Ábhar Gnéis

Toirmiscimid na díobhálacha gnéasacha seo a leanas: 

• Aon ghníomhaíocht a bhaineann le dúshaothrú gnéasach nó mí-úsáid mionaoisigh, lena n-áirítear dúshaothrú gnéasach leanaí nó íomhánna mí-úsáide a chomhroinnt, mealltóireacht nó sracaireacht (comhéigean gnéis) nó gnéasú páistí chun críocha gnéis. Ná postáil, sábháil, seol, cuir ar aghaidh, dáil, ná iarr ábhar nocht nó gáirsiúil a bhaineann le haon duine faoi bhun 18 mbliana d'aois (áirítear leis seo íomhánna den sórt sin a sheoladh nó a shábháil duit féin). Tuairiscimid aon dúshaothrú gnéasach atá sainaitheanta againn, lena n-áirítear iarrachtaí chun páirt a ghlacadh ina leithéid d'iompar, do na húdaráis chuí, lena n-áirítear Ionad Náisiúnta SAM do Leanaí atá ar Iarraidh agus Dúshaothraithe (NCMEC), de réir ceanglas dlíthiúil. 

• Aon chumarsáid nó iompar a dhéanann iarracht dallamullóg a chur ar mhionaoiseach, bob a bhualadh ar mhionaoiseach nó mionaoiseach a chomhéiginiú chun críche mí-úsáide nó dúshaothraithe ghnéasaigh, nó a chothaíonn imní nó náire chun mionaoiseach a choinneáil ina t(h)ost.

• Gach foirm eile de dhúshaothrú gnéasach, lena n-áirítear gáinneáil ar ghnéas, sracaireacht agus cleachtais ghnéasacha mhealltacha, lena n-áirítear iarrachtaí chun úsáideoirí a chomhéiginiú nó a mhealladh chun pictiúir díobh féin nocht a cur ar fáil. 

• Íomhánna gnéis neamh-chomhthoiliúla (NCII) a tháirgeadh, a roinnt nó bagairt a dhéanamh a leithéid a roinnt––lena n-áirítear grianghraif nó físeáin ghnéasacha glactha nó roinnte gan chead, mar aon le “pornagrafaíocht díoltais” nó iompar a bhagraíonn íomhánna nó físeáin ghnéasacha daoine a roinnt, a dhúshaothrú nó a nochtadh gan toiliú a fháil uathu.

• Gach foirm de ghnéaschiapadh. D’fhéadfadh go n-áireofaí leis sin dul chun cinn gan iarraidh, ábhar grafach agus gan iarraidh a roinnt, nó iarratais nó cuirí gáirsiúla gnéasacha a sheoladh chuig úsáideoirí eile.

• Ábhar pornagrafach a chur chun cinn, a dháileadh nó a roinnt, lena n-áirítear grianghraif, físeáin nó fiú beochan, líníochtaí nó foirmeacha réalaíocha eile de ghníomhartha gnéasacha, nó nochtacht arb é an phríomhaidhm atá léi macnas gnéasach.

• Tairiscintí de sheirbhísí gnéasacha, lena n-áirítear seirbhísí as líne (cosúil le suathaireacht earótach, mar shampla) agus eispéiris ar líne (cosúil le comhrá gnéasach nó seirbhísí físeáin a thairiscint, mar shampla).

Ní cheadaímid nochtadh neamhghnéasach i gcomhthéacsanna áirithe, cosúil le beathú cíche, gnáthaimh leighis nó rudaí eile den chineál céanna.

Is é an sprioc atá againn ná pobal sábháilte a chothú inar féidir le Snapchatters iad féin a chur in iúl agus ní ghlacaimid le hábhar gáirsiúil nó dúshaothraithe. Má mhothaíonn tú míchompordach riamh, ná bíodh drogall ort teagmháil a dhéanamh le duine iontaofa i do shaol, tuairisc a thabhairt ar ábhar sáraitheach agus bac a chur ar aon úsáideoir ciontach.