കളിലും മറ്റ് പങ്കാളികളിലും നിന്ന് ഞങ്ങൾക്ക് ലഭിക്കുന്ന പ്രേക്ഷക ലിസ്റ്റുകളെ അടിസ്ഥാനമാക്കിയുള്ള പരസ്യങ്ങൾ ഉപയോഗിച്ച് Snap നിങ്ങളെ ടാർഗെറ്റ് ചെയ്യാൻ നിങ്ങൾ ആഗ്രഹിക്കുന്നില്ലെങ്കിൽ, ഈ ഒഴിവാക്കൽ ഉപയോഗിക്കുക.

• മൂന്നാം കക്ഷി പരസ്യ നെറ്റ്‌വർക്കുകളിൽ നിന്ന് ഒഴിവാക്കുക. മൂന്നാം കക്ഷി പരസ്യ നെറ്റ്‌വർക്കുകൾ നിങ്ങൾക്ക് പരസ്യങ്ങൾ നൽകാൻ നിങ്ങൾ ആഗ്രഹിക്കുന്നില്ലെങ്കിൽ ഈ ഒഴിവാക്കൽ ഉപയോഗിക്കുക.

• ട്രാക്കിംഗ് ഒഴിവാക്കുക (iOS ഉപയോക്താക്കൾക്ക് മാത്രം). iOS 14.5 അല്ലെങ്കിൽ അതിനു ശേഷമുള്ള പതിപ്പുകളിൽ പ്രവർത്തിക്കുന്ന നിങ്ങളുടെ ഉപകരണത്തിൽ Snapchat നിങ്ങളെ ട്രാക്ക് ചെയ്യുന്നത് തടയാൻ സ്വകാര്യതാ നിയന്ത്രണങ്ങൾ സജ്ജീകരിച്ചിട്ടുണ്ടെങ്കിൽ, ശേഖരിച്ച മൂന്നാം കക്ഷി ആപ്പുകളിലും വെബ്‌സൈറ്റുകളിലുമുള്ള നിങ്ങളുടെ ആക്റ്റിവിറ്റി ഞങ്ങൾ ലിങ്ക് ചെയ്യുന്നതല്ല. ഇത് നിങ്ങളെ ലക്ഷ്യമാക്കിയുള്ള പരസ്യത്തിനോ പരസ്യ അളവെടുപ്പിനോ വേണ്ടി Snapchat-ൽ നിന്നുള്ള ഉപയോക്തൃ അല്ലെങ്കിൽ ഉപകരണ ഡാറ്റ ഉപയോഗിച്ച് ആ ഉപകരണം ഉപയോഗിക്കുമ്പോൾ മാത്രമാണ്. എന്നിരുന്നാലും, നിങ്ങളുടെ ഉപകരണത്തിലോ അല്ലെങ്കിൽ നിങ്ങളെയോ നിങ്ങളുടെ പ്രവർത്തനത്തെയോ തിരിച്ചറിയാനുള്ള സാധ്യത ഗണ്യമായി കുറയ്ക്കുന്ന സാങ്കേതിക സ്വകാര്യതാ നിയന്ത്രണങ്ങൾ ഉപയോഗിക്കുമ്പോഴോ പരസ്യ ആവശ്യങ്ങൾക്കായി ഞങ്ങൾ ഈ വിവരങ്ങൾ ലിങ്ക് ചെയ്‌തേക്കാം.

• നിങ്ങൾ കാണുന്ന പരസ്യ വിഷയങ്ങൾ മാറ്റുക. രാഷ്ട്രീയം, മദ്യം അല്ലെങ്കിൽ ചൂതാട്ടം എന്നിവയുടെ പരസ്യങ്ങൾ പോലുള്ള സെൻസിറ്റീവ് വിഷയങ്ങളെക്കുറിച്ചുള്ള ചില തരം പരസ്യങ്ങൾ കാണാൻ നിങ്ങൾ ആഗ്രഹിക്കുന്നുണ്ടോ എന്ന് തീരുമാനിക്കാൻ ഈ ക്രമീകരണം നിങ്ങളെ അനുവദിക്കുന്നു. ഈ ക്രമീകരണം എങ്ങനെ സജ്ജമാണെന്ന് ഗണ്യമാക്കാതെ ഒരു നിശ്ചിത പ്രായത്തിന് താഴെയുള്ള ഉപയോക്താക്കൾക്ക് ഈ പരസ്യങ്ങൾ ഡിഫോൾട്ടായി ഓഫാക്കുന്നു.

• ജീവിതശൈലി വിഭാഗങ്ങളിൽ മാറ്റങ്ങൾ വരുത്തുക. Snapchat-ലെ നിങ്ങളുടെ താൽപ്പര്യങ്ങളെയും പ്രവർത്തനത്തെയും അടിസ്ഥാനമാക്കി Snap നിങ്ങളെക്കുറിച്ച് നടത്തിയിട്ടുള്ള ജീവിതശൈലി വിഭാഗ അനുമാനങ്ങൾ മാറ്റാൻ ഈ ക്രമീകരണം നിങ്ങളെ അനുവദിക്കുന്നു. ചില തരം പരസ്യങ്ങൾക്കും അനുബന്ധ വിഭാഗങ്ങൾക്കും പ്രായത്തോട് ബന്ധപ്പെട്ട നിയന്ത്രണങ്ങളെയും ഈ ക്രമീകരണത്തെ മറികടക്കും.

മുകളിൽ പറഞ്ഞ നിയന്ത്രണങ്ങൾക്ക് പുറമേ, നിങ്ങൾ യൂറോപ്യൻ യൂണിയൻ, യുകെ, നോർവേ, സ്വിറ്റ്സർലൻഡ് എന്നിവിടങ്ങളിൽ ആണെങ്കിൽ, മുകളിൽ പറഞ്ഞിരിക്കുന്നതുപോലെ പരസ്യങ്ങൾ ഉൾപ്പെടെയുള്ള വ്യക്തിഗതമാക്കിയ ഉള്ളടക്കത്തിൽ നിന്ന് ഒഴിവായി നിൽക്കാനും നിങ്ങൾക്ക് കഴിയുന്നതാണ്. താഴെ കൊടുത്തിട്ടുള്ള വിഭാഗം. ക്രമീകരണങ്ങൾക്കായുള്ള പേജിലെ "വ്യക്തിഗതമാക്കൽ നിയന്ത്രണങ്ങൾ" എന്ന വിഭാഗത്തിൽ കയറി നിങ്ങൾക്ക് ഇത് ചെയ്യാൻ കഴിയും.

വ്യക്തിഗതമാക്കിയ പരസ്യംചെയ്യൽ ഞങ്ങളുടെ സേവനത്തിൻെറ ഒരു പ്രധാന ഘടകമാണ്. കൂടാതെ നിങ്ങൾക്ക് രസകരവും സുരക്ഷിതവും നൂതനവുമായ Snapchat സൗജന്യമായി നൽകുന്നത് ഞങ്ങൾക്ക് അത്യന്താപേക്ഷിതമായ കാര്യമാണ്. ഈ സാഹചര്യത്തിൽ എന്തുകൊണ്ടാണ് ഇങ്ങനെ സംഭവിക്കുന്നത് എന്നതിനെക്കുറിച്ച് നിങ്ങൾക്ക് കൂടുതൽ വായിക്കാൻ കഴിയുന്നതാണ്. വിഭാഗം. 

നിങ്ങൾ യൂറോപ്യൻ യൂണിയൻ, യുകെ, നോർവേ അല്ലെങ്കിൽ സ്വിറ്റ്‌സർ‌ലാൻ‌റിലാണെങ്കിൽ, ചില നിയമങ്ങൾ ഞങ്ങളുടെ സേവനത്തെ പരിമിതപ്പെടുത്തുകയും വ്യക്തിഗതമാക്കിയ പരസ്യങ്ങൾ കാണിക്കണോ എന്ന് ഞങ്ങൾ പുനഃനിർണയിക്കുകയും ചെയ്യുന്നു. ഇനിപ്പറയുന്ന സാഹചര്യങ്ങളിൽ ഞങ്ങൾ നിങ്ങൾക്കായി 'സാന്ദർഭിക പരസ്യങ്ങൾ' പ്രദർശിപ്പിക്കേണ്ടതുണ്ട്:

1. നിങ്ങൾക്ക് ഒരു കൗമാരക്കാരൻെറ അക്കൗണ്ട് (13-17) ഉണ്ടെങ്കിൽ; അല്ലെങ്കിൽ

2. ക്രമീകരണങ്ങളുടെ പേജിലെ "വ്യക്തിഗതമാക്കൽ നിയന്ത്രണങ്ങൾ" നിങ്ങൾ ഓഫാക്കിയിട്ടുണ്ടെങ്കിൽ തുടങ്ങിയവയാൽ.

സാന്ദർഭികമായ പരസ്യം ചെയ്യൽ എന്നാൽ നിങ്ങൾ കാണുന്ന പരസ്യം താഴെപ്പറയുന്നവയിൽ അടിസ്ഥാനമാക്കി ഉള്ളവയായിരിക്കും എന്നാണ്:

• പരസ്യത്തിന് ചുറ്റും പ്രദർശിപ്പിക്കുന്ന പൊതു ഉള്ളടക്കം എന്താണോ അത് (ഉദാ. സ്പോർട്സുമായി ബന്ധപ്പെട്ട പരസ്യം കാണിക്കുന്നതിനുള്ള ഒരു സ്പോർട്സ് വീഡിയോ)

• പരസ്യം കാണിക്കുന്ന സമയം (ഉദാഹരണത്തിന്: രാവിലെ, ഉച്ചയ്ക്ക്, വൈകുന്നേരം)

• നിങ്ങളുടെ പ്രായം

• നിങ്ങളുടെ ഉപകരണത്തിൽ സജ്ജമാക്കിയ ഭാഷ

• സ്ഥലം (സിറ്റി ലെവൽ) 

• ഉപകരണങ്ങളെ കുറിച്ചുള്ള വിവരങ്ങൾ

പരസ്യദാതാക്കളുടെ പരസ്യങ്ങളിൽ ഏതാണ് നിങ്ങൾ കാണുകയും ക്ലിക്ക് ചെയ്യുകയും ചെയ്തതെന്ന് ഞങ്ങൾ അവരോട് സ്ഥിരീകരിക്കുന്നു. ചിലപ്പോൾ ഇത് മൂന്നാം കക്ഷി അളവെടുക്കൽ പങ്കാളികളിലൂടെ സംഭവിക്കുന്നു. നിങ്ങൾ Snap പരസ്യം കണ്ടതോ അതിൽ ക്ലിക്ക് ചെയ്തതോ പരസ്യദാതാവിന്റെ ഉൽപ്പന്നങ്ങളും സേവനങ്ങളും വാങ്ങുന്നതിനോ ഉപയോഗിക്കുന്നതിനോ നിങ്ങളെ പ്രേരിപ്പിച്ചോ എന്ന് അവർക്ക് തുടർന്ന് പരിശോധിക്കാൻ കഴിയും (ഉദാഹരണത്തിന്, ഒരു പുതിയ വാച്ച് വാങ്ങുന്നത്, ഒരു വീഡിയോ സ്ട്രീമിംഗ് പ്ലാറ്റ്‌ഫോമിലേക്ക് സബ്‌സ്‌ക്രൈബ് ചെയ്യുന്നത് അല്ലെങ്കിൽ ഒരു ആപ്ലിക്കേഷൻ ഡൗൺലോഡ് ചെയ്യുന്നത്). പരസ്യദാതാക്കളുടെ പരസ്യ കാമ്പെയ്‌നുകളുടെ ഫലപ്രാപ്തി അളക്കുന്നതിന്, ഈ പരസ്യ ഡാറ്റ അവർ ഉപയോഗിക്കുന്നതിനെ പരിമിതപ്പെടുത്തുന്ന തരത്തിലുള്ള രേഖാമൂലമുള്ള കരാറുകൾ പരസ്യദാതാക്കളുമായി (അളവെടുക്കൽ പങ്കാളികളുമായും) ഞങ്ങൾ ഉണ്ടാക്കിയിട്ടുണ്ട്. ഒരു പേര്, ഫോൺ നമ്പർ അല്ലെങ്കിൽ ഇമെയിൽ വിലാസം പോലെ, നിങ്ങളെ നേരിട്ട് തിരിച്ചറിയിക്കുന്ന വിവരങ്ങൾ ഞങ്ങൾ പരസ്യദാതാക്കൾക്ക് പങ്കിടുന്നില്ല.

My AI-യിൽ പ്രദർശിപ്പിക്കുന്ന പരസ്യങ്ങൾ Snapchat-ലെ മറ്റ് പരസ്യങ്ങളിൽ നിന്ന് അൽപ്പം വ്യത്യസ്തമായി പ്രവർത്തിക്കുന്നു: നിങ്ങളുടെ My AI സംഭാഷണത്തിന്റെ സന്ദർഭം അനുസരിച്ചാണ് അവ നിർണ്ണയിക്കുന്നത്, ഉദാഹരണത്തിന്, നിങ്ങൾ ഉൽപ്പന്നങ്ങൾക്കോ സേവനങ്ങൾക്കോ ഉള്ള ശുപാർശകൾ തിരയുന്നുണ്ടോ എന്നത്. Snapchat-ലെ മറ്റ് പരസ്യങ്ങളിൽ നിന്നുള്ള മറ്റൊരു വ്യത്യാസം: My AI പരസ്യങ്ങൾ സന്ദർഭോചിതമായ പരസ്യങ്ങളാണ്, അവയെ Snap-ന് പകരം Snap-ൻെറ പരസ്യ പങ്കാളികളാണ് നൽകുന്നത്. നിങ്ങൾക്ക് ഉചിതവും പ്രസക്തവുമായ പരസ്യങ്ങൾ നൽകാൻ സഹായിക്കുന്നതിന് നിങ്ങളുടെ ചോദ്യങ്ങളും (വാണിജ്യപരമായ ഉദ്ദേശ്യമുണ്ടെന്ന് ഞങ്ങൾ നിർണ്ണയിക്കുന്നുവെങ്കിൽ) നിങ്ങളുടെ പ്രായപരിധി (അതായത്, നിങ്ങൾ 18 വയസ്സിന് താഴെയാണോ അല്ലയോ), രാജ്യം/ഭാഷ, ഓപ്പറേറ്റിംഗ് സിസ്റ്റം തരം (അതായത്, iOS/ആൻഡ്രോയിഡ്), IP വിലാസം എന്നിവ ഉൾപ്പെടെയുള്ള അധിക സന്ദർഭവും ഞങ്ങളുടെ പരസ്യ പങ്കാളികൾക്ക് ലഭിക്കും. ഉദാഹരണത്തിന്, My AI-യോട് "ആരാണ് മികച്ച ഇലക്ട്രിക് ഗിറ്റാർ നിർമ്മിക്കുന്നത്?" എന്ന് നിങ്ങൾ ചോദിച്ചാൽ നിങ്ങൾ ഒരു ഗിറ്റാർ നിർമ്മാതാവിന്റെ ഒരു "സ്പോൺസർ ചെയ്ത" പരസ്യ വിഭാഗം കണ്ടേക്കാം. ഇതെല്ലാം പരിചിതമാണെന്ന് തോന്നാം, കാരണം My AI പരസ്യങ്ങൾ മറ്റ് പ്ലാറ്റ്‌ഫോമുകളിലെ തിരയൽ പരസ്യങ്ങൾ പോലെയാണ് കൂടുതലും പ്രവർത്തിക്കുന്നത്.

നിങ്ങളുടെ ചാറ്റ് ഫീഡിൽ പരസ്യങ്ങൾ പ്രത്യക്ഷപ്പെട്ടേക്കാം. ഈ "സ്‌പോൺസർ ചെയ്‌ത Snap-കൾ" ഒരു പരസ്യമായി ലേബൽ ചെയ്യപ്പെകയും കൂടാതെ അവ Snapchat-ൽ പരസ്യം ചെയ്യുന്നതിനുള്ള മറ്റൊരു ഫോർമാറ്റുമാണ്. നിങ്ങളുടെ ചാറ്റ് ഫീഡിൽ സ്പോൺസർ ചെയ്‌ത Snap-കൾ പ്രദർശിപ്പിച്ചിട്ടുണ്ടെങ്കിലും അവ നിങ്ങളുടെ സുഹൃത്തുക്കളോടൊത്തുള്ള നിങ്ങളുടെ സ്വകാര്യ ആശയവിനിമയത്തെ ആശ്രയിക്കുന്നില്ല — നിങ്ങളുടെ അനുഭവം വ്യക്തിഗതമാക്കുന്നതിനും നിങ്ങൾക്കു വേണ്ട ശുപാർശകൾ നൽകുന്നതിനും പരസ്യങ്ങൾ കാണിക്കുന്നതിനും നിങ്ങൾ സുഹൃത്തുക്കൾക്ക് അയയ്‌ക്കുന്ന സ്വകാര്യ ആശയവിനിമയങ്ങളുടെ ഉള്ളടക്കങ്ങൾ ഞങ്ങൾ ഉപയോഗിക്കുന്നില്ല. ഈ പേജിൽ വിവരിച്ചിരിക്കുന്നതുപോലെ, Snapchat-ലെ വ്യക്തിഗതമാക്കിയ മറ്റ് പരസ്യങ്ങളുടെ അതേ യുക്തി തന്നെയാണ് സ്പോൺസേർഡ് Snap-കളുടെ ടാർഗെറ്റിംഗിലൂടെയും പിന്തുടരുന്നത്.  നിങ്ങൾ യൂറോപ്യൻ യൂണിയനിലോ, നോർവേയിലോ, സ്വിറ്റ്‌സർലൻഡിലോ, ഇസ്രായേലിലോ ആണെങ്കിൽ, മറ്റ് ചാറ്റുകളുമൊത്തുള്ള നിങ്ങളുടെ ചാറ്റ് ഫീഡിലോ അല്ലെങ്കിൽ നിങ്ങളുടെ ചാറ്റ് ഫീഡിന് പുറത്തോ ബാനർ സ്റ്റൈൽ ഫോർമാറ്റിൽ ഈ സ്പോൺസേർഡ് സ്നാപ്പുകൾ എങ്ങനെ ദൃശ്യമാകണമെന്നത് നിങ്ങൾക്ക് തിരഞ്ഞെടുക്കാവുന്നതാണ്.  നിങ്ങൾ 18 വയസ്സിന് താഴെയാണെങ്കിൽ, ഈ രാജ്യങ്ങളിൽ സ്പോൺസർ ചെയ്ത Snap-കൾ നിങ്ങളുടെ ചാറ്റ് ഫീഡിന് പുറത്ത് മാത്രമേ ദൃശ്യമാകുകയുള്ളൂ.