Snap Inc. કૅમેરા કંપની છે. અમારા ઉત્પાદનો અને સેવાઓ - Snapchat, Bitmoji, Spectacles, જાહેરાત, વાણિજ્ય સહિત અન્ય જેને આ પ્રાઇવસી પોલિસી સાથે લિંક કરો છો - તમારા જાતને વ્યક્ત કરવા, ક્ષણમાં જીવવા, દુનિયા વિશે શીખવા, અને સાથે મળીને આનંદ કરવા માઅમારા ઉત્પાદનો અને સેવાઓ - Snapchat, Bitmoji, Spectacles, જાહેરાત સહિત અને અન્ય પ્રાઇવસી પોલિસી સાથે લિંક કરો છો - તમારા જાતને વ્યક્ત કરવા, ક્ષણમાં જીવવા, દુનિયા વિશે શીખવા, અને સાથે મળીને આનંદ કરવા માટેનો આનંદદાયક અને ઝડપી રસ્તો પ્રદાન કરે છે!

જ્યારે તમે આ સેવાઓનો ઉપયોગ કરો છો, ત્યારે તમે અમારી સાથે કેટલીક માહિતી શેર કરી શકશો. આથી અમે જે માહિતી એકત્ર કરીએ છીએ, તેનો કેવી રીતે ઉપયોગ કરીએ છીએ, તેને અમે કોની સાથે શેર કરીએ છીએ, અને ઍક્સેસ કરવા, અપડેટ કરવા, અને તમારી માહિતી ડિલીટ કરવા માટે અમે તમને જે નિયંત્રણો આપીએ છીએ, તેના વિશે અમે અપફ્રન્ટ બનવા માંગીએ છીએ.

આ કારણે જ અમે આ પ્રાઇવસી પોલિસી લખી છે. અને તેથી જ અમે તે રીતે લખવાનો પ્રયાસ કર્યો છે, જે અમારા વપરાશકર્તાઓ માટે સમજવામાં સરળ છે અને આનંદપૂર્વક કાયદેસરતાથી મુક્ત કે જે ઘણીવાર આ દસ્તાવેજોને ક્લાઉડ્ઝમાં મૂકે છે. તેમ છતાં જો તમને અમારી પ્રાઇવસી પોલિસી અંગે કોઈ પ્રશ્ન હોય તો સીધો ચોક્કસપણે અમારો સંપર્ક કરો.

તમારે અમારી સંપૂર્ણ પ્રાઇવસી પોલિસી વાંચવી જોઈએ, પરંતુ જ્યારે તમારી પાસે માત્ર થોડી મિનિટો હોય અથવા પછીથી કંઈક યાદ રાખવા માંગતા હોવ, તો તમે હંમેશા આ વિહંગાવલોકન અને વીડિયો પર એક નજર કરી શકો છો. અમે તમને પ્રાઇવસી સેન્ટર વિશે પણ તપાસવા માટે પ્રોત્સાહિત કરીએ છીએ. અમારી પ્રાઇવસી પ્રેક્ટિસ તમને સરળ રીતે સમજાય તે માટે અમે તેને ડિઝાઇન કરેલ છે. ઉદાહરણ તરીકે, અમારું ઉત્પાદન મુજબ પ્રાઇવસી પૃષ્ઠ એ અમારા ઉત્પાદનો માટે પ્રાઇવસી સુવિધાઓનું બ્રેકડાઉન પૂરું પાડે કરે છે.

અમે એકત્રિત કરેલી માહિતીની ત્રણ મૂળભૂત શ્રેણીઓ છે:

• માહિતી જે તમે પ્રદાન કરશો.

• માહિતી જે તમે અમારી સેવાઓનો ઉપયોગ કરો છો ત્યારે અમને મળે છે.

• માહિતી જે અમે ત્રીજા પક્ષ પાસેથી મેળવીએ છીએ.

આ પૈકીની દરેક શ્રેણી વિશે અહીં થોડી વધારે વિગતો.

જ્યારે તમે અમારી સેવાઓ સાથે ક્રિયાપ્રતિક્રિયા કરો છો, ત્યારે અમે તમારી દ્વારા અમને પૂરી પાડવામાં આવેલ માહિતીને એકત્ર કરીએ છીએ. ઉદાહરણ તરીકે, અમારી ઘણી સેવાઓ માટે તમારે એકાઉન્ટ સ્થાપિત કરવાની જરૂર છે, જેથી અમને તમારા વિશે અમુક મહત્વપૂર્ણ માહિતી એકત્ર કરવાની જરૂર પડી શકે છે, જેમ કે તમારું નામ, વાપરનારનું નામ, પાસવર્ડ, ઇમેઇલ એડ્રેસ, ફોન નંબર અને જન્મ તારીખ. અમે તમને અમૂક વધારા ની માહિતીઓ પૂરી પાડવા માટે પણ કહી શકીએ છીએ જે અમારી સેવાઓ પર સાર્વજનિક રૂપથી દૃશ્ય હશે, જેમ કે એક પ્રોફાઇલ ફોટો અથવા Bitmoji અવતાર. કેટલીક સેવાઓ જેમ કે વાણિજ્ય ઉત્પાદનો, જેવા હોય, તો તમને અમને ડેબિટ અથવા ક્રેડિટ કાર્ડ નંબર અને તેની સાથે સંકળાયેલ એકાઉન્ટ સંબંધિત માહિતી પૂરી પાડવાની જરૂર પડી શકે છે.

અવશ્ય, તમે અમારી સેવાઓના માધ્યમથી મોકલેલી બધી માહિતીઓ, જેમ કે Snaps અને ચૅટ્સ વગેરે પણ અમને પૂરી પાડશો. યાદ રાખો કે વપરાશકર્તાઓ કે જે તમારા Snaps, ચેટ્સ અને અન્ય કોઈ સામગ્રી જોવે છે તે હંમેશા તે સામગ્રીને સાચવી શકે છે, અથવા ઍૅપની બહાર તેને કૉપી કરી શકે છે. તેથી, ઇન્ટરનેટ પર લાગુ પડે છે તે સામાન્ય અર્થમાં અમારી સેવાઓ પર પણ લાગુ પડે છે: સંદેશાઓ મોકલશો નહીં અથવા તમે નથી ઇચ્છતા કે કોઈ સાચવે અથવા શેર કરે તેવી સામગ્રી શેર કરશો નહીં.

જ્યારે તમે ગ્રાહક સહાયતાનો સંપર્ક કરો છો અથવા અમારી સાથે અન્ય કોઈ પણ પ્રકારે સંવાદ કરો છો, ત્યારે તમે સ્વૈચ્છાએ આપો તેવી કોઈ પણ માહિતી અથવા તમારા પ્રશ્નના નિરાકરણ માટે અમને ઉપયોગમાં લાગતી કોઈ પણ જરૂરી માહિતી અમે એકત્ર કરીશું.

જ્યારે તમે અમારી સેવાઓનો ઉપયોગ કરો છો ત્યારે કઈ સેવાઓનો ઉપયોગ કરો છો અને કેવી રીતે કરો છો તેની માહિતી અમે એકત્ર કરીએ છીએ. દાખલા તરીકે, અમને જાણ હોઈ શકે છે કે તમે એક ચોક્કસ સ્ટોરી જોઈ, અમુક ચોક્કસ સમયગાળા માટે એક ચોક્કસ જાહેરાત જોઈ અને કેટલાક Snaps મોકલ્યા. જ્યારે તમે અમારી સેવાઓનો ઉપયોગ કરો છો ત્યારે અમે જે માહિતી એકત્ર કરીએ છીએ તેનો સંપૂર્ણ ખુલાસો અહીં આપવામાં આવ્યો છે:

• વપરાશ માહિતી. અમે અમારી સેવાઓ મારફતે તમારી પ્રવૃત્તિ વિશે માહિતી એકઠી કરીએ છીએ. ઉદાહરણ તરીકે, અમે આ મુજબ માહિતી એકત્ર કરી શકીએ છીએ:

  • તમે અમારી સેવાઓ સાથે કેવી રીતે ક્રિયાપ્રતિક્રિયા કરો છો, જેમ કે તમે કયા ફિલ્ટર્સ અથવા લેન્સ જુઓ છો અથવા Snaps પર લાગુ કરો છો, ડિસ્કવર પર તમે કઈ સ્ટોરી જુઓ છો, તમે સ્પેક્ટેકલ્સનો ઉપયોગ કરી રહ્યાં છો કે નહીં અથવા તમે કઈ શોધ ક્વેરી સબમિટ કરો છો.

  • તમે અન્ય Snapchat ના ઉપયોગકર્તાઓ સાથે કેવી રીતે સંવાદ કરો છો, જેમ કે તેમનાં નામો, તમારા સંવાદોના સમય અને તારીખ, તમે તમારા મિત્રો સાથે આદાનપ્રદાન કરેલા સંદેશાઓની સંખ્યા, તમે સૌથી વધારે કયા મિત્રો સાથે સંદેશાઓની આપલે કરો છો અને સંદેશાઓ સાથેના તમારા આદાનપ્રદાન (જેમ કે ક્યારે તમે સંદેશો ખોલો છો અથવા સ્ક્રીનશોટ લો છો).

• સામગ્રી માહિતી. અમારી સેવાઓ પર તમે બનાવેલી સામગ્રી એકઠી કરીએ છીએ, જેમ કે કસ્ટમ સ્ટિકર્સ, અને તમે જે સામગ્રી બનાવો છો અથવા પૂરી પાડો છો તેની માહિતી, જેમ કે પ્રાપ્તકર્તાએ સામગ્રી અને મેટાડેટાને જોયા છે કે જે સામગ્રી સાથે પૂરો પાડવામાં આવે છે.

• ડિવાઇસ માહિતી તમે જે ડિવાઇસ ઉપયોગ કરો છો અથવા જેમાંથી અમારી સેવા ઉપયોગમાં લો છો તેમાંથી માહિતી ભેગી કરીએ છીએ. ઉદાહરણ તરીકે, અમે એકત્ર કરીએ છીએઃ

• તમારા હાર્ડવેર અને સોફ્ટવેર વિશેની માહિતી, જેમ કે હાર્ડવેર મોડલ, ઑપરેટિંગ સિસ્ટમ વર્ઝન, ડિવાઇસ મૅમરી, જાહેરાત ઓળખકર્તા, અનન્ય એપ્લિકેશન ઓળખકર્તા, ઇન્સ્ટૉલ કરેલી ઍપ્સ, અનન્ય ડિવાઇસ ઓળખકર્તા, ડિવાઇસ વપરાશ ડેટા, બ્રાઉઝરનો પ્રકાર, ઇન્સ્ટૉલ કરેલા કિ-બૉર્ડ ભાષા, બેટરીનું સ્તર, અને ટાઇમ ઝોન;

• ડિવાઇસ સેન્સરમાંથી માહિતી ભેગી કરીએ છીએ, જેમ કે ઍક્સેલરોમીટર, ગાયરોસ્કૉપ, કમ્પાસ, માઇક્રોફોનમાંથી મળતી માહિતી અને તમે હેડફોન જોડેલા છે કે નહીં; અને

• તમારાં વાયરલેસ અને મોબાઇલ નેટવર્ક જોડાણો વિશેની માહિતી, જેમ કે મોબાઇલ ફોન નંબર, સર્વિસ પ્રોવાઇડર, IP ઍડ્રેસ, અને સિગ્નલની મજબૂતાઈ.

• ડિવાઇસ ફોનબુક. અમારી સેવાઓ બધા મિત્રો સાથે વાતચીત વિશે ચર્ચા કરી રહી છે, તેથી અમે - તમારી પરવાનગી સાથે — તમારા ઉપકરણની ફોનબુકમાંથી માહિતી એકત્ર કરી શકીએ છીએ.

• કૅમેેરા, ફોટો, અને ઓડિયો. અમારી ઘણી સેવાઓ માટે અમને તમારા ડિવાઇસના કૅમેરા અને ફોટોમાંથી તસવીરો અને અન્ય માહિતી એકઠી કરવાની જરૂર પડે છે. ઉદાહરણ તરીકે, અમે તમારા કૅમેેરા અથવા ફોટોને એક્સેસ ન કરી શકીએ ત્યાં સુધી તમે Snaps મોકલી શકશો નહીં અથવા તમારા કૅમેેરા રોલમાંથી ફોટા અપલોડ કરી શકશો નહીં.

• લોકેશન માહિતી. તમે અમારી સેવાનો ઉપયોગ કરો છો ત્યારે અમે તમારી લોકેશન અંગે માહિતી એકત્ર કરી શકીએ છે. તમારી પરવાનગી સાથે, અમે GPS, વાયરલેસ નેટવર્ક, સેલ ટાવર્સ, Wi-Fi ઍક્સેસ પોઇન્ટ્સ અને અન્ય સેન્સર્સ જેવા કે ગાયરોસ્કોપ, ઍક્સેલેરોમીટર અને કમ્પાસીસનો ઉપયોગ કરીને તમારી ચોક્કસ લોકેશન વિશે માહિતી એકઠી કરી શકીએ છીએ.

• કૂકીઝ અને અન્ય ટેકનૉલૉજી દ્વારા એકત્રિત માહિતી. મોટા ભાગની ઓનલાઇન સેવાઓ અને મોબાઇલ એપ્લિકેશન્સની જેમ, અમે તમારી પ્રવૃત્તિ, બ્રાઉઝર અને ડિવાઇસ વિશે માહિતી એકઠી કરવા માટે વેબ બીકન્સ, વેબ સ્ટોરેજ અને અનન્ય જાહેરાત ઓળખકર્તા જેવી કૂકીઝ અને અન્ય ટેકનોલોજીનો ઉપયોગ કરી શકીએ છીએ. જ્યારે તમે અમારા ભાગીદાર મારફતે આપવામાં આવતી સેવાઓનો ઉપયોગ કરો છો ત્યારે પણ અમે માહિતી એકઠી કરવા માટે આ ટેકનોલોજીનો ઉપયોગ કરી શકીએ છીએ, જેમ કે જાહેરાત અને વાણિજ્ય સુવિધાઓ. ઉદાહરણ તરીકે, અમે તમને વધુ સંલગ્ન જાહેરાતો બતાવવા માટે બીજી વેબસાઇટ્સ પર એકઠી કરવામાં આવેલી માહિતોનો ઉપયોગ કરી શકીએ છીએ. મોટા ભાગના વેબ બ્રાઉઝરને આપોઆપ કૂકીઝ સ્વીકારવા માટે સેટ કરવામાં આવ્યા હોય છે. જો તમે ઇચ્છો તો, તમે સામાન્ય રીતે તમારા બ્રાઉઝર અથવા ડિવાઇસના સેટિંગ્સ મારફતે બ્રાઉઝર કૂકીઝને કાઢી શકો છો અથવા નકારી શકો છો. જોકે, એ ધ્યાનમાં રાખો કે કૂકીઝને દૂર કરવાથી અથવા નકારવાથી અમારી સેવાઓની ઉપલબ્ધતા અને કાર્યક્ષમતા પર અસર પડી શકે છે. અમે અને આમારા સહયોગીઓ અમારી સેવાઓ અને તમારી પસંદગીઓ પર કૂકીઝનો કેવી રીતે ઉપયોગ કરીએ છીએ તે વિશે વધુ જાણવા માટે, કૃપા કરીને અમારી કૂકી પોલિસી જુઓ.

• લોગ માહિતી. તમે જ્યારે અમારી વેબસાઇટનો ઉપયોગ કરો છો ત્યારે અમે લૉગ માહિતી પણ એકત્ર કરીએ છીએ, જેવી કે:

• તમે અમારી સેવાઓનો કેવી રીતે ઉપયોગ કર્યો છે તે વિશેની વિગતો;

• ડિવાઇસની માહિતી, જેમ કે તમારા વેબ બ્રાઉઝરનો પ્રકાર અને ભાષા;

• ઍક્સેસના સમય;

• જોયેલા પેજીસ;

• IP ઍડ્રેસ;

• કૂકીઝ અથવા અન્ય ટેકનૉલૉજી સાથે સંબંધિત ઓળખકર્તા કે જે તમારા ડિવાઇસ અથવા બ્રાઉઝરની વિશિષ્ટ રીતે ઓળખ કરી શકે છે; અને

• અમારી વેબસાઇટ પર આવતાં પહેલાં અને તે પછી તમે જોયેલાં પેજીસ.

અમે અન્ય વપરાશકર્તાઓ, અમારા સહયોગીઓ, અને તૃતીય પક્ષો તરફથી તમારા વિશે માહિતી એકઠી કરી શકીએ છીએ. અહીં થોડા ઉદાહરણ છે:

• જો તમે અન્ય સેવા સાથે તમારા Snapchat અકાઉન્ટને લિંક કરો (જેમ કે Bitmoji અથવા સ્નેપચેટ સિવાયની ઍપ) તો અમે અન્ય સેવાઓ પાસેથી માહિતી મેળવી શકીએ છીએ, જેમ કે તમે તે સેવાનો કેવી રીતે ઉપયોગ કરો છો.

• જાહેરાતકર્તાઓ, એપ્લિકેશન વિકાસકર્તાઓ, પ્રકાશકો અને અન્ય તૃતીય પક્ષો પણ અમારી સાથે માહિતી શેર કરી શકે છે. જાહેરાતોની કામગીરી લક્ષ્યાંકિત કરવા અથવા માપવામાં મદદ કરવા અમે આ માહિતીનો ઉપયોગ અન્ય રીતે કરી શકીએ છીએ. અમારા સહાયતા કેન્દ્ર માં આ પ્રકારના તૃતીય-પક્ષ ડેટાના ઉપયોગ વિશે તમે વધુ શીખી શકો છો.

• જો અન્ય વપરાશકર્તા તેમની સંપર્ક યાદી અપલોડ કરે છે તો અમે તમારા વિશે એકત્રિત કરેલી અન્ય માહિતી સાથે તે વપરાશકર્તાની સંપર્ક યાદીમાંથી મળેલી માહિતીને જોડી શકીએ છીએ.

અમે જે માહિતી સંગ્રહ કરીએ છીએ તેનું શું કરીએ છીએ? વિગતવાર જવાબ માટે, અહીં જાવ. ટૂંકો જવાબ છે: તમને એક અદ્ભુત ઉત્પાદન અને સેવાઓ પૂરી પાડી રહ્યા છીએ, જેમાં અમે સતત સુધારો કરીએ છીએ. અહીં એ ઉપાયો છે જે અમે કરીએ છીએ:

• અમારી પ્રોડક્ટ્સ અને સેવાઓને વિકસાવવી, સંચાલન કરવું, સુધારવી, આપવી, જાળવવી અને સુરક્ષિત કરવી.

• જ્યાં પરવાનગી હશે ત્યાં ઈમેલ અથવા SMS દ્વારા તમને સંદેશાવ્યવહાર મોકલશે. ઉદાહરણ તરીકે, અમે સપોર્ટ પૂછપરછનો પ્રતિસાદ આપવા અથવા અમારા ઉત્પાદનો, સેવાઓ અને પ્રમોશનલ ઑફર્સ વિશેની માહિતી, જેમાં અમને લાગે છે કે તમને રુચિ છે, શેર કરવા માટે ઇમેઇલ અથવા SMS નો ઉપયોગ કરી શકીએ છીએ.

• વલણો અને વપરાશ પર નજર રાખવી અને વિશ્લેષણ કરવું.

• અમારી સેવાઓને વ્યક્તિગત બનાવવી, અન્ય બાબતો સાથે, જેમ કે મિત્રો, વ્યક્તિગત માહિતી અથવા બિટમોજી સ્ટિકરનું સૂચન કરવું, Snapchat, સહયોગી અને ત્રાહિત પક્ષ ઍપ્સ તથા સેવાઓ પર એકબીજાને શોધવામાં Snapchatters ને મદદ કરવી, અથવા તમને બતાવવામાં આવતી સામગ્રીને વધુ વ્યક્તિગત બનાવવી, જેમાં જાહેરાતોનો પણ સમાવેશ થાય છે.

• Snapchat અનુભવ પર સંદર્ભ ઉમેરો ઉદાહરણ તરીકે, તમારા લોકેશન (અલબત્ત, જો તમે અમને તમારું લોકેશન એકત્ર કરવાની પરવાનગી આપી હોય) અને તમારા ફોટો અથવા વિડીયોની (દા.ત. જો તમારા ફોટામાં એક કૂતરો છે તો તે "કૂતરો" શબ્દ દ્વારા તે યાદો માં શોધી શકાય છે) સામગ્રી પર આધારીત શોધપાત્ર લેબલ્સ સાથે તમારી યાદો ટૅગ કરીને.

• અમારી સેવાઓ પર અને બહાર, અમારી જાહેરાત સેવાઓ, જાહેરાત લક્ષ્યાંક, અને જાહેરાત માપન પૂરું પાડવું અને સુધારવું, જેમાં તમારી ચોક્કસ સ્થળ માહિતીના ઉપયોગનો સમાવેશ થાય છે (ફરી, જો તમે અમને તે માહિતી એકત્ર કરવાની પરવાનગી આપી હોય તો).  આમ કરવા માટે તમારા ઉપકરણ પર ત્રાહિત પક્ષ ઍપ્સ અને વેબસાઇટ્સના તમારા ઉપયોગ વિશે માહિતીનો પણ અમારે સંગ્રહ કરવો પડી શકે છે. વધુ જાણો. Snap Inc ની જાહેરાત પદ્ધતિઓ અને તમારી પસંદગીઓ વિશે વધુ માહિતી માટે તમારા માહિતી ઉપર નિયંત્રણ વિભાગ જુઓ.

• અમારી પ્રોડક્ટ્સ અને સેવાઓની સલામતી અને સુરક્ષામાં વૃદ્ધિ કરવી.

• તમારી ઓળખની ખરાઈ કરો અને છેતરપિંડી અથવા અન્ય અનધિકૃત કે ગેરકાનૂની પ્રવૃત્તિ ટાળવી.

• અમારી સેવાઓ અને તેમની સાથેના તમારા અનુભવને વધારવા માટે કૂકીઝ અને અન્ય ટેકનોલોજીમાંથી અમે એકત્રિત કરેલી માહિતીનો ઉપયોગ કરો.

• કાયદાને લાગુ કરવા માટે કરવામાં આવેલી વિનંતીઓની પ્રતિક્રિયા તથા કાયદાકીય જરૂરિયાતોના પાલન માટે, સેવા શરતો તથા અન્ય વપરાશ શરતોને લાગુ કરવા, તેના ભંગની તપાસ કરવા તથા તેને રિપૉર્ટ કરવા.

આપણે લેન્સની ગુણવત્તા સુધારવા માટે એપલના ટ્રુડેપ્થ કૅમેેરાની માહિતીનો પણ ઉપયોગ કરી શકીએ છીએ. TrueDepth કૅમેેરા તરફથી માહિતી વાસ્તવિક સમયમાં વાપરવામાં આવે છે — અમે આ માહિતી અમારા સર્વર પર સંગ્રહ કરતા નથી અથવા તેને તૃતીય પક્ષો સાથે શેર કરતા નથી.

અમે નીચેના રીતે તમારા વિશેની માહિતી શેર કરી શકીએ છીએ:

• અન્ય Snapchatters સાથે. અમે બીજા Snapchatters સાથે નિચે આપેલી માહિતી શેર કરી શકીએ છીએ:

• તમારા વિશેની માહિતી, જેમ કે તમારું વાપરનારનું નામ, નામ અને Bitmoji.

• તમે અમારી સેવાઓ સાથે કેવી રીતે ક્રિયાપ્રતિક્રિયા કરી છે તે વિશેની માહિતી, જેમ કે તમારો Snapchat “સ્કોર”, તમે જેની સાથે મિત્રો છો તે Snapchatters ના નામ, Snapchat પર તમે તમારા મિત્રો સાથે કેટલા નજીક છો, તમારો તાજેતરનો સ્થાન ઇતિહાસ (જો તમે Snap નકશા પર તમારી લોકેશન શેર કરવાનું પસંદ કરો છો), અને અન્ય માહિતી જે તમને Snapchatters vs અમારી સેવાઓનો ઉપયોગ કરીને અન્ય લોકો સાથેના તમારા કનેક્શનને સમજવામાં મદદ કરે છે. ઉદાહરણ તરીકે, એવું ચોક્કસ નથી કે તમને Snapchat પર મળેલી મિત્રતાની વિનંતી ઓળખીતા લોકો તરફથી જ મળી હોય, અમે જણાવી શકીએ છીએ કે તમને મિત્રતા અરજી મોકલનાર Snapchat મિત્ર છે કે નહીં.

• તમારા ડિવાઇસ વિશેની માહિતી, જેમ કે ઓપરેટિંગ સિસ્ટમ અને ડિવાઇસ પ્રકાર, જેથી ચેટ્સ, Snaps, અને શ્રેષ્ઠ દેખાવ ફોર્મેટમાં અન્ય સામગ્રી મેળવવામાં તમને મદદ કરી શકાય.

• તમે અમને જે શેર કરવાના નિર્દેશ આપ્યા હોય એવી કોઈ પણ વધારાની માહિતી. ઉદાહરણ તરીકે, જ્યારે તમે તમારા Snapchat અકાઉન્ટને તૃતીય-પક્ષ એપ્લિકેશન સાથે જોડાણ કરો છો અને જો તમે Snapchat થી તૃતીય-પક્ષ એપ્લિકેશન પર માહિતીઅથવા સામગ્રી શેર કરો છો ત્યારે Snap તમારી માહિતી શેર કરશે.

• સામગ્રી જે તમે પોસ્ટ કરો અથવા મોકલો છો. તમારી સામગ્રી કેટલી વ્યાપક રીતે વહેંચાયેલી છે તે તમારા અંગત સેટિંગ્સ અને તમે કેવી સેવાનો ઉપયોગ કરી રહ્યા છો તેના પર આધાર રાખે છે. ઉદાહરણ તરીકે, Snap તમે પસંદ કરેલ એક જ મિત્રને મોકલી શકાય છે, પરંતુ તમારી મારી સ્ટોરીની સમાગ્રી એવા ઘણા Snapchatter સુધી પહોંચે છે જેને તમે મારી સ્ટોરી જોવાની મંજૂરી આપી હોય.

• બધા Snapchatters, આપણા વ્યાપાર ભાગીદાર, અને સામાન્ય લોકો. અમે નીચેની માહિતી તમામ Snapchatters તેમજ અમારા વ્યાપાર ભાગીદારો અને સામાન્ય લોકો સાથે શેર કરી શકીએ છીએ:

• સાર્વજનિક માહિતી જેમ કે, તમારું નામ, વાપરનારનું નામ, પ્રોફાઇલ પિક્ચર, Snap કોડ, અને સાર્વજનિક પ્રોફાઇલ.

• તમારી હાઇલાઇટ, કસ્ટમ સ્ટિકર, લેન્સ, સ્ટોરી સબમિશન્સ જેવી સાર્વજનિક વિષયવસ્તુ જે દરેક દ્વારા જોવા યોગ્ય છે, અને કોઈપણ સામગ્રી કે જે તમે સ્વાભાવિક રીતે જાહેર સેવામાં સબમિટ કરો છો, જેમ કે સ્પૉટલાઇટ, Snap નકશા અને અન્ય સમુદાય-સ્રોત સેવાઓ. આ કન્ટેન્ટને લોકો મોટી સંખ્યામાં જોઈ, વાપરી અને વહેંચી શકે છે, જેમાં શોધ પરિણામો, વેબસાઇટ પર, ઇન-ઍપ અને ઑનલાઇન તથા ઑફલાઇન બ્રોડકાસ્ટનો સમાવેશ થાય છે.

• અમારા સહયોગીઓ સાથે. અમે માહિતી Snap Inc. પરિવારની કંપનીઓ સાથે શેર કરી શકીએ છીએ.

• ત્રાહિત પક્ષો સાથે. અમે નીચેની રીતે તૃતીય પક્ષો સાથે માહિતી શેર કરી શકીએ:

• અમે સેવા પ્રદાતા સાથે તમારા વિશેની માહિતી વહેંચી શકીએ છીએ જે અમારી વતી ચૂકવણી સેવા પૂરી પાડવા સહિત અને જાહેરાતોના પ્રભાવને માપવા અને ઓપ્ટિમાઈઝ કરવા અને તુતીય-પક્ષ વેબસાઈટ્સ અને એપ્લિકેશન્સ સહિત વધુ સંબંધિત જાહેરાતો પૂરી પાડવા સહિત સેવાઓ પૂરી પાડે છે.

• અમે તમારા વિશેની માહિતી વ્યાપાર ભાગીદારો સાથે શેર કરી શકીએ છીએ જે અમારી સેવાઓ પર સેવાઓ અને કાર્યક્ષમતા પૂરી પાડેે છે. તૃતીય-પક્ષો દ્વારા એકઠી કરવામાં આવતી માહિતી અંગે વધુ જાણવા માટે અમારી સહાયતા માટેની સાઇટ ની મુલાકાત લો.

• અમને અને અન્ય લોકોને છેતરપિંડી અટકાવવામાં મદદ મળે તે માટે અમે તમારા વિશેની માહિતી, જેમ કે ડિવાઇસ અને ઉપયોગની માહિતી શેર કરી શકીએ છીએ.

• કાનૂની, સલામતી અને સુરકક્ષા કારણોસર અમે તમારા વિશેની માહિતી શેર કરી શકીએ છીએ. જો અમે અનુભવીએ કે માહિતી આપવાની ખરેખર અહીં જરૂરિયાત છે તો અમે તમારી માહિતી શેર કરી શકીએ છીએ:

• માન્ય કાનૂની પ્રક્રિયા, સરકારી વિનંતી અથવા લાગુ પડતા કાયદા, નિયમ કે વિનિયમનું પાલન કરવા માટે.

• સેવાની શરતો તથા કોમ્યુનિટીના નિયમોના સંભવિત ભંગની તપાસ કરવી, સુધારવી અથવા લાગુ કરાવવી.

• અમારા, અમારા વપરાશકર્તાઓના અને અન્યોના અધિકારો, સંપત્તિ અથવા સલામતીનું રક્ષણ કરવા માટે.

• કોઈ પણ છેતરપિંડી અથવા સલામતી વિષયક સમસ્યાઓ ઓળખવા અને તેમનું સમાધાન કરવા માટે.

• અમે મર્જર અથવા સંપાદનના ભાગરુપે તમરા વિશેની માહિતી શેર કરી શકીએ છીએ. જો Snap Inc. વિલિનીકરણ, મિલકત વેચાણ, ધિરાણ, લિક્વિડેશન અથવા નાદારી અથવા અમારા વ્યાપારના તમામ અથવા થોડા હિસ્સાના અધિગ્રહણમાં સામેલ થાય, તો અમે વ્યવહાર બંધ થાય તે પહેલાં અને પછી તમારી માહિતી તે કંપની સાથે વહેંચી શકીએ છીએ.

• બિન-વ્યક્તિગત માહિતી. અમને સેવાઓ પૂરી પાડતા અથવા અમારા માટે વ્યાપાર હેતુઓ પૂરા કરતા પક્ષકારો સાથે પણ અમે સંકલિત, બિનવ્યક્તિગત રીતે ઓળખી શકાય તેવી અથવા ઓળખ દૂર કરેલી માહિતી પણ શેર કરી શકીએ છીએ.

અમારી સેવાઓમાં તૃતીય-પક્ષની સામગ્રી અને સંકલનો શામેલ હોઈ શકે છે. ઉદાહરણ તરીકે, કૅમેરામાં તૃતીય-પક્ષનું સંકલન, ચૅટમાં તૃતીય-પાર્ટીની ગૅમ્સ, અને તૃતીય-પક્ષ Snap કિટ સંકલનો. આ સંકલનો સાથે તમે Snap ની સાથે સાથે તૃતીય પક્ષને પણ માહિતી પૂરી પાડી શકો છો. તે તૃતીય પક્ષો કેવી રીતે તમારી માહિતી એકઠી કરે કે તેનો ઉપયોગ કરે તે માટે અમે જવાબદાર નથી. હંમેશની જેમ, તમે જે કોઈ તૃતીય-પક્ષની સેવા કે મુલાકાત લો છો, તેમની પ્રાઇવસી પોલિસીઓની સમીક્ષા કરવા પ્રોત્સાહિત કરીએ છીએ, જેમાં તમે અમારી સેવાઓ મારફતે ક્રિયાપ્રતિક્રિયા કરો છો તે તૃતીય પક્ષોનો પણ સમાવેશ થાય છે. તમે Snapchat પર તૃતીય-પક્ષની સેવાઓ વિશે વધુ અહીં શીખી શકો છો.

Snapchat તમને આ ક્ષણે કેવી રીતે જીવવા જેવું છે તે કેદ કરવા દે છે. અમારા તરફથી, આનો અર્થ એ છે કે Snapchat માં મોકલવામાં આવેલા - Snaps અને ચૅટ - જેવા મોટાભાગના સંદેશાઓ આપોઆપ કાઢી નાખવામાં આવશે, જ્યારે અમે શોધ કરીએ છીએ કે તે તમામ પ્રાપ્તકર્તાઓ દ્વારા ખોલવામાં આવ્યા છે અથવા સમાપ્ત થઇ ગયા હોય. સ્ટોરી પોસ્ટ જેવી અન્ય સામગ્રી લાંબા સમય સુધી સંગ્રહિત છે. અમે કેટલા સમય સુધી વિવિધ પ્રકારની સામગ્રીનો સંગ્રહ કરીએ છીએ તેની વિગતવાર માહિતી માટે, અમારી સહાયતા માટેની સાઇટની મુલાકાત લો.

અમે અન્ય માહિતી લાંબા સમય સુધી સંગ્રહ કરીએ છીએ. ઉદાહરણ તરીકે:

• તમે અમને ડિલીટ કરવાનું ન કહો ત્યાં સુધી — તમારા નામ, ફોન નંબર, અને ઇમેઇલ એડ્રેસ — અને મિત્રોની યાદી જેવી તમારી પ્રાથમિક અકાઉન્ટ માહિતીનો અમે સંગ્રહ કરીએ છીએ.

• અમે તે કેટલું ચોક્કસ છે અને તમે કઈ સેવાઓનો ઉપયોગ કરો છો તેના આધારે વિવિધ સમય માટે લોકેશન માહિતીનો સંગ્રહ કરીએ છીએ. જો લોકેશનની માહિતી Snap સાથે સંકળાયેલી હોય - જેમ કે યાદોમાં સાચવવામાં આવી હોય અથવા Snap નક્શા અથવા સ્પૉટલાઇટમાં પોસ્ટ કરવામાં આવી હોય - તો જ્યાં સુધી અમે Snap ને સંગ્રહ કરીને રાખીશું ત્યાં સુધી અમે તે લોકેશનને જાળવી રાખીશું. પ્રૉ ટીપ: તમારો ડેટા ડાઉનલોડ કરીને અમારી પાસે રહેલા તમારા લોકેશનના ડેટાને તમે જોઈ શકો છો.

જો તમે ક્યારેય એવું નક્કી કરો કે Snapchat નો ઉપયોગ નથી કરવો તો તમારું એકાઉન્ટ કાઢી નાખવા માટે અમને કહી શકો છો. જો તમે અમુક સમય સુધી સક્રિય ન હોવ તો તમારા વિશે એકઠી કરેલી મોટાભાગની માહિતી અમે ડિલીટ પણ કરી નાખીએ છીએ!

યાદ રાખો કે અમારી સિસ્ટમ સ્વચાલિત રીતે કાઢી નાખવાની પદ્ધતિઓ હાથ ધરવા માટે બનાવવામાં આવી છે, પરંતુ અમે વચન ન આપી શકીએ કે કાઢી નાખવાની પ્રક્રિયા એક નિશ્ચિત સમય મર્યાદામાં થશે. તમારા ડેટાને સંગ્રહિત કરવા માટે કાનૂની આવશ્યકતાઓ હોઈ શકે છે અને જો અમને સામગ્રીને સાચવવાનું કહેતી માન્ય કાનૂની પ્રક્રિયા પ્રાપ્ત થાય, જો અમને દુરુપયોગ અથવા સેવાની અન્ય શરતોના ઉલ્લંઘનના અહેવાલો પ્રાપ્ત થાય, અથવા જો તમારું એકાઉન્ટ, સામગ્રી બનાવવામાં આવી હોય તો અમે તે કાઢી નાખવાની પ્રથાઓને સ્થગિત કરવાની જરૂર પડી શકે છે. તમારા દ્વારા અથવા અન્ય વપરાશકર્તાઓ સાથે બનાવેલ સામગ્રી અન્ય લોકો દ્વારા અથવા અમારી સિસ્ટમ દ્વારા દુરુપયોગ અથવા સેવાની અન્ય શરતોના ઉલ્લંઘન માટે ફ્લેગ કરવામાં આવે છે. અંતે, અમે મર્યાદિત સમય માટે અથવા કાયદા દ્વારા જરૂરિયાત મુજબ, બેકઅપમાં કેટલીક માહિતી જાળવી શકીએ છીએ.

અમે ઇચ્છીએ છીએ કે તમે તમારી માહિતી પર નિયંત્રણ ધરાવતા હોવ, તેથી અમે તમને નીચેના સાધનો પૂરા પાડીએ છીએ.

• ઍક્સેસ, સુધારા અને પોર્ટેબિલિટી. તમે અમારી ઍપમાં તમારા અકાઉન્ટની મોટાભાગની મૂળભૂત માહિતીને ઍક્સેસ અને ફેરફાર કરી શકો છો. તમે પોર્ટેબલ ફોર્મેટમાં અમારી એપ્લિકેશન્સમાં ઉપલબ્ધ ન હોય તેવી માહિતીની નકલ મેળવવા માટે મારો ડેટા ડાઉનલોડ કરોનો પણ ઉપયોગ કરી શકો છો, જેથી તમે તેને ખસેડી શકો અથવા જ્યાં ઇચ્છો ત્યાં સંગ્રહ કરી શકો. કારણ કે તમારી પ્રાઇવસી અમારા માટે મહત્વપૂર્ણ છે, અમે તમને તમારી વ્યક્તિગત માહિતીને ઍક્સેસ કરવા અથવા અપડેટ કરવા દઈએ તે પહેલાં અમે તમને તમારી ઓળખની ખાતરી કરવા અથવા વધારાની માહિતી પ્રદાન કરવા માટે કહીશું. અમે તમારી વ્યક્તિગત માહિતીને અનેક કારણોસર એક્સેસ અથવા અપડેટ કરવાની તમારી વિનંતીને પણ નકારી શકીએ છીએ, ઉદાહરણ તરીકે, જો વિનંતી અન્ય વપરાશકર્તાઓની પ્રાઇવસીને જોખમમાં મૂકે છે અથવા ગેરકાયદેસર છે.

• પરવાનગીઓ રદ કરો. મોટા ભાગના કિસ્સાઓમાં, જો તમે અમને તમારી માહિતીનો ઉપયોગ કરવા દો છો, તો તમે ઍપ અથવા તમારા ડિવાઇસ પર સેટિંગ બદલીને તમારી પરવાનગી રદ કરી શકો છો જો તમારું ડિવાઇસ તે વિકલ્પો પ્રદાન કરે છે. અલબત્ત, જો તમે આમ કરશો તો કેટલીક સેવાઓ સંપૂર્ણ કાર્યક્ષમતા ગુમાવી શકે છે. પ્રમોશનલ ઈમેઈલ અને SMS માટે, તમે અનસબ્સ્ક્રાઇબ કરવાની લિંક પર ક્લિક કરીને અથવા પ્રદાન કરેલ સમાન મિકેનિઝમ નાપસંદ કરી શકો છો.

• કાઢી નાંખો. અમને આશા છે કે તમે આજીવન Snapchatter રહેશો, પરંતુ જો તમે ક્યારેય તમારું એકાઉન્ટ ડિલીટ કરવા માંગો છો, તો કેવી રીતે તે શીખવા માટે અહીંથી જાણો. તમે ઍપમાંથી કેટલીક માહિતી ડિલીટ પણ કરી શકો છો, જેમ કે તમે યાદોમાં સાચવેલા ફોટા, સબમીટ કરેલા સ્પૉટલાઇટ અને શોધ ઇતિહાસ.

• જાહેરાત પસંદગીઓ. અમે તમને એવી જાહેરાતો બતાવવાનો પ્રયાસ કરીએ છીએ જે અમને લાગે છે કે તે તમારા હિતો સાથે સુસંગત હશે. જો તમે આ જાહેરાતો પસંદ કરવા માટે ઉપયોગમાં લેવાતી માહિતીમાં ફેરફાર કરવા માંગો છો, તો તમે ઍપમાં અને તમારી ડિવાઇસ પસંદગી મારફતે કરી શકો છો. વધુ જાણવા માટે અહીં જાવ.

• ટ્રેકીંગ. જો તમે iOS 14.5 અથવા વધુ તાજેતરના સંસ્કરણોનો ઉપયોગ કરતા ડિવાઇસમાંથી ટ્રેકિંગ નાપસંદ કર્યું હોય, તો અમે ડિવાઇસ સિવાય ત્રાહિત પક્ષ ઍપનો અને વેબસાઈટમાંથી ઓળખપાત્ર માહિતી સાથે ઓળખપાત્ર માહિતી તમારા ડિવાઇસ સિવાય જાહેરાત હેતુઓ માટે Snapchat સુધીની માહિતી લિંક નહીં કરીશું. Snapchat જાહેરાત પસંદગી સેટિંગમાં પ્રવૃત્તિ-આધારિત જાહેરાત નાપસંદ કરીને જાહેરાત માટે આ ડિવાઇસ પરના ડેટાના ઉપયોગ પર નિયંત્રણ કરી શકો છો. વધુ જાણવા માટે અહીં જાવ.

• અન્ય Snapchatters સાથે વાતચીત કરી રહ્યા છીએ. અમારા માટે એ મહત્ત્વનું છે કે તમે કોની સાથે વાતચીત કરો છો તેના પર તમારું નિયંત્રણ રહે. એટલા માટે અમે સેટિંગ્સમાં ઘણા ટૂલ્સ બનાવ્યા છે, જે તમને અન્ય બાબતો ઉપરાંત, તમે તમારી સ્ટોરીઓ કોને જોવા દેવા માંગો છો, પછી ભલે તમે ફક્ત તમારા મિત્રો કે તમામ Snapchatters પાસેથી Snap મેળવવા માંગો છો, અને તમે બીજા Snapchatters ને ફરીથી સંપર્ક કરતા અટકાવવા સંપર્ક તોડવા માંગો છો કે નહીં આ તમામ વિકલ્પો પૂરા પાડે છે. વધુ જાણવા માટે અહીં જાવ.

યુનાઇટેડ સ્ટેટ્સ અને તેની બહારના દેશોમાં જ્યાં તમે રહે છો ત્યાં અમે તમારી વ્યક્તિગત માહિતીને એકત્રિત, સ્થાનાતંરિત અને સંગ્રહ કરી શકીએ છીએ. જ્યારે પણ કાયદાકીય રીતે જરૂરી હોય અને તમે જ્યાં રહો છો, તેની બહાર માહિતી શેર કરીએ છીએ, ત્યારે અમે એ બાબત સુનિશ્ચિત કરીએ છીએ કે સ્થાનાંતર માટેેની યોગ્ય વ્યવસ્થા હોય. અમે એ બાબત સુનિશ્ચિત કરીએ છીએ કે જે કોઈ તૃતીય પક્ષને અમે માહિતી શેર કરીએ છીએ તેઓ પણ સ્થાનાંતરણ માટેની પૂરતી વ્યવસ્થા ધરાવતા હોય. તમે જે તૃતીય પક્ષો સાથે માહિતી શેર કરી છીએ તેમની શ્રેણીઓ પર વધુ માહિતી અહીં શોધી શકો છો.

તમારા રાજ્ય કે પ્રાંતમાં તમે ચોક્કસ ગોપનીયતા અધિકાર મળેલા છે. દાખલા તરીકે, યુનાઇટેડ સ્ટેટ્સમાં, કેલિફૉર્નિયા તથા અન્ય રાજ્યોના રહેવસીઓને ચોક્કસ ગોપનીયતા અધિકાર મળેલા છે. યુરોપિયન ઇકૉનૉમિક એરિયા (ઈઈએ), યુકે, બ્રાઝિલ, કોરિયા ગણરાજ્ય તથા અન્ય ન્યાયક્ષેત્રોમાં પણ Snapchatters ને અમુક ચોક્કસ અધિકાર મળેલા છે. કોઈ રાજ્ય કે પ્રાંત સંબંધિત સ્પષ્ટતા અહીં કરેલી છે.

અમારી સેવાઓ - 13 વર્ષથી ઓછી ઉંમર હોય તેવા કોઇપણ માટે માટે નથી - અને અમે તેમને નિર્દેશો આપતા નથી. અને તેથી અમે 13 વર્ષથી ઓછી ઉંમરના કોઇપણ વ્યક્તિની વ્યક્તિગત માહિતી એકત્રિત કરતા નથી. આ ઉપરાંત, અમે કેવી રીતે એકત્રિત કરી શકીએ છીએ, સંગ્રહ કરવો અને 13 થી 16 સુધીની ઉંમરના EEA અને UK વપરાશકર્તાઓની કેટલીક માહિતીને અમે કેવી રીતે એકત્ર, ઉપયોગ અને સંગ્રહ કરીએ છીએ તેને અમે મર્યાદિત કરીએ છીએ. અમુક કિસ્સાઓમાં, આનો અર્થ એ છે કે અમે આ વપરાશકર્તાને કેટલીક કાર્યક્ષમતા પૂરી પાડી શકીશું નહીં. તમારી માહિતી પર પ્રક્રિયા કરવા માટે કાનૂની આધાર તરીકે સંમતિ પર અમારે આધાર રાખવાની જરૂર હોય અને તમારા દેશને માતાપિતા પાસેથી સંમતિની જરૂર પડતી હોય, તો અમે તે માહિતી એકઠી કરીએ અને તેનો ઉપયોગ કરીએ તે પહેલાં તમારા માતાપિતાની સંમતિની જરૂર પડી શકે છે.

અમે આ પ્રાઇવસી પોલિસીમાં સમયાંતરે ફેરફાર કરી શકીએ છીએ. પરંતુ જ્યારે આપણે કરીશું, ત્યારે અમે તમને એક યા બીજી રીતે જણાવીશું. કેટલીક વખત, અમે તમને અમારી વેબસાઇટ અને મોબાઇલ એપ્લિકેશન પર ઉપલબ્ધ પ્રાઇવસી પોલિસીની ટોચ પરની તારીખમાં ફેરફાર કરીને તમને જણાવીશું. કેટલીક વખત, અમે તમને વધારાની નોટિસ આપી શકીએ છીએ (જેમ કે અમારી વેબસાઇટ્સના હોમપેજમાં સ્ટેટમેન્ટ ઉમેરવા અથવા તમને એપ્લિકેશનની અંદરની સૂચના પ્રદાન કરવી).